مشكله صوت تكتكه في صوت السياره

[esma3iltv]

عربيتي نوعها لانسر كريستاله ٩٨ بها مشكله تظهر مع تزويد البنزين وهيا صوت تكتكه خفيفه في الموتور مع وجود رجه في الموتور بحسها في الدريكسيون رحت لاكتر من ميكانيكي قالولي اكتر من رأي مختلف واحد قالي ممكن تتصلح هنغير عمود الكرنك وشويه حاجات بايظه في الموتور والتاني قالي هيحتاج يغير نص الموتور اللي تحت والافضل يكن ١٦٠٠ سي سي علشان هيا ١٣٠٠ وانا كنت عامل نص عمره من فتره وبصراحه محتار اعمل ايه ومين فيهم الصح

[Ahmed Saad]

ممكن لو الصوت جاي من تحت تبقي سبيكه ولو من فوق يبقي صبابات بس خلي ميكانيكي محترم هوا اللي يشوفها يكون ميكانيكي كبير وخبره علشان يحدد الصوت ده منين بالضبط وربنا يوفقك

[esma3iltv]

اولا الف شكر للاهتمام والرد
بس انا فعلا روحت لكتر من ميكانيكي حوالى 10 والمشكله ان احترت اكتر ومش عارف اعمل ايه بس خلاصة الاراء كالاتى:-
1- يقول ان الموتور افضل حل يتصلح وبعد ما يتفك يشوفوا المشكله في ايه ولو التكلفه للتصليح هتكون عاليه نغير موتور ويفضل يكون 1500 علشان العربيه تعلى بدل الموتور ال 1300 سى سى وعلشان التكييف وهكذا والاراء منقسمه ما بين الصيانه للموتور اللى فيها وان بعد الصيانه في العمره ليها الموتور هيرجع احسن من الاول او تغيير الموتور والفرق في الفلوس كتير بصراحه يعني التصليح هيكلف في حدود 2000 جنيه وتغيير الموتور بموتور 1500 سي سي هيكلف 6000 جنيه وبصراحه مش عارف الصح ايه اصلح الموتور اللى فيها ولا اغير موتور ولو غيرت الموتور اغير اتوماتيك ولا مانيول زى ما هيا
أفيدونى أرجوكم

[akhatab]

ممكن توضح شويه وتوصف بدقه اكتر الصوت ده وهل والعربيه بارده بس ولا في كل وقت وسؤال اخير ظبط تاكيهات ولا لأ - لأن ممكن تكون التاكيهات محمله وهي اللي بتعمل الصوت ده