أول ما أفتح الكونتاك الموبينة تعمل شرز

[0105365]

السلام عليكم
معايا عربية جولف 2 لسة مسقط موتور 2e
كان ماشى كويس وبعد كدة دلوقتى مش عايزة تدور خالص كل ما بفتح كونتاك وقبلما أدور الموبينة بتعمل شارز ودى حاجة غلط
دى سببة أية؟؟؟
غيرت الكنترول وبرضوا نفس المشكلة ومش عايزة تدور حد يفدنى بسرعة

[bolvegari]

شوف يا باشا العيب احتمال كبير من الموبينه او من المارش بتاع العربيه

شوف الميكانيكى رضا جولف فى الحرفيين ده صنايعى حكايه هيحللك الموضوع كله

ومتقلقش من حاجه انا معايا موتور 2e برضه بس على جولف 3

واعتقد الموضوع بسيط إن شاء الله


انا بس كان ليه طلب عندك علبة الديفل الى انت مركبها جايبها منين لانى عايز واحده نفس الشكل ده وصوتها عامل ازاى

طلب تانى لو مش فيها رخامه قولى اخبار الموتور ده معاك ايه من جهة الشد ............الخ

لانى هستلم العربيه بالمتور بكره واتمنى تتحل مشكلتك وتفدينى بأذن الله

[0105365]

أولاً بالنسبة للديفل موجود فى الحرفين بس بتكون العلبة كمان نيكل
دى شكمان الأصلى أبو روحين وأنا مركب الطلقتين دول بس
ثانياً أنا لسة ما خلصتش العربية وما مشتش بيها مشوار المشوار ما بيكملش تكون العربية وقفت وما تدورش تانى بس من ناحية الشد أنا كان عندى الأول الموتور الأصلى بتاع العربية
16v 1800 139hp
أظن أن سحبة أحسن بكتير من ال 2e
بس دى حلو برضوا علشان 119 Hp

أنا بتعامل مع يحيى وأظن أن المشكلة الى فى العربية دى مش ميكانيكى دى كهربائى :(
ومبروك على العربية وأن شاء الله تستلمها تمام التمام

[ahmed1981]

إحتمال وجود خطأ في تركيب الضفيرة
المفروض تروح للميكانيكي اللي سقطلك الموتور يحل المشكلة

[0105365]

أنبارح جبت كهربائى بص عليها وشيكنا على كل حاجة فى العربية كلة شغال مية مية بس برضوا مش عايزة تدور
أنا أتجننت
أحنا لدرجة اننا شكينا فى البوجيهات :(
بجد محتاج مساعدة أو دلونى على كهربائى متخصص جولف فى عين شمس أنا زهقت
المشكلة الرئسية( حكاية أول ما أفتح الكونتاك الموبينة يتعمل شرز)

[king_de_egypt]

لو فيها مشط الكترونى بص عليه احتمال يبقى فاصل اللى بياخد من الموبينه فا شوف وقولنا

[0105365]

فيها مشط موبينة
بس الموبينة مخرج للكنترول فا المفروض الكنترول ما يعملش كدة
أنة يطلع شرز لوحدة من غير لم أدور

[ahmed1981]

روح لسيد عبده قدام بنزينة التعاون المجاورة لسنترال مصر الجديدة بشارع جسر السويس

[0105365]

السلام عليكم
الحمد لله والشكر لله الحلوة أتكلمت
أنا غيرت كنترول وموبينة وشيكت على كل حاجة
المشكلة طلعت من فيشت المارشدير علشان أنا يوم العربية ما عطلت أنا روحت غيرت الماستر العمومى للفرامل فا زيت الباكم نزل على فيشة المارشيدر تمام
فكينا فيشت المارشيدر كلوا أشتغل أنا مش فاهم هى عملت أي بالظبط بس النهاردة هاروح أبص كويس على الفيشة

[king_de_egypt]

طيب االحمد الله انك عرفت ايه اللى كان عامل كدا اصلها عملت معايا قبل كدا بس كانت فى هيونداى اكسنت فا كان المشط الالكترونى بايظ بس وربنا يباركلك فيها يا معلم

[0105365]

الله يخليك يا معلم