مشكلة واكشفت انها من البوجيهات

[Ahmed.Essam]

السلام عليكم
حصلت حاجة معايا وانا مسافر بالعربية و بكرم من عند ربنا عرفت السبب وربنا عداها على خير قولت احكي اللي حصل عشان لو حصلت مع حد ياخد باله

كنت مسافر القاهرة النهاردة بالعربية زي كل مرة بسافر فيها عادي جدا لكن المرة دي لقيت حاجة غريبة في العربية اول مرة تحصل
طول ما انا ماشي في الزحمة على 20 كم او اقل بحس برجة خفيفة في العربية وابتدت تزيد وتزيد وتزيد
لحد ما حسيت ان العربية مش عايزة تمشي طول ما العربية على سرعة 80 او 90 كم العربية حالفة ما تمشي وبقيت احس بالرجة دي اكتر واكتر وما تتعدلش غير لما اعدي ال100 كم اللي بجيبها بالعافية
المهم وانا ماشي فضلت افتكر ايه اخر حاجة عملتها في العربية !!

قولت يمكن البنزين مغشوش و مخلوط ؟!
ولا البوجيهات اللي لسه مغيرها من يومين مش تمام ؟؟!

المهم الحمدلله وصلت بالسلامة وانا مخنوق ومش عارف اعمل ايه ولا فاهم ايه السبب

بس سبحان الله جه في بالي اني لما كنت بغير البوجيهات المعلم اللي بيغيرها لف شيكارتون على واحد من البوجيهات دي عشان يحشره وهو بيركبه مش فاهم ليه ولا عارف انا مسألتوش وقتها ازاي بس افتكرت ان ده اللي حصل
اول ما رجعت للعربية فتحت الكبوت وطلعت البوجيه وشلت الشيكارتون وحطيت البوجيه تاني وسميت بالله ودورت العربية ..
الحمدلله العربية مفيهاش رجة خالص
مشيت بيها شوية براحة .. والحمدلله تمام بردو مفيش رجة
وانا راجع على الطريق لقيت العربية تمام الحمدلله والمشكلة اتحلت

طبعا حمدت ربنا وقولت احكي اللي حصل يمكن لو لا قدر الله حصلت مع حد بدل ما يتجنن زيي ودماغه تضرب يبقى عارف ان ده ممكن يكون سبب

واسف طولت على حضراتكم

[Ahmed_Ramadan]

كده تمام ... مبروك حل المشكلة

يا ريت بقى تسألنا على سبب إنه لف البوجيه ده بالذات بالشيكرتون

[Ahmed.Essam]

كده تمام ... مبروك حل المشكلة

يا ريت بقى تسألنا على سبب إنه لف البوجيه ده بالذات بالشيكرتون

الله يبارك في حضرتك
ان شاء الله لو رجعتله تاني هسأله واقول هنا

[ehabouf]

انصحك اوعى تروحله تاني او تشوف خلقته
ده حمار برخصة
الشكارتون اللي لفه على البوجيه فصله عن الأرضي بتاع العربية يعني كان مش شغال او على افضل تقدير كان بيفصل ويشتغل ده على اعتبار ان فبه جزء من جسم لبوجيه ماكنش متغطي كويس بشريط اللحام

[المنسي]

من الاخر انت كنت ماشى بالعربية متلتة

[Ahmed.Essam]

انصحك اوعى تروحله تاني او تشوف خلقته
ده حمار برخصة
الشكارتون اللي لفه على البوجيه فصله عن الأرضي بتاع العربية يعني كان مش شغال او على افضل تقدير كان بيفصل ويشتغل ده على اعتبار ان فبه جزء من جسم لبوجيه ماكنش متغطي كويس بشريط اللحام

ماهو ده اللي انا فهمته واتغاظت من نفسي جدا لما شوفته بيعمل كده وكأن نزل على عنيا ستارة سودا ومقولتلوش انت بتعمل ايه
الحمدلله حصل خير وجت سليمة

[Ahmed.Essam]

من الاخر انت كنت ماشى بالعربية متلتة

حصل خير الحمدلله وانا قولت انبه للي حصل معايا لحضراتكم لاني مخدتش بالي خالص من اللي بيعمله ده او بمعنى اصح مجاش في بالي الغلط ده وجت سليمة الحمدلله

[Ahmed_Ramadan]

هو الأهم من حل المشكلة نعرف نظريته إنه يحط الشيكرتون

[amro1965]

احمد ربنا انها مجتش على افتكاسه اكبر من ذلك
اللى حصل معايا اخطر ولكن ربك سلم
اللى حصل معى انى غيرت زيت محرك عند واحد معندوش ضمير
اغيرلك فلتر الزيت ياباشا قلت لحالى مفيش مشكله غيرة
غير فلتر الزيت وغير زيت المحرك ومشيت ومفيش مشكله
ظهرت المشكله وسيارتى كانت واقفة امام مكان عملى وفى اليوم ده لم تدور قلت ادور زق
زمايلى زقوها وجيت ادورها طبعا العربيه بتحصل لها رجه فى الاول والحمد لله السيارة لم تدور قمت ركنها
زميل لى قال خلى بالك فى زيت كتير نازل من تحت السيارة
بصيت واكتشفت فلتر الزيت وقع وزيت المحرك كله بقى فى الارض
الباشا بتاع الزيت لما ركب الفلتر اللى هو من عنده كان مش مضبوط فعمل له زيت الشيكرتون والله اعلم وشبطته ولما حصلت الرجل فك ووقع وبالتالى اهدر كل زيت المحرك
الفكرة ان فى ناس كفتجيه بتفتى كتير لكن فتواهم المدمرة ممكن تضيعنا وتهدرنا مبالغ طائلة
لكن
الاحلى فى مداخله اخى العزيز وياريت باقى الاعضاء يعملوا زيه يكتبوا المشكله وسببها وكيفية حلها
مع تحياتى
عمرو

[Ahmed.Essam]

هو الأهم من حل المشكلة نعرف نظريته إنه يحط الشيكرتون

والله انا لو روحتله تاني هسأله ان شاء الله واقول هنا مع اني مش طايقه

[Ahmed.Essam]

احمد ربنا انها مجتش على افتكاسه اكبر من ذلك
اللى حصل معايا اخطر ولكن ربك سلم
اللى حصل معى انى غيرت زيت محرك عند واحد معندوش ضمير
اغيرلك فلتر الزيت ياباشا قلت لحالى مفيش مشكله غيرة
غير فلتر الزيت وغير زيت المحرك ومشيت ومفيش مشكله
ظهرت المشكله وسيارتى كانت واقفة امام مكان عملى وفى اليوم ده لم تدور قلت ادور زق
زمايلى زقوها وجيت ادورها طبعا العربيه بتحصل لها رجه فى الاول والحمد لله السيارة لم تدور قمت ركنها
زميل لى قال خلى بالك فى زيت كتير نازل من تحت السيارة
بصيت واكتشفت فلتر الزيت وقع وزيت المحرك كله بقى فى الارض
الباشا بتاع الزيت لما ركب الفلتر اللى هو من عنده كان مش مضبوط فعمل له زيت الشيكرتون والله اعلم وشبطته ولما حصلت الرجل فك ووقع وبالتالى اهدر كل زيت المحرك
الفكرة ان فى ناس كفتجيه بتفتى كتير لكن فتواهم المدمرة ممكن تضيعنا وتهدرنا مبالغ طائلة
لكن
الاحلى فى مداخله اخى العزيز وياريت باقى الاعضاء يعملوا زيه يكتبوا المشكله وسببها وكيفية حلها
مع تحياتى
عمرو

شكرا لحضرتك انا معملتش حاجة والحمدلله انها جت على أد كده وعدت على خير معايا ومع حضرتك
والمشكلة فعلا اننا في مصر بقينا غصب عننا بنخون كل الناس لان قلة الضمير بقت منتشرة وعشان الواحد يثق في حد بقا امر صعب والدليل اللي حصل مع حضرتك ومكلفش خاطره يعرف حضرتك حتى

بس الحمدلله جت سليمة ويارب ماتتكررش تاني