استفسار حول الفتيس الاتوماتك

[osamahalem]

ممكن لو تسمحو حد يفهمنى اية اللى ممكن يحصل لو طفل مثلا حرك عصا الفتيس الى الوضع الخلفى والعربية ماشية يعنى دا يبقى غلط وناخد بالنا وتعدى على خير ولا ممكن الفتيس يتدمر من غلطة واحدة زى كدة لانى بصراحة معروض عليا عربية اوتوماتك وشايف ان دا ممكن يحصل ولو بالغلط من طفل راكب جمبك او حتى منى انا شخصيا بالغلط يعنى اية اللى بيحصل بالظبط للفتيس والعربية لحظة متسكن الفتيس على الخلفى وانت مندفع للامام ودايس بنزين رجاء حد يفهمنى بالتفصيل ولكم جزيل الشكر

[armoty]

مستحيل يحصل في السيارات الحديثة وده لانه
The reverse gear is mechanically blocked by a synchronizer to prevent exactly this kind of thing
source :

http://wiki.answers.com/Q/If_you_are_driving_a_car_in_5th_gear_and_you_want_to_come_down_to_4th_gear_If_by_mistake_you_went_in_reverse_gear_is_it_possible_Pl_clarify_if_there_is_any_locking_for_reverse_gear_to_avoid_accident

[osamahalem]

رد

مشكور يا اخى العزيز بس النظام دة فى العربيات الحديثة بشكل خاص ولا فى الاوتوماتك بشكل عام لان العربية اللى معروضة عليا 504 موديل السبعينات بس حالتها كويسة جدا وفيها كماليات حلوة زى التكييف والسنتر وانزار وقزاز كهربا وجنوط سبور يعنى من الاخر تحفة فنية بس حكاية الاوتوماتك وامكانية انها تقبل المرشدير وهيا مندفعه للامام دى قلقانى ومش عارف دا ممكن يحصل ولو حصل هتبقى النتيجة اية ورد فعل العربية هيبقى ازاى يعنى غلطة والسلام ولا فيها تكسير للفتيس مثلا ولا ممكن لا قدر الله العربية تنقلب فورا وهل فية حلول او امكانية تامين لعدم حدوث هذا ارجو الافادة من المتخصصين لان دة هيكون العامل الحاسم فى شرائى للعربية

[جمال]

معمول حساب الكلام ده فى كل الاوتوماتيك , ولايمكن ان يحدث بالصدفه , ماتقلقش

[Ahmad Allawy]

متقلقش من الموضوع ده..
في حاجة بيبقي معمول حسابها..
العربية النقلات اللي ممكن تجيبها من غير مشاكل من نقلات معينه.. هتلاقي انك ممكن تجيبها من غير ما تدوس علي الزرار اللي ف العصاية..
لكن النقلات اللي ممكن تبوظ الفتيس.. هتلاقي انك لو حاولت مش هتعرف الا لو دوست علي الزرار..
و فتيس ال504 الاوتو فيه الزرار ده..

[osamahalem]

رد

الف شكر يا جماعة لانى بصراحة كنت قلقان وفكرت وانا بجرب العربية احاول اديها المرشدير وانا ماشى بالراحة خالص علشان اطمن انه مش هيقبلها بس خفت حاجة تبوظ ويبقى موقف زباله واللى يضحك بجد انى قلت الكلام دة لصاحب العربية نفسة ضحك وقالى تصدق بالله بقالها معايا تلات سنين ومجاليش قلب اجرب اعمل الحكاية دى خصوصا ان الفتيس ماشى كويس ومحبتش اجرب حاجة وابوظة وكانت نيتى لو ابتدا يخرف وكدة كدة هروح اعملة صيانة اجرب الحكاية دى قدام الورشة بتاعة الصيانة دا كلام صاحب العربية وفضلنا نضحك على الموقف

[amir]

انا معايا صني 2007 اوتوماتك, و حصلت حاجه مشابهه لكلامك بس اللي حصل ان كنت مسافر مع الاصدقاء و ماشي 120 قام اللي قاعد جنبي بيهرج مع اللي قاعدين ورا و هوب نقلي العصايه من الd الي 1 او 2 مش فاكر المهم العربيه قامت زنت علي اخرها و صوت الماتور كان شعاره ميتاليكا حتي الموت بس الار بي ام كان علي حدود الخطوط الحمرا الحمد لله ان الموتور بيفصل في الحالات دي و لولا كده كان زمان الموتور ودع
الحمد لله مفيش مشاكل مع الجير بوكس بس طبعا كان قلبي ساعتها عامل زياره لركبي بس ربنا ستر

[Ahmad Allawy]

انا معايا صني 2007 اوتوماتك, و حصلت حاجه مشابهه لكلامك بس اللي حصل ان كنت مسافر مع الاصدقاء و ماشي 120 قام اللي قاعد جنبي بيهرج مع اللي قاعدين ورا و هوب نقلي العصايه من الd الي 1 او 2 مش فاكر المهم العربيه قامت زنت علي اخرها و صوت الماتور كان شعاره ميتاليكا حتي الموت بس الار بي ام كان علي حدود الخطوط الحمرا الحمد لله ان الموتور بيفصل في الحالات دي و لولا كده كان زمان الموتور ودع
الحمد لله مفيش مشاكل مع الجير بوكس بس طبعا كان قلبي ساعتها عامل زياره لركبي بس ربنا ستر

هههههههههه
ههههههههههههههههه
اسلوبك يهلك م الضحك علي فكرة.. :) :)
الحركة دي عادي علي فكرة.. طالما التروس دي او النقلات دي امامي مش مارشدير..
و كده كأنك كنت ماشي علي الخامس و سقط علي التاني مثلا.. بس لو كان فتيس مانيوال كانت التروس اتكسرت..
بس الاوتو الموضوع مختلف.. بيتهيألي بيبقي معمول حساب الحاجات دي..
ةو هتلاقي النقلة دي بتيجي عادي من غير ما تدوس علي الزرار.. صح؟؟
لكن المارشدير.. مش خييجي كده من غيرقصد..

[amir]

هههههههههه
ههههههههههههههههه
اسلوبك يهلك م الضحك علي فكرة.. :) :)
الحركة دي عادي علي فكرة.. طالما التروس دي او النقلات دي امامي مش مارشدير..
و كده كأنك كنت ماشي علي الخامس و سقط علي التاني مثلا.. بس لو كان فتيس مانيوال كانت التروس اتكسرت..
بس الاوتو الموضوع مختلف.. بيتهيألي بيبقي معمول حساب الحاجات دي..
ةو هتلاقي النقلة دي بتيجي عادي من غير ما تدوس علي الزرار.. صح؟؟
لكن المارشدير.. مش خييجي كده من غيرقصد..

صح كلامك بس النقطه بتاعت لو هيا مانيوال طي ما اهو الموتور انجيكشن و معروف عنه انه بيفصل لما الاؤ بي ام يدخل في المنطقه الحمرا

[Ahmad Allawy]

كلامك مظبوط تماما..
الموتور بيفصل فعلا..
بس مش عارف ايه اللي بيحصل لو الموتور مش انجيكشن..
يا ريت اللي عارف يقولنا..

[amir]

اظن لو العربيه مش انجكشن يبقي مفيهاش موضوع التفصيل ده
و ساعتها بقي هتدخل في الرد زون و العمليه تبقي زي فيلم زا فاست اند زا فيوريس و الموتور ينهار

[osamahalem]

رد

والله يا باشا رغم ان خبرتى قليلة فى السيارات بشكل عام الا انى مش متخيل حكاية ان الموتور ينهار دى الا لو كان موتور خلاط ميلونكس انما موتور عربية ينهار لو نزلت للتانى وانت على الرابع مثلا انا مش مصدقها ممكن الفتيس يتاثر ولا يروح فى ستين داهية انما الموتور ينهار مش عاوزة تدخل دماغى دا انا حتى كنت متخيل ان ممكن العربية نفسها تنقلب والفتيس يكسر نفسة ميت حتة بس الموتور يطلع سليم لان التروس الصغيرة اللى فى الفتيس مش هتتحمل ضغط قوة الموتور ولا انا بتكلم اى كلام وبخرف من الصيام ولا اية