ارجو المساعده في حادث كيا ريو 2013

[TOPY]

السلام عليكم دي اول مشاركه ليه في المنتدي يوم 21/12/2013 عملت حادث علي طريق القصاثين والسياره اتقلبت بيا اربع البات 3 فغي الهواء و1 في الارض بسبب ساره فيرنا قطعت الطريق عليه وطريق الشرقيه اسواء طريق في مصر المهم الحمد الله خرجت الي صدمني ظابط امن مركزي من فقوس وطلب مني واترجاني ان مجبش اسمو في المحضر وعشان الانسان طيب ومبيحبش الشر لحد مجبتش اسمو في المحضر عشان ميضرش المهم بعد معملتلو الي هو عوزو لقيتو بيقولي لازم تصلحلي عربيتي عربيتو معدش فيها كلمه خالص باظت تمام انفجرت بلكامل بعد قفز منها
طيب انا عربيتي التأمين بتعها خلص قبل الحادث بثلاث ايام يوم 18 وطبعآ شركه التأمين رفضت ان هي تعملي اي حاجه, دي صور العرابيه
سئلت علي القطع والنف كامل امامي لاقيتو 50 الف وصلت 45 بلعفيه دا غير طبعأ مصنعيات والمبلغ دا مش متوفر معايه دلؤتي خالص لو في حد منن اعضاء المنتدي يقضر يفدني اروح فين او اجي منين عشان انا فعلآ تايه وبسمع كلام كتير قوي من كتير ومحدش فاهم حاجه في اي حاجه انا عاوز نص الساره كامل من اول التبلوه بس من غير عظم او حوض وعاوز مكان يرجعلي العرابيه فبريكا تاني بالله عليكم لو في حد يقدر يفدني او اي حد يقدر يفدني في شركه التأمين دا رقمي 01153387199
احمد سعد

[TOPY]

معلش يجماعا معرفتش ارفع صور العربيهممكن حد يقولي اعمل ايه عشان الصور تنزل مع الموضوع

[محمد بدر]

ربنا يعوضك خير ان شاء الله

[saddam]

صديقي المواطن
إبعتلي الصور وأنا قولا واحدا بعون الله لو عرفت أرجعهالك زيرو على مسؤوليتي بأقل من المبلغ ده حقلك ﻷن أنا حاليا لا زالت تحت يدي عرببة مقلوبة قلبتين ميتسوبيشي جيب والحمد لله ربنا قدرني وبرجعها أحسن من.يوم الفبريكة ولا تقلق حنوقف جنبك أنت في محنة ومستاء من ظابط اﻷمن المركزي فهذا إنسان ليس على خلق بناءا على صحة روايتك يعني بدل ما يطبطب عليك عشان حققتلو طلبه آخرتها بيجي يبالغ في الظلم والعدوان والظلال ويطلب إنك تصلحله
حسبنا الله ونعم الوكيل وطبعا قولا واحدا تكلم ورشة اﻷخ المواطن المؤسس كريم منير جايز يقدر بخدمك بسعر أرخص وهو عنده ورشة نايل موتورز ومش حيقصر
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[A.Adel]

لا حول ولا قوة إلا بالله
ربنا يعوض عليك


بالنسبة للظابط ده ,سيبك منه
قوله روح اثبت إن أنا اللي خابطك أصلا
وبدام هو مش عاوز اسمه يبقى موجود في المحضر
مش هيعرف يعمل أي حاجة

بس إنت بصراحة غلطان ,يعني إيه متجبش اسمه في المحضر ؟!!!!!!!
ده المفروض يصلحلك عربيتك على حسابه
مش العكس !!!!!!!!

أما بالنسبة للتأمين , إنت جتلهم عالطبطاب
أكيد مش هيصلحوها طبعا ودة حقهم لأن تأمينك خلصان

[mezo73]

الزميل الفاضل ربنا يعوضك ان شاء الله خير عن عربيتك ورب ضارة نافعة
بالنسبة للصور اعمل اكونت علي اللينك دة
[url=http://imageshack.us/]ImageShack

[TOPY]

الحمد الله عل كل حال واحمد الله اني مازلت علي قيد الحياه في مشكله تنيا ان بارو السياره مفصلش ونا فوق التمنين ودي حصلت مع صديق ليه بنفس نوع وموديل اليباره بس هو اتوافه الله يرحمو ودي احد اسباب الحادث لو كان البارو فصل كان من الممكن السيطره علي السياره ودي رابع سياره يحصل فيها كدا مع ناس اعرفهم ودا عيب انا عاوز اي حد يعرف يجب ايمال شركة كيا عشان اخاطبهم وعندي محامي كويس هيساعدني في كدا اهو قشياه الواحد بيتشعبت فيها يمكن تتحل والشركه تعوضني ارجو الرد

[TOPY]

انا رفعت صور العربيه علي الدروب بوكس كل لينك بصوره

https://dl.dropboxusercontent.com/u/1080534/2013.12.21.2.jpg

https://dl.dropboxusercontent.com/u/1080534/2013.12.21.4.jpg

[hassanstar]

ربنا يصبرك وان شاء الله تلاقى ولاد الحلال ال يساعدوك

[starlanos]

ربنا يعوض عليك
الحمد لله انك كويس

[ahmedsrs]

حاول تكلم الاخ صدام يمكن يقدر يساعدك

[TOPY]

صديقي المواطن
إبعتلي الصور وأنا قولا واحدا بعون الله لو عرفت أرجعهالك زيرو على مسؤوليتي بأقل من المبلغ ده حقلك ﻷن أنا حاليا لا زالت تحت يدي عرببة مقلوبة قلبتين ميتسوبيشي جيب والحمد لله ربنا قدرني وبرجعها أحسن من.يوم الفبريكة ولا تقلق حنوقف جنبك أنت في محنة ومستاء من ظابط اﻷمن المركزي فهذا إنسان ليس على خلق بناءا على صحة روايتك يعني بدل ما يطبطب عليك عشان حققتلو طلبه آخرتها بيجي يبالغ في الظلم والعدوان والظلال ويطلب إنك تصلحله
حسبنا الله ونعم الوكيل وطبعا قولا واحدا تكلم ورشة اﻷخ المواطن المؤسس كريم منير جايز يقدر بخدمك بسعر أرخص وهو عنده ورشة نايل موتورز ومش حيقصر
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

اخ صدام جزاك الله خير لينكات الصور موجوده في الرد امه بنسبه للورشه ياريت لو في رقم تليفون او اي حاجه اقدر بيها لورشة النيل موتور ياريت تفدني انا اتئخرت عليك فيالرض بس كنت بحاول احل مشكة التأمين للاسف متحلتش ارجو الرد وشكرآ

[saddam]

اخ صدام جزاك الله خير لينكات الصور موجوده في الرد امه بنسبه للورشه ياريت لو في رقم تليفون او اي حاجه اقدر بيها لورشة النيل موتور ياريت تفدني انا اتئخرت عليك فيالرض بس كنت بحاول احل مشكة التأمين للاسف متحلتش ارجو الرد وشكرآ

صديقي المواطن
قولا واحدا حضرتك أكيد بتهزر معايه فين الحادثة دي
دي مش حادثة دي حاجة بسيطة وتافهة وأنا كل يوم بجيب حالات أسوأ ده أنا لو أوديك أوريك العربية اللي شغال فيها دلوأتي السقف بتاعها لزق في اﻷرضية وإتقلبت وخدت خبطة في ظهرها وجنبها وتعال إتفرج دلوأتي رجعتها فبريكة زيرو ثم بعدلها دلوأتي وشوية ألوان فيراري على لمبرغيني على أوستن مارتن
أنا بصراحة كنت شايل همك وفكرتها حادثة فظيعة بس طلعت حاجة بسيطة
بص يا سيدي بكره تجيب ونش وترمي العربية أمام بيتي وصورها 30 أو 40 صورة وإعمل موضوع وإرفعها عالمنتدى وأنا حسلمهالك زيرو قصاد كل الزملاء ونصورها برضو بس مسمعش صوتك ولا أشوفك لغاية مخلصها وخد عدادك لحسن تفكرنا حنلف بيها خد بالك أنا معييش وقت أركب عربياتي ال 11 أصلا وأنا حاخد فيها وقت أقله 4 أشهر وأقصاه 6 أشهر وبتكلفة أقل من اللي إنت بتتكلم فيها دي وكلمني عالخاص خد نمرتي

ولكن قولا واحدا قبل ما تتصل بيا تكلم المواطن المؤسس كريم منير وتستأذن منه ﻷنه هو أساسا عنده ورشة بوهية سيارات فمش عايزين يقول بنعمل حاجة من وراه أما أسلوب شغلي فأنا دكتاتور شوية ومحبش حد يتدخل ﻷن أنا عندي عزة نفس وأنا مبشتغلش عند حد ومبحبش قصص الله ينور ووصلت لفين وإيه اللي تم واﻷفلام دي أنا العربية اللي شغال فيها المقلوبة راشتها 3 مرات في شهر واحد وممكن أعيدها عشان خربوش حتبان منه إنها مش فبريكة

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[saddam]

اخ صدام جزاك الله خير لينكات الصور موجوده في الرد امه بنسبه للورشه ياريت لو في رقم تليفون او اي حاجه اقدر بيها لورشة النيل موتور ياريت تفدني انا اتئخرت عليك فيالرض بس كنت بحاول احل مشكة التأمين للاسف متحلتش ارجو الرد وشكرآ

صديقي المواطن
أرجو حضرتك تطلع على الموضوع ده بالكامل وهو فيه تقريبا 50% من خطواتي في عالم التعديل وإحكم حضرتك بنفسك

http://www.nilemotors.net/Nile/397811-a.html#post3875357048

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[saddam]

صديقي المواطن
أتمنى حضرتك تشوف موضوعك جابلنا الكلام إزاي عالفاضي
أرجوك شوف المشاركة دي وإديني رأيك ﻷن صاحب المشاركة بيظن إن الناس سذج وحتجيبلي عربيتك وتديني 30 أو 40 أو 50 ألف من غير متشوف جزء من شغلي أو صور أعمالي وتسأل عني وهو مفكر إني بساعدك عشان أكسب من وراك وأنت هنا حضرتك هل وصلتك مني أي رسالة عالخاص ﻹقناعك بأي سعر أو أن تجلب العربية عندي هل عندك رقم تلفوني مثلا والله أنا كنت سأساعد صاحب المشكلة مجانا ﻷنه هو بيقول أنا النص لوحده ب 45 ألف وأنا هنا بقول يا حضرة المواطن أنا مسؤول أرجع العربية دي زيرو ب 40 ألف جنيه ولا جنيه زيادة وحتى.لو حدفع من جيبي ولو زاد حاجة حرجعهولك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر ودمتم للنضال


شاهد الموضوع أدناه أرجوك

يعني إنت مش بتعرض صور
بس بتقول هتعمل يوم والناس تصور العربية فيه عادي !!!!!!!
طب إزاي دي بقى ؟؟!!!!!!!!!

''ممكن المنتدى يعمل يوم للأعضاء جميل وممكن أحضر بيها وتصوروها براحتكم ونقعد نتناقش ونشوف الحياة حتمشي إزاي وصدقني أنا عارف آخرة القصص دي 100 ولا 200 واحد حيقلك إنت نادر وإنت عبقري وإنت مبتكر والقصص دي بس لما تروح بيتك بالليل حتكون مخدتش غير الكلام ولا أي فائدة وطبعا أنا مش مستني حد ينفعني بحاجة ''

وإيه مش هستفيد حاجة دي LOL
يعني إنت مستني الناس تلملك تبرعات مثلا ؟؟!!!!!!!!!

طب بالعقل كده :)
الراجل ده الوقت اللي بيقضيه مع الصنايعية وهنا في المنتدى
هيجيب وقت منين يشتغل ؟؟!!!!!!!!!!

طب لو قلنا إنه غني ومش محتاج يشتغل
بيشتري قسط ليه ويقولك مزنوق وبتاع

ودلوقتي هي مش كانت هواية ؟؟!!!!!!!
سبحان الله بقى معاه عربية واحد بيصلحهاله
وعارض لسة في موضوع تاني على واحد معاه rio

هو الموضوع قلب دعاية ولا أنا مش واخد بالي

طب بلاش صور للعربية
صور كشف من بتوع الحسابات , أظن ده محدش هيسرق أفكارك منه

يا اخونا شغلوا دماغكم شوية
ولا هيجيب صور ولا دياوله

قال لك معرض العربيات بيكلمه عشان يجب عربياته
طب بالعقل كده ,هو بلسانه قايل إن مفيش أي عربية خلصانة أصلا

هيكلموه ليه وهيعرفوه منين اصلا ؟؟!!!!!!
من صنايعية باقوس !!!!!!!!!!!!!!!!!

طب بلاش دي , خده التقيلة
هاتولي واحد بس الرجل ده ساعده في المنتدى فعلا
كل واحد يقول له ابعتلي صور عربيتك وبعون ال الله في خلال 4-6 شهر هترجع فابريكة
فيه حد هيسيب عربيته 4-6 شهور مع واحد ميعرفوش ؟؟!!!!!!!!

طب عمر حد رحله , لأ
طب عمر حد شاف صور حتى , لأ
طب عمر حد سمع عنه في الحرفين أو أي حتة , لأ
أظن واحد أسطورة زي ده وبيصرف بال 70 ألف على العربية هيبقى معروف
ده على كلامه عايش معاهم
أو حتى اللي مش بيتعامل معاه , هيسمع عنه


يا ريت أكون غلطان وساعتها معنديش أي مانع إني أعترف بكده
بس بالمنطق كده , كل ده كلااااااااااام
ومفيش أي دليل عليه

صديقي المواطن
قولا واحدا
أنا معرفش حضرتك ولكن كلامك الﻹستفزازي أنت معذور به ومن حقك
وبناءا عليه حفسرلك اللي أقدر عليه والباقي تحدد حضرتك وقت وساعة تجيني تشرفني في الهرم وفي اﻹسكندرية ومعاك عربية عشان تشوف الصور و11 سجل مصاريف لكل عربية سجل مليان حتى لو ربع جنيه حتلاقيها مكتوبة وفيه سجل رقم 12 لعربية رجعتها لصاحبها من سنتين لمروري بظروف وحشة ثم تحسنت اﻷمور وكمان تشوف 100 ملف أو 102 ملف متغيرة عالموبايل بها خطط وخطوات وحسابات واﻷمانات الموزعة في ورش الجمهورية وكمان تشوف أرقام اﻷسطوات جوه موبايلي لا تقل عن 200 نمرة وإختار أي حد نكلمه وإسمع حيرحب بينا إزاي كون حضرتك تلتقي بمجتمعات صنايعية ميعرفونيش ممكن يكون ليه أسباب كنير أولها أنا مبعرفش صنايعية فشلة وبيشتغلوا اللي أمهاتهم لسه بنصرف عليهم ثانيا أنا فيه تجمعات صنايعية بأكملها مش بروحها ﻷني مش محتاجها زي الصف وصقر قريش وحرفيين الدويقة إلا ما ندر ثم مش معروف إزاي ده أنا لسه إمبارح مثل بسيط ببدل فردة كاوتش بين عربيتي رقم 7 وعربيتي رقم 10 وحد ركن لا أعرفه بتاتا ومعاه عربية خليجي قال لي أرجوك إحنه عارفين حضرتك غاوي العجل ده فيا ريت تدلنا نجيب وش للعربية دي منين وطبعا دليتهم وقعدوا يقولولي حضرتك شفناك عند فلان وفلان
ثم لا تقلق مرة أحد منسقي اﻷقسام في المنتدى عزمته على عشاء وشاف صور ربع عربياتي وزهق من كثرة الصور ومكملهاش للآخر
ثم حضرتك تعال هنا مين قال ليك أو خدعك ووصل ليك إني بعلن عن نفسي هو أنا أساسا فاضي لحد اللي حضرتك قلته إني عرضت أصلح عربية في موضوع تاني ﻷ أحب أصلحلك هما موضوعين يعني عربيتين وأحكيلك قصتهم ودي كانت مساعدة مني
يعني واحد بيستنجد بينا وبيقلك نص أمامي ب 45 ألف وقول مصنعيات 15 ألف وشوية نواعم يعني 60 ألف أنا قلتله حرجعهالك زيرو ب 40 ألف يبقه حكسب فيها إزاي ده أنا بحط رقم من واقه خبرتي ولما تزيد التكلفة بحط من جيبي ومش أقول لصاحبها عشان ميظنش إني طمعان فيه وبسرقه والعربية التانية كانت بروتون وصاحبها كان حيعيط عليها ومش فاكر كان حيشدها ب 40 ألف قلتله أنا أخلصهالك ب 20 ألف واﻷيرباجات أقفل مكانها ثم حضرتك تقدر تراسلهم وحتلاقي كل كلامي معاهم عالعام ومبعتش رسايل خاصة ليهم قبل ميبعتولي وكمان بشترط يستأذنوا من كريم منير مؤسس المنتدى عشان ميقولش حد بناخد منه زباين من الناس الجعانة وبقلهم خليه يشوفها اﻷول ﻷنه ورشة رش عربيات
ثم حضرتك تقول مين بيسيب عربية عند حد 4 أو 6 شهور وأحب أستفر منك يعني عربية مقلوبة من مكانين مثلا وقطع غيار ملهاش ومطلوب ترجع زيرو ومحدش عارف إنها مخبوطة حتخلص بقد إيه ده السمكرة لوحدها من شهر ل 3 شهور أما لو تجاري فدي حضرتك تعرفها أنا مليش في التجاري أنا عربية معجبتنيش بغير عليها 3 سمكرية حتى لو كانوا صحابي
نيجي للعربيتين اللي عندي بشدها وبعدلها بتوع ناس أول وحده جتلي ست مديرة في اﻹدارة التعليمية عندها 55 سنة وقالتلي إشتريلي عربية على زوقك ومش عايزاها تعطل نهائي وسعرها يزيد مع الزمن وخدتلها عربية وببنيها من الصفر وأزيدك من الشعر بيت العربية بإسمي وصاحبتها متعرفش عنها حاجة ولا تعرف حتى العربية فين بس كل أهلي عارفين إن العربية دي لو جرالي حاجة تبع الست دي وكمان قسما بالله مش واخد منها ربع جنيه مكسب والله عاملها لله
العربية التانية شغال فيها من أول شهر 6 مقلوبة والسقف مطبق في اﻷرضيه وعربية ملهاش قطع غيار ده حتى الفوانيس بصنعها ومحدش من الصنايعية في مصر عارف العربية يعني شغالين بيها بالمتر وبالبركة وبخبرة السنين وصورها موجودة قبل اﻹصلاح وهي مقلوبة وتعال إتفرج عليها دلوأتي لسه معايه بس بشطبها خلاص أتحداك لو عرفتها كانت ناس بتقول أكيد حضرتك تاخدها ترميها في صفيحة الزبالة وتعرف العربية دي جتلي إزاي جت سواق الونش وهو بيحملها شاف صاحبها مهموم وهو عنده 3 بنات أطفال وهو شخص محترم وعلى فكرة عمل لي توكيل إدارة بالعربية فقال له سائق الونش أنا أعرف واحد مشهور أوي بنشيلله عربيات من الزبالة كل فترة وبعد سنتين نشوفه أو نشيلله عربيات تانيه ونشوف معاه عربية وهم ونسأله شاريها بكام فيجاوبنا مثلا 600 ألف وطبعا منقدرش نقول ﻷ ﻷنه زيها زي عربية أم مليون فيرجع يقول لنا فاكر العربية أم 5 آلاف اللي كانت الناس ترمي عليها زبالة هي دي
فطبعا الراجل جالي وخدت منه العربية وبشتغل فيها عشان خاطره وعشان خاطر بناته وخاطر أمه وقسما بالله مش واخد فيها قرش واحد في جيبي ولما بشحن كارت شحن من فلوسه في تلفوني عشان أتابع شغله لو إتكلمت مكالمة تخصني بخصم ثمنها من عندي وأحط في حسابه وقسما بالله عندي 11 عربية عمري ما بت في الشارع عشانهم لكن عربية صاحبي دي 5 مرات بايت في الشارع عشانها بسبب الحظر وغيره وبالبرد وبمرض بسببها وقسما بالله العربية إترشت مرتين على أعلى مستوى والناس تتبهر بيها برجع أعيدهاله على حسابي عشان مش مستوى باقي عربياتي وصاحبها ميعرفش فصاحبها عرض عليا أجر مقابل عملي فقلت له أنا مبشتغلش عند حد ولا باخد أجر من حد فقال لي إنت خدمتني وأنا حردلك الخدمة فقلت ليه فيه عربيتين عند واحد مش راضي يبيعهوملي قسط وحده موديل 48 و وحده موديل 60 قلتله تشتريهوملي كاش وتديهوملي قسط بألف جنيه شهريا وحكتبلك وصولات أمانة يعني محدش حيصرف عليا كله من فلوسي بس يريحني في الدفع
نيجي لموضوع حجيب وقت منين للشد ما دمت طول الوقت عالمنتدى
أنا مبدئيا بسافر أشد مرتين أو ثلاثة في الشهر اﻷيام دي مبدخلش ولما بطلع بطلع ألف مشاوير شد وتعديل وقطع غيار القاهرة بتكون من 11 ظهرا وحتى مثلا 10 أو 2 بالليل ولما أرجع أستحمى وأطلع وأنا بنشف نفسي بقعد أخش عالمنتدى أرد عالناس

نيجي لموضوع إني غني ومش غني فأنا قلت وبرجع أقول إني مليونير سابق وإتلخبطت أموري بأول ثورة يناير وقفلت شركتي وخلال 6 شهور ش بعدها مشيت كل الموظفين حتى حارسي الخاص ثم آخرهم خادمي الخاص وظل عندي مصدر دخل بسيط في نظري وكبير في نظر 90% من عامة ألشعب المصري ومنه بمشي بيتي وحياتي وبصرف عالعربيات ال 11 ومنهم 6 بالقسط ولسه حشتري وبشتري ﻷن العربيات إدمان وكمان من الفلوس القليلة دي بحاسب عشرات الصنايعية شهريا ﻷني فاتح دائما في 6 أو 7 عربيات مع بعض وبشتري قطع غيار وكماليات بصورة شهرية فطبعا دايما مزنوق ومن إيدي ومش زعلان والحمد لله عندي بقايا أملاك في الخارج مستني سنة أو سنتين مصر تستقر وأصفيها حتى لو جابتلي 7 أو 6 مليون نعمة ورضا من عند ربنا هو إحنه حنسرق
نيجي لموضوع معرض أوتوماك اﻷهرام واﻷخبار فأنا عندي شخص مشهور بيشارك في جناح التعديل سنويا وبعدل عنده عربيتين من عربياتي بتصميماتي وبتصميماته فكل سنة بييجوا مندوبي المعرض يشوفوا جديدنا وإننا نفنش عربيتين ونعرض فصاحبي بيعرض ﻷنه على باب الله وده دعاية ليه أما أنا مليش فيه لغاية دلوأتي ولا بزنق نفسي في عربية وأطلعها بسرعة بسيبها تستوي على نار هادية ﻷن معظم أفكار التصاميم بتطلع عندي خلال رحلة الشد وأثناء العمل بغير كذا فكرة وكذا لون وكذا رسمة وبغير طريقة الشد والنعديل

وأيضا عن طريق نفس الشخص وبعرض ودعم من قناة فضائية كبيرة جدا تم العرض علينا بعمل برنامج مشترك أعلى من دوس بنزين مشاركة التقديم بيني وبينه لخبرتي المتواضعة في موديلات كثيرة من العربيات وأنا لم أتشجع ﻷني مثلا عندي معلومات 20 أو 30 حلقة بعدها حجيب معلومات منين وكمان شكلي مش حلو ولا عاطفي خالص وتخين ومحدش حيحبني وبعد كده إتعرض علينا نعمل حلقات على حسابنا برنامج سيارات عن تعديلات والكلاسك وكيفية العمل وكل حاجة تتعمل إزاي ومرفضنش وموافقتش في نفس الوقت سايب الباب موارب

وبعدين حصرنك الغرور اللي جوه قلبي بينقح عليا أقول كلمتين ومحدش يزعل مني أنا شرف ﻷي زميل أو أي عضو تسوقه الظروف إني في يوم بالصدفة صلحت أو عدلت ليه عربيته ﻷن عارف مصر تمامها إيه في التعديل ومين بيقدر يعمل زي شغلي عارفهم واحد واحد فردا فردا وأحاجة أم 1500 و 2000 قسما بالله أسئلهم يجاوبني 13 ألف وممكن أكثر

ثم حضرتك تاعب نفسك ليه وكاتب مشاركة طويلة عريضة ومتابع كذا موضوع من موضوعاتي وصارف وقت وجهد وتحليلات ومضيع وقتك عشاني
إنت تختصر كل ده وتلخص في كلمتين وتقول إن المواطن saddam هو إنسان كاذب ومدعي وفاشل وحرامي ومريض نفسيا وعايش بالطراوة وبيشتغلنا ومعندهوش حتى تكتك ولا سافر بره ولا حتى عنده رجل كنبة ولا خريج علوم إسلامية قسم شريعة وآخره معهد لاسلكي وكل معلوماته دي كفتة وأي كلام وهو مش بيساعد حد لله في لله وعايز يقلب عيشه والسلام

وساعتها جوابي حيكون ليك قولا واحدا
إن حضرتك عضو فاضل وكريم ومحترم وكل كلامك صح 100% وأنا كما حضرتك قلت وجزاك الله عني خيرا ﻷنك أنقذت زملائك وزملائي اﻷفاضل في منتدانا الكريم من الفخاخ والمطبات اللي كنت حوقعهم فيها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال