لمبة البطارية بتنور وتطفى ولما تنور بتفصل الزجاج

[ramyooooo]

عندى مشكلة عجيبة شويتين

اللمبة بتاعة البطارية من فترة كده لقيتها ابتدت تنور وبعد شوية تطفى اتخضيت فى الأول لأنها أول مرة تحصل من 4 سنين لقيتها فصلت فطنشت بصراحة
بقت تروح تيجى على فترات بتزيد أيام الصيف عن الشتاء
المشكلة ان لما بتنور اللمبة ألاقى الزجاج الكهربائى اللى بجانب السائق بيفصل يعنى ولا يفتح ولا يقفل
بس باقى زجاج السيارة عادى مالوش دعوة
السيارة كورولا 2008 الشكل الجديد
حد يعرف الحل ؟ أو تدلونى على مكان واحد بيفهم يظبطلى القصة دى

[lidosasa]

طيب العربية الصبح بتدور معاك عادى ولا لاء ؟؟ والبطارية جافة ولا سايلة ؟؟
وعموماً البطارية بقالها 4 سنين كتر خيرها قوى على كده ممكن تكون باظت
أطلع على فنى بطاريات يقيس شحن البطاريةولو طلع العيب منها يبقى محتاج تشترى بطارية جديدة

[ramyooooo]

أنا لسه مغيرلها بطارية مخصوص علشان المشكلة دى وللأسف المشكلة لسه موجودة
بس الغريب فعلا ليه زجاج السائق بيفصل لما اللمبه بتنور
وليه باقى زجاج السيارة بيشتغل عادى هل دى حاجه ليها علاقة بالكومبيوتر بتاعها
يمكن عاوز يتظبط ؟

والبطارية جديدة زى الفل والعربية بتدور آخر حلاوة حتى لو راكنها اسبوع بتدور زى الفل
ياريت حد يفهمنى المشكلة ممكن تكون فين
بالمناسبة النور بيعلى حبتين لما لمبة البطارية بتنور

[dr.hazem]

غالبا عندك اما سلك بيلمس او الدينامو فيه حاجه

محتاج تكشف عند كهربائي كويس

تحياتي

[ramyooooo]

ياريت لو حضرتك تعرف كهربائى كويس تدلنى عليه وأكون شاكر لأفضالك

[akhatab]

العيب ده كتاوت دينامو ولمبه البطاريه تنور إذا كان الشحن ضعيف او غير منتظم - اما موضوع الزجاج الجانبي فمش عارف بصراحه العلاقه