سؤالين ياجماعة

[wardet]

عندى شاهين 1996 1300 CC
بس حاسس ان الكهربا يا البطارية مش مظبوطين
بمعنى انى لما ادوس بنزين النور بتاع التابلوه ونور العربيه نفسه بيعلى
ولما ادوس فرامل والعربية ماشية او لما اشيل رجلى من دواسة البنزين والعربية واقفة بلاقى النور بيقل
ولما مروحة الموتور بتشتغل برضه النور بيقل
غير ان ساعات لمبة البطارية بتقيد نص نص كدا
ولما اقيد العالى اللمبة بتقيد اكتر
----------------
تانى سؤال ان مروحة الموتور بتشتغل كتير اوى
مع ان درجة الحرارة بتكون اقل من ال 90 بكتير
==================

[FLYINGPEUGEOT]

بالنسبة للسؤال الاول :اكشف على الاراضى ىىىىىىىىىىىىىىىىىىىى
كويس اوى...وخللى كهربائى يقسلك الشحن

............................

بالنسبه للسؤال التانى....خد هوا لدورة المياه وغير الثرموستات

[wardet]

ممكن توضيح اكتر بعد اذنك

[moooha]

ـــ احياناً لما بيكون كابلات الارضى مش مربوطة كويس فى مكانها تعمل نفس المشكلة
اكشف عليها وشوف هى مربوطة كويس والا ..لأ . ومعلش اتعب وصنفرها بصنفرة حدادى لان ممكن جداً تكون عليها املاح وبالتالى متوصلش ارضى للسيارة كويس ..
ـــ وممكن لو الدينامو شحنه ضعيف يعمل نفس المشكلة .. ياريت كهربائى يقيس لك الشحن وطبعاً لازم يقيس الشحن والانوار والتكييف شغالين وشوف الشحن ها يوصل لكام
المفروض انه يبقى 12 فولت فيما فوق .. يعنى لو اقل من 12 فولت ها يبقى فى عيب فى الدينامو ( سيلكونات أو الكتاوت ) ...
ــــ أما بالنسبة للسخونة خد هواء من الرداتير بمعنى : هتلاقى فى الرداتير حنفيات .. دور المحرك وافتح القربة واضف المياة حتى تخرج المياة من حنفية الرداتير ثم اغلق الحنفية .. وهكذا .. كرر نفس الامر لو فى حنفيات فى خراطيم دورة المياة واكشف على ثرموستات الحرارة وبدله بأخر وشوف الفرق ... وإن شاء الله هتتحل
وممكن نكشف لك عليها لو تحب احنا تحت امرك .. وما تخافش مش هنغرمك كتير ...
سلام يا باشا ...

[hazem_khidr]

مشكلتك الاولي يا ارضي
يا اما الدينامو عاوز صيانه فيه شربون معلق مثلا او عاوز يتغير.