الكشف على المستعمل

[m10_10]

ياجماعه انا دايخ على واحد ابن حلال يراعي ربنا عشان ييجي ويكشف معايا على عربية تويوتا ستارلت

ناس كتير قالولي هات حد تكون عارفه عشان ممكن يكون ضميرة مش مظبوط ويشربك عربية وياخد منك فلوس ومن اللي بيبيعلك

وانا ماعرفش حد وشايف الناس هنا بتفيد بعضها فيارب يفيدوني

او ممكن تدلوني على عنوان مركز كبير محترم اروحه بالعربية وهناك يكشفولي عليها

[أبو_حمزة]

روح التو كيل
ها يهبدوا منك 200 بس مضمونين
ده طبعا لو معرفتش تلاقى حد ثقة و خبير

[osama]

التوكيل وربنا معاك

[m10_10]

يعني التوكيل اروح ويهبدو مني 200 وفي الاخر الاقي العربية زفت وابقى شربت 200 في 200 في 200

اكون جمعت وجبت حاجه اعلى من اللي بدور علية

وكمان انا عمال اكلم التوكيل حاطني عالهولد والرساله تقول كل الناس مشغولين وبتاع

[أبو_حمزة]

لأ
التوكيل تروح لما تشوف العرببة و تعجبك مبدئيا و تكون مطمئن لصاحبها
يعنى انت شايف كل حاجة تمام و عايز حد يعتمد لك العربية
اما لو انت عايز حل ارخص شوية فهو البنزينات المحترمة
دى بتاخد 70 جنية و تدى لك تقرير عن حالة العربية
يعنى انت ممكن تاخد العربية على هناك ولو قالوا العربية كويسة يبقى خدها على التوكيل بكده تبقى ضامن
اما لو قالوا مش كويسة فتبقى خسرت ال70 جنيه
أنا و صحابى مجربين بنزينة موبيل الهرم اللى قدام كازينو رمسيس و محترمين جدا
اسمع ان فى واحدة تانية كويسة عند المطار بس مش عارف فين بالظبط

و خد بالك مش اى بنزينة تروحها عشان فى ناس بتظبط مع البياع
وربنا يوفقك للصواب

[m10_10]

الف شكر يابو حمزة
بس ممكن تقولي على مكان البنزينة بتاعه شارع الهرم دي بالضبط ؟؟

ويا اخوانا لو حد يعرف بنزينه تانية يقولي على مكانها بالظبط

شكرا مرة تانية يابو حمزة وربنا يخليلك حمزة :mrgreen: :mrgreen:

[أبو_حمزة]

ربنا يبارك فيك يا استاذى
بص يا سيدى لو جاى من فوق (من ناحية خوفو يعنى)
خليك ماشى لحد ما تلاقى عل ييمنك مول (اسمه رويال سنتر)
امسك يمين وهى اول بنزينه على يمينك
مركز الخدمه بتاعها ورا البنزينة
لو جاى من الجيزة يبقى أول ما تعدى كازينو رمسيس امسك شمال لحج الملف
و ها تبقى بعد المول زى الوصفة الأولى
بص أوصيك بلاستخارة أهم من ده كله
ربنا يوفقك للخير