قربه مياه المساحات مكسوره أو مخرومه .. اعمل فيها إيه :\

[Patrickologyy]

سلام عليكم يا رجاله .. النهارده نزلت أزود ميه المساحات أول ما إبتديت أزود لقيت القربه نزلت المياه كلها على الأرض فهى إما مكسوره أو مخرومه .. إيه الحل فيها بتتغير على طول ولا ممكن تتصلح ؟!
و تتكلف كام و أصلحها أو أجيبها من عند مين فى مدينه نصر ؟!
العربيه byd f3 2007 .. شكراً :)

سيتم النقل الى ورشة نايل موتورز
مشرف ب 5

[eng.salama93]

لو عاوز تصلحها الزقها بمعجون حديد و امير و طفي سجاير .. هو مش هيقعد معاك كتير بس هيقوم بالواجب لفتره معينه

[abokoko]

لو عاوز تصلحها الزقها بمعجون حديد و امير و طفي سجاير .. هو مش هيقعد معاك كتير بس هيقوم بالواجب لفتره معينه

جديده
اول مره اعرف ان السجائر لها فائده
ههههههههههه

[eng.salama93]

جديده
اول مره اعرف ان السجائر لها فائده
ههههههههههه

طبعا طفي السجاير مع الأمير بيعملو مفعول سحري و اسأل اي حد
بس عموما للسجاير سبع فوائد

[mohamed salhin]

متابع

[moe gawad]

مش هاينفع الامير وطفية السجاير
بص هاتها جديده . وهى عموما ثمنها مش هايعدى 150 جنيه بالكتير. هى موجوده عند الملك فى شارع جسر السويس عند بوابة فندق السلام . محطة العرب بجوار محلات الشرقاوى.
او ممكن شارع دمشق و اكيد موجوده انشاء الله

[bassim225]

في عجينه اسمها عجينة السباك العجينه ديه جباره واستخدمتها في نفس المشكله الي حاصله معاك وبتباع في اي سوبر ماركت

[Salamonti]

حصل كدة في عربيتي وافتكرت القربة مكسورة
وفي الآخر طلع الخرطوم واقع من عالبزبوز بتاعه
ركبته تاني وحطيت عليه أفيز وبقا تمام

افحصها بنفسك الاول بدل ما حد يشتغلك ويكلفك تكلفة مالهاش داعي :)

[akmm]

حصل كدة في عربيتي وافتكرت القربة مكسورة
وفي الآخر طلع الخرطوم واقع من عالبزبوز بتاعه
ركبته تاني وحطيت عليه أفيز وبقا تمام

افحصها بنفسك الاول بدل ما حد يشتغلك ويكلفك تكلفة مالهاش داعي :)

فعلا ممكن يكون ده السبب افحصها بنفسك .... ولو تاكدت انها مخرومه او مشروخه لابد من تغييرها .

[akmm]

حضرتك عملت ايه .... نحب نطمئن عليك .

[Patrickologyy]

الحمد لله طلع الموتور بتاع القربه هو اللى مخروم و كان اتخرم قبل كده و اتلحم بسيليكون و انا اتفاجئت بالحكايه دى :d
جبت موتور جديد من زكى جرجس فى شارع دمشق ب 35 جنيه و طلعت على البنزينه الزرقاء اللى على اليمين فى شارع دمشق .. فيه واد صنايعى هناك كويس جدا ركبهالى و زبطلى الرشاشات علشان كانت مسدوده و اديته عشرين جنيه .. عموما القربه كلها سعرها 80 جنيه فى شارع دمشق برضه .. بس كده :d