بولو 99 بتبطل فى الزحمة وماتسبتش غير لما اجرى بيها

[helq]

تاعربية بولو 99 احيانا ماتدورش الصبح الا لما افضل ضاغط بنزين يعنى تدور وتبطل ولو شلت رجلى من ع البنزين تبطل ماتسبتش الا لما امشى بيها شواية ولو شلت رجلى من ع البنزين تبطل والار بى ام بيكون واطى على 800 لفة/دقيقة الحكاية دى كانت بتحصل كل فترة مش ورا بعض لاكن من اسبوعين بداءت تزيد وزادت الاتى
لو الطريق زحمة تبطل ولازم ادوس بنزين ع السلانسة او وانا ضاغط دبرياج عشان الار بى ام ماينزلش واحيانا تبطل وانا باركنها وما تسبتش غير فى الطريق المفتوح

عندى مشكلة من فترة وانا بافول البننزين اللى بيحط مسدس البنزين مش عارف حكة يمين وشمال جوا التانك المهم المؤشر اصبح يروح ويجى بعد كام مرة بيسبت بع ما البنزين يقل شواية فى التانك بس بينزل لما افول - اية العيب الطرمبة ولا العوامة اللى فى التانك

[Ayman_Aly]

تاعربية بولو 99 احيانا ماتدورش الصبح الا لما افضل ضاغط بنزين يعنى تدور وتبطل ولو شلت رجلى من ع البنزين تبطل ماتسبتش الا لما امشى بيها شواية ولو شلت رجلى من ع البنزين تبطل والار بى ام بيكون واطى على 800 لفة/دقيقة الحكاية دى كانت بتحصل كل فترة مش ورا بعض لاكن من اسبوعين بداءت تزيد وزادت الاتى
لو الطريق زحمة تبطل ولازم ادوس بنزين ع السلانسة او وانا ضاغط دبرياج عشان الار بى ام ماينزلش واحيانا تبطل وانا باركنها وما تسبتش غير فى الطريق المفتوح

عندى مشكلة من فترة وانا بافول البننزين اللى بيحط مسدس البنزين مش عارف حكة يمين وشمال جوا التانك المهم المؤشر اصبح يروح ويجى بعد كام مرة بيسبت بع ما البنزين يقل شواية فى التانك بس بينزل لما افول - اية العيب الطرمبة ولا العوامة اللى فى التانك

حل مقترح للعيب الثانى جرب تخلى العامل ما يزودش بنزين من الطرمبة لما تفصل، هو بيزود علشان يملى التانك لآخر نقطة
أول ما تفصل لوحدها يشيل الطرمبة

[Eng_hatemfathy]

العيب الاول بيتلخص فى تنظيف او تغيير ما يسمى بحساس الايدل او بمعنى اصح idle speed solenoid valve وده المسئول عن تنظيم الار بى ام فى السلانسيه وبيكون مكربن وعايز يتفك يتشال الكربون الى عليه ب WD40 وساعات بيحتاج يتغير- وده هتلاقية راكب على المانيفولد بتاع الوقود/الخليط
وان شاء الله تتظبط

[Amr_Azab]

اتأكد من حالة الفلاتر ( بنزين + هواء ) ونضف البوابة وحط منظف للتانك أسمو stp علي تفويلة كاملة
ده لاول مشكلة
المشكلة التانية غالبا من العوامة يا محتاجة تتغير او يكون السلك بتاعها مهزوز شوية ومحتاج يتظبط ده لو الطرمبة كهرباء زي الفابيا

[Mohamed.Raafat]

العربية انجيكشن ولا كربراتير
لو كربراتير هتفك البيكات و تنضفها بأي منظف كربراتيور و لو امكن تغيرها كل بك على حسب المقاس
لو انجيكشن يبقى تعمل زي ما الاخوة قالولك

[helq]

شكرا على الردود بالنسبة للفلاتر لسة متغيرة بنزين وهوا وحاطيت ال stp من شهرين مع التفويل والعربية انجكشن مش كربيراتير

[zegzaag]

في سلوك خاصة بالسلانسية انك لما تشيل رجلك تفضل دايرة ودي بتكون ليها علاقة بالكهربا خلي حد يبصلك عليها

العيب التاني ده عيب عوامة في ناسك بتفك التانك وتعدلها شوية بتكون مش ثابته او بتتغير ودي سهلة ان شاء الله بردو