متى يتم تغيير سير الكاتينه؟

[المستقبل احلى]

اشتريت عربية هونداى اكسنت 2010 فتيس عادى

العربية كانت عاملة 48000 كيلو

روحت لميكانيكى قالى لازم تغير سير الكاتينة وبص عليه قالى عايز يتغير

وبعدين قولتله ده 48 الف كيلو قالى طيب ممكن تستنى شوية


فى ناس كتير بتوقلى ان العربية مغير تابلوه وان الكيلوات ده مش حقيقية وانها اكيد عاملة اكتر من كده

واللى اشترتها منه ميعرفش حاجة لانه نصاب


فانا محتار اغيره ولا استنى لما تظهر علامات انه محتاج يتغير وايه هى العلامات ده ؟

[mostafa8085]

غيره احتياطي لانه لو اتقطع هيكسر صبابات و تدخل في مشاكل انت في غنى عنها

[mahmoud_ali]

غيره يا باشا واعمل طقم سيرفيس وريح دماغك

[Mohamed.Raafat]

خليك في المضمون و ما تمشيش على العداد لو هتغير حاجة
طالما العربية مستعملة يبقى خليك في المضمون

[mohabelnegm]

غير بالمرة كل السيور و بلى شداد الكاتينة "الثابتة و المتحركة" و أهم حاجة أنك تشتريهم من التوكيل

[caeser]

لازززززززززززززززززززززززززززززززم يتغير ضروري جدا لانة لو قطع يا معلم المكنة ها تجيب عمرة او نص عمرة وبالمرة غير باقي السيور الدينامو وسير التكييف بالمرة

[svneleven]

غيرة خصوصا أن التكلفة بسيطة.

[akmm]

مصاريف التغيير ............... لاتقارن بمشاكل ارجاء التغيير ........... وكده كده انت هتغيرهم .... توكل على الله وهات الاصلى .

[المستقبل احلى]

غيره يا باشا واعمل طقم سيرفيس وريح دماغك

يعنى ايه طقم سرفيس كام

المشكلة ان فى السعودية والاسماء هنا مخنلفة عن مصر خالص والميكانيكية مش كلهم مصريين

[Land_Cruiser]

سير الكاتينه ما ينفعش تستني عليه حتي لو شاكك و خاصه كمان و حضرتك مش واثق من البائع و في احتمال يكون ملعوب في عداد الكيلومتر و بالتالي تكون مفوته صيانات كبيره. حاول تغيره في اسرع وقت و خليه يراجع علي بقيه السيور و يبص علي الزيوت و يغير البوجيهات بالمره

[lelouch]

ممكن اعرف ايه هي الانواع الاصلي للسيور؟
وبتتجاب منين؟
محافظتي بعيدة ومفيهاش حاجات كتير

[mostafa8085]

يعنى ايه طقم سرفيس كام

المشكلة ان فى السعودية والاسماء هنا مخنلفة عن مصر خالص والميكانيكية مش كلهم مصريين

طقم السرفيس يعني
1- تغيير سير الكاتينة و سير الدينامو و التكييف
2- تغيير بلي الكاتينة
3- تغيير زيت المحرك و فلتر الزيت
4- تغيير فلتر الهواء و قلتر البنزين
5- تغيير البوجيهات
و دة لازم يتعمل لأي عربية مستعملة اول ما تشتريها