هل كده طرمبة البنزين عايزه تتغير ؟

[a raafat]

السلام عليكم
كان عندى استفسار يا جماعه دلوقتى انا عندى لو العربيه بطلت مثلا جيبت الاول ورفعت رجلك بسرعه وبطلت مش بتدور تانى بسهوله يعنى بتدور بعد مرتين او تلاته هل كده تبقى الطرمبه مش حلوه ؟ " الميكانيكى كان قالى كده " مع العلم انك لما بتبطلها من الكونتاك عدى وتدور بتدور بسهوله مفيش مشاكل
بالأضافه انى حاسس ان استجابه البنزين مش اللى هيا يعنى ممكن يكون فيه أداء أحسن من كده
هل ده معناه انى محتاج اغير الطرمبه ؟ انا مش هغيرها اليومين دول لانى صارف كتير اليومين الل فاتوا عالعربيه بس لو العيب منها قدام شويه هغيرها

[دعبدالرحيم]

يا باشا راجع الفلاتر كلها والبوكيهات وراجع علي الخراطيم اللي طالعه من المنفولد..واخيرا اتاكد من الرشاشات..والاهم اتاكد انك محطتش بنذين في ميه ...علي حد علمي لو الطرمبة بايظة العربيه ما تدورش اصلا ولو بشاور نفسها تلاقي تقطيع علي السرعات العالية ودا بيحصل من الموبينه ايضا...المهم راجع علي الوصلات والفلاتر وان شا الله خير

[saddam]

صديقي المواطن
قولا واحدا مشكلتك لا علاقة لها بطرمبة البنزين مشكلتك تنظيف رشاشات مش يدوي شغل ميكانيكية ﻷ تتحط على جهاز أو كورس منظفات شديد اللهجة مع التاتك وتغير بوجيهات بنوع غالي وتغير سلوكها وتغير فلاتر وترجع عربيتك طلقة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[a raafat]

شكرا يا جماعه عالرد والاهتمام
بالنسبه للفلاتر انا لسه مغير فلتر بنزين والهوا والزيت كويسين
والبوجيهات برده لسه مغير طقم بوجيهات وجايبه نوعه :champion أمريكانى خصوصا ان العربيه جيب شيروكى وعامل 100 جنيه مش عارف بقى

[دعبدالرحيم]

طييب..راجع يا باشا علي الدينمو واتاكد ان الكهربا مفيهاش مشكله قيس الدينامو وشوف واربط القطاش كويس..بس انت اتاكدت انه ما فيش سلك ولا حاجه مخلوعه من مكانها..لو كلو سليم خصوصا الكهربا ..هات منظف ورش وهيه العربيه شغاله واوعي ترش وهيه بطاله لان الجيب عملتها مع ابن عمي ورش وحب يدور ما دارتش..وبخصوص الرشاشات لا اعتقد انهم فيهم حاجه لان رشاشات الجيب ممكن تعد معاك مليون كيلو علي بال ما تبوظ ..بس روح لكهربائي محترم زي ما قلتلك

[a raafat]

طييب..راجع يا باشا علي الدينمو واتاكد ان الكهربا مفيهاش مشكله قيس الدينامو وشوف واربط القطاش كويس..بس انت اتاكدت انه ما فيش سلك ولا حاجه مخلوعه من مكانها..لو كلو سليم خصوصا الكهربا ..هات منظف ورش وهيه العربيه شغاله واوعي ترش وهيه بطاله لان الجيب عملتها مع ابن عمي ورش وحب يدور ما دارتش..وبخصوص الرشاشات لا اعتقد انهم فيهم حاجه لان رشاشات الجيب ممكن تعد معاك مليون كيلو علي بال ما تبوظ ..بس روح لكهربائي محترم زي ما قلتلك

شكرا يا دكتور عبد الرحمن عالرد والاهتمام
هيا العربيه خرجت بيها امبارح ومحستش بمشكله فى دوسه البنزين وكان الاستجابه كويسه اعتقد انها لما بتسخن كويس بيبقى الأداء كويس
بس طبعا مشكله ان العربيه لما بتبطل لا أراديا يعنى زى ما قولت اجيب الاول وارفع رجلى على طول من غير ما اشبع بنزين مثلا والعربيه تبطل ساعتها مش بتدور بسهوله وبتحس ان البنزين واصلها بالعافيه

بالنسبه للدينمو هوه مكانش شغال عندى وانا غيرتله الكتاوت بتاعته وبقى شغال دلوقتى و بالنسبه للكهرباء فاليومين اللى فاتوا كنت مظبط الكهرباء وعامل ترميم للجزء الفوقانى من الضفيره عند كهربائى محترم ومغير كمان اسبراتير وبوجيهيات
وكمان مفيش سلوك مخلوعه وانا كمان مغير اغلب الفيش القديمه اللى كانت بتتهز
بس هحاول ابقى اجيب منظف الرشاشات ده واحطه زى ما حضرتك قولت والعربيه دايره

[دعبدالرحيم]

طيب هات الرش وشوف بس انا حاسس انها مشكله كهربا او حساس ومش مسجل قراءه....عموما افصل كبل البطارية لمدة خمس دقايق وركبه تاني علشان الكونترول يقرا تاني ( ريستارت يعني) ..ولا قدر الله لو ماظبطتش توكل علي الله وغير ضفيره وبلاش ترميم فيها تاني ...وشكرا

[abo hosen]

طلمبة البنزين ضعيفة لانتهاء عمرها الافتراضى بمعنى ان الحركة الميكانيكية بداخلها مشوارها اصبح قصير ممكن تصلحها عند ورش اصلاح طلمبات فى مساكن عين شمس او بمعروف لكن انصحك بواحدة جديدة افضل

[amer_aboamer]

على فكرة ياجماعة انا حاسس ان الموبينه هيا اللى ورا الموضوع ده
انتا بس لما عربيتك تعمل كدا تانى ابقى شوف الموبينة واتاكد انها مش سخنة
ولو كانت سخنة استنا على ماتبرد وجرب تانى تدور العربية وشوف الفرق

[a raafat]

طب بصوا يا جماعه هقولكوا حاجه حصلت امبارح وتقولولى برده مش طرمبه ؟
دلوقتى امبارح كان معايا واحد صاحبى لسه بيتعلم السواقه وهيطلع الرخصه النهادره وبالمناسبه رسب فى الامتحان المهم قالى عايز بس اجرب ارجع بعربيتك عشان مش متظبط فى الرجعه ركبته وسيبته يرجع طبعا بما انه مبتدأ وبيتعلم فاعربيه بطلت منه جينا بعد كده ندورها مش راضيه تدور لكن لما فضلت ادوس بنزين وانا بدور دااارت
هل معنى كده ان العيب من الطرمبه فعلا ؟
بالنسبه للموبينه انا اعتقد ان لو الموبينه فيها مشكله العربيه مش هتدور بس حتى لو دوست بنزين برده مش هتدور غير لما العربيه تبرد خالص والله اعلم

[a raafat]

للأسف يا جماعه الوضع أزداد سوء
النهارده الصبح روحت اطلع بالعربيه دورتها لقيت صوت الموتور متقطع كده وحسيت بخبط من تحت فى العربيه وكل شويه العربيه ترعش والار بى ام ينزل وتبقى عايزه تبطل واكبس بنزين بمجرد ما اشيل رجلى من عالدواسه ترعش والاربى ام ينزل وتبقى عايزه تبطل
هل كده نقدر نجزم ان العيب طلع طرمبه بنزين ؟

[م.محمد علاء]

هي العربيه نوعها إيه؟
المشكله دي ممكن تكون حساس كرنك

[a raafat]

شكرا يا فندم عالرد
جيب شيروكى 93
يااااارب متكونش حساس كرنك مش ناقصه انا صارف عليها لحد دلوقتى بتاع 4000 جنيه لما كرهتها وكرهت نفسى ولو طلعت حاجه غير الطرمبه هرميها فى الجراج وافصل البطاريه ومش مصلحها انا اتخنقت :(

[م.محمد علاء]

بنزين طبعا؟
بص لو تعرف تدي كهرباء مباشر للطلمبه ده هيخليك تحكم كويس على كفائتها..
و تنهيلك القصة دي خالص..
بس البرجله مع تالبطيل وصعوبة الدواره غالبا حساس كرنك..
بس أرجع و أقولك انا معنديش علم بالمكنه بتاعك وهل فيها حساس كامه و كرنك من عدمه

[a raafat]

بنزين طبعا؟
بص لو تعرف تدي كهرباء مباشر للطلمبه ده هيخليك تحكم كويس على كفائتها..
و تنهيلك القصة دي خالص..
بس البرجله مع تالبطيل وصعوبة الدواره غالبا حساس كرنك..
بس أرجع و أقولك انا معنديش علم بالمكنه بتاعك وهل فيها حساس كامه و كرنك من عدمه

تمام يا بشمنهندس
هيا العربيه فيها حساس كرنك فعلا
وبالنسبه للدواره فهيا بتدور بسهووووله والنهاده دارت بسهوله بس بترعش وتبقى عايزه تبطل
بتدور بصعوبه فى حاله واحده فقط وهيا لو بطلت منك وانت سايق اما فيما عدى ذلك فبسيبها بالتلات ايام فى البرد والسقعه دى وبدورها بتدور
عالعموم هشوف الميكانيكي يبص عليها وربنا يستر والله لو لقيتها هتفتح بوقها منا مصلحها عشان اتخنقت خلااااااااااااااااااااااااااااااااااص :(