تعلم ظبط تاكيهات السيارة بنفسك " شرح + فديو "

[hassan_uwk]

السلام عليكم ورحمة الله وبركاته

1-ليه بنظبط تاكيهات ؟
بنظبط تاكيهات لان الخلوص مابين العصفورة والصباب مش مظبوط فلما الصباب بيتمدد بتقل المسافة او بتكون المسافة اصلا زيادة وفي هذه الحلة بتتخنق العربية

2- ازي بنظبطهم ؟
من خلال الجويط الي ف العصافير راكب فيه صمولة تعمل عمل القفيز بنفتحها ونروح نحط الفيلر مابين الصباب والعصفورة ونظبط الخلوص بتنزيل او رفع الجويط وبعدها نقفل الصامولة

3- ايه مبدا ظبطهم ؟
المبدا ان الصباب يكون متحرر من اي تاثير من الكامة وفي هذه الحالة بقدر اظبط

4- ليه بنسخدم بستم رقم 4 و 1 ؟
لان حركتهم مع بعض وهم بداية وكل منهم يمكن ان يمثل بداينة نصف الدورة وترتيب الاشتعال 1 - 3 - 4 - 2
والاشواط بالترتيب من بستم واحد لاربعة سحب - ضغط - قدرة - عادم

وبنقوم بالاتي لظبط التاكيهات

1- نرفع عجلة خلفية اذا كان الدفع خلفي او امامية اذا كان الجر امامي
2- نعشق علي الرابع او الخامس
3- نفك غطا التاكيهات ونخلي حد يلف العجلة وعنينا علي بستم اربعة لحد لما نلاقي صباب العادم طالع و الهواء نازل ويتقابلو " نحيرهم " وفي هذه اللحظة بنقول للي بيلف وقف او يرجع سنة لحد ما تظبطهم و هتلاقي صبابات بستم 1 " متحررة " يمكن تحريك العصفورة باليد وليس عليها اي تاثير قادم من الكامة عن طريق الاسياخ
4 - هنبدء نظبط وفي هذه المرحلة " 3 " هنظبط 4 صبابات وهم
أ ) نظبط صبابات البستم " 1 " هواء وعادم ( كدا ظبطنا اثنين من اصل اربعة )
ب ) نظبط صباب الهواء " بنزين " للبتم " 2 "
ج ) نظبط صباب " العادم " للبستم " 3 "

5- هنلف الموتور 180" اسف غلط ف الفديو " درجة لعكس المرحلة " 3 " وهنا سنحرر صبابات البستم " 4 " ونحير صبابات البستم " 1 "
6- هنظبط في هذه المرحلة " 5 " الاربع صبابات الباقية
أ ) نظبط صبابات البستم " 4 " هواء وعادم
ب ) نظبط صباب " العادم " للبستم " 2 "
ج ) نظبط صباب الهواء " بنزين " للبستم " 3 "

وندور العربية وزود بنزين واسمع صوت الموتور وركز معاه وشوفه وشوف الموتور مخنوق ولا بقي احسن وقفل الوش ومبروك عليك, وخلي بالك لو ما معكش قيم الخلوص بتاعة الفلر تظبط العادم اكبر من الهواء مراعاة لتمدد الصباب ولو بصيت في كتيب الصيانة هتلاقي قيم العادم اكبر

اسبكم مع الفديو مع تحياتي " حسن اشرف "

https://www.youtube.com/watch?v=O9BRKaWdPJ8

ارجو التقيم وتثبيت الموضوع نظرا لاهميته

[مصطفى-حسن]

مبدئيا الله ينور عليك
بس فية شوية ملاحظات:

1 - انك تقول الموتور اللى انت بتشتغل علية بتاع اية
2 - انك تقول الطريقة دى تنفع مع مواتير اية تانى
3 - حاول تبقى تثبت الموبايل او الكاميرا اللى انت بتصور بية على حاجة ثابتة واهتم بالاضاءة

بس فى النهاية وبالنسبة لواحد عدد مشاركاتة فى المنتدى 3 مشاركات بس ( يعنى عضو لسة طازة)
نقول الله ينور وتسلم ايدك والمرة الجاية هتقدر تعمل احسن من كدة

[hassan_uwk]

مبدئيا الله ينور عليك
بس فية شوية ملاحظات:

1 - انك تقول الموتور اللى انت بتشتغل علية بتاع اية
2 - انك تقول الطريقة دى تنفع مع مواتير اية تانى
3 - حاول تبقى تثبت الموبايل او الكاميرا اللى انت بتصور بية على حاجة ثابتة واهتم بالاضاءة

بس فى النهاية وبالنسبة لواحد عدد مشاركاتة فى المنتدى 3 مشاركات بس ( يعنى عضو لسة طازة)
نقول الله ينور وتسلم ايدك والمرة الجاية هتقدر تعمل احسن من كدة

ياباشا ربنا يخليك وتسلم علي الكلام الجميل دا
اولا الشرح دا علي وش بولونيز وبيتطابق مع 127 و 125 و 1300 و اي عربية فيها عصافير ف الكامة زي كدا مش نوع محدد انا مش حافظ كل مواتير العربيات وحتي لو المكنة مش 4 بستم او عدد الصابات زيادة انا جبت الخلاصة وان دي طريقة صنايعية للتسهيل وسريعة لاكن الاصل ف المكوضوع انت ممكن تظبط صباب صباب علي كيفك وان الصباب يكون متحرر بس كدا
واعزرني علي عدم جودة التصوير المرة الجاية بقي وهحاول اصوره تاني بجودة اعلي
ومرة تانية شكرا لزوق حضرتك