العربية بتقطع اول بتشتغل وبين غيارات الاتوماتيك

[mido m]

السلام عليكم
انا معايا هوندا موديل 2003 اتوماتيك عاملة 230000 كيلو اتاخرت عليها شوية في تغير الزيت بتاع الماكينة غيرته تقريبا على 6200 كيلو والمشاكل نزلت على دماغي ومش لاقيلها حل فياريت اللي مرت عليه اي مشكلة من الحاجات دي ميبخلش علينا

اول حاجة اول ما بتدور العربية بسمع فيها صوت صدى هوا زي صفير كدا بس غير صوت السيور خالص وبيكون فيها تقطيع غير طبيعي خالص حتى لو سخنت العربية

بعد لما تمشي العربية شوية يجي ربع ولا نص ساعة التقطيع بيختفي شوية بس بلاقي الفتيس بينقل متاخر شوية والوقت اللي بينقل فيه بلاقي العربية كلها بتترج والنقله اللي بعدها بلاقي عداد rpm بيعلى لوحده وصوت الماكينة بيعلى كمان وبعد كده بتاخد النقلة اللي بعدها عادي جدا

الخلاصة يا جماعة العربية فتره التغيير بين السرعات بقت اطول لما بشد ع العربية اما لو مش شادد عليها فبتنقل عادي

[remon]

متابع معاك في موضوع التاخر في نقل السرعات ده

[mido m]

التوكيل شاكك انها جابت فتيس بسبب حوار انو بيفصل اقل من ثانية ويرجع اما الرعشة والتقطيع بين النقلات فلسه مش عارفين انا هفحص كمبيوتر بكرة او السبت عندهم وهبلغكم بالنتيجة

[remon]

ياريت لما تعرف سبب الرعشه تفيدني لاني حاسس انها نفس مشكلتي

[mido m]

اخر حاجة العربية فعلا جابت فتيس وبقالها عندهم من يوم الاحد وربنا يسهل
بالنسبة لو عندك رعشة بس من غير تقطيع او خشونة ف النقلات وبدون ما عداد الاربي ام يعلى شيك على الكويلات ,,بصراحة معرفش هما ايه بس هما تبع الكهربا بوجيهات وكابلات وشيك على الموبينه وان شاء الله هتظبط معاااك

اما لو حاسس كأن فيه خشونة او حاجة زي التقطيع بين النقلات او عداد الار بي ام يعلى او ساعات الفتيس بيفضي نفسه ويرجع يشتغل في اقل من ثانية شيك على زيت الفتيس والفلتر بتاعه ممكن يكون خلصان لو ماشي عليه 50,000كم وممكن الفلتر مسدود ومش كل العربيات فيها الفلتر دا ولو مظبطتش دي كلتشات الفتيس بتودع امشي عليها لغاية لما الفتيس يفصل خالص واعمله عمره او دورلك على واحد استيراد احسن