برده الدبرياش تقييييييييييييييييل...حد يقولي اعمل ايه ؟

[dental_mn]

لسلام عليكم و رحمة الله و بركاته .....

مشكلتي مع العربية بتاعتي في الدبرياش (العربية سويفت) من فترة كده بدأت المشكلة في اني حاسيت ان الدبرياش بقى تقيل جدا و في صعوبة في نقل الغيارات .. المهم الميكانيكي قالي غير وير (سلك) الدبرياش و غير الزيت عملت زي ما قال و فعلا غيرته .. بقى الموضوع كويس بس بعد شهر كده الموضوع رجع تاني و و الدبرياش بقى تقيل جدا و في صعوبة في الغيريات

رحت لواحد ميكانيكي تاني قالي غير الديسك و الاسطوانة !! مع اني مش شايف قوي ان في اعراض تلف الديسك و الاسطوانة الا اذا كنت انا عارف الاعراض مزبوط

ياريت حد يفيدني في الموضوع ده لأني لما لما بركب العربية الايام دي بحس ان انا في ماتش مصارعة مع الدبرياش مع الدبرياش ولكم جزيل الشكر

[wkisho2005]

بص ياباشا روح للميكانيكي وخليه ينضفلك سلك الدبرياج(انا عارف انو لسة جديد)بس بس جرب لو الدبرياج خف بعدها يبقي انت جايب نوع السلك لي كلام وبالنسبة للديسك والاسطوانة معتقدش انها تأثر في تقل الدبرياج بس مش متاكد يعني ومستنين بقية الاعضاء بخبرتهم

[dental_mn]

شكرا يا اخ wkisho2005على رد الجميل اللي انا بجد حاسس اني مقتنع بيه ..

اصل انا مش مصدق موضوع الديسك و الاسطوانة ...

بس ياريت لو حد من الأعضاء يقدر يقولنا ان هل تلف الديسك و الاسطوانة ممكن يخلي الدبرياش تقيل ؟؟

و جزاكم الله خيرا

[ahmedsrs]

تلف بلية الدبرياش ممكن يخلى الدبرياش تقيل وده ممكن يعوج او يكسر الفورش وتقعد تغير فى سلوك دبرياش دون معاجة السبب

[dental_mn]

شكرا على مشاركتك يا احمد بس يا جماعة انا عاوز عرف دلوقتي انا اغير ايه ؟

اغير بلية الدبرياج بس ولا اغير الديسك و الاسطوانة كمان ؟
و هل يا جماعة ممكن ده يكون السبب كمان ان في خشونة عندي في نقل الغيارات ؟
ياريت تفيدزني و جزاكم الله خيرا

______________________________

نرجو من العضو عدم الكتابة باللون الاحمر لإنه مخصص للإدارة فقط

الإدارة - 3

[ahmedsrs]

شوف ياباشا هى العربية عاملة كام الف واخر مرة غيرت ديسك واسطوانة امتى وهل سحب العربية كويس تلف البلية مياثرش على على الحاجات دى كلها بس ممكن يعمل عضة فى الفتيس ثقل فى الدبرياش وبالتالى تقعد تغير سلوك وفى مراحل متقدمة ممكن يعوج الفورك وكل شوية تروح للميكانيكى يعليهولك وف الأخر يكسر الفورك والعربي متنقلش خالص انا شايف انك تحل الديسك وألأسطوانة والبلية وتغير التاف فقط

[ahmedsrs]

معلش قبل متعمل ده كله اتاكد ان الأرضى بتاع العربية واصل تمام عشان لو مهزوز او مش واصل كويس ممكن يتلف سلك الدبرياش ويعمل فيه ثقل

[Ahmed Hamdy]

أنا قبل كده كان عندى نفس المشكلة فى عربيتى الماروتى ..
غيرت السلك ومحستش بتحسن كبير ..

غيرت طقم دبرياج وبأه كويس بعدها ..

[ahmed azab]

احتمال كبير يكون فعلا الديسك هو السبب وذللك نظرا لتقل الريش الخاصة به وبالتالي يتبعه تقل في الدواسه وعليه ستجد صعوبة في نقل السرعات و من الافضل تغير طقم الدبرياج بالكامل الا اذا كانت هناك قطع جديدة قد تم تغيرها من قبل

[dental_mn]

و الله شكرا يا جماعة ع المعلمومات المفيدة جدا و شكرا يا استاذ احمد و استاذ عزب و جزاكم الله خيرا

انا فعلا تقريبا كده يا جماعة هروح لغير كله واريح نفسي

الديسك و الاسطوانة و البيلية و السلك ... و اعتقد انا كده بقى عداني العيب و قزح مع الدبرياش بتاعي بقى

مش انا كده صح يا جماعة و لافي حاجة تانية في طقم الدبرياج تتغير ؟:k41:

و ربنا يستر في المشوار ده و يكون سهل

[ahmedfouad]

بص يا سيدى
انا كان عندى حاجة قريبة من كدة
ان الدبرياج كان تقيل شوية وبيزيق مع الدوسة
قالولى غير السلك علشان ممكن يتقطع
ما اقتنعتش
لحد ما فكرت فى الاتى
جبت علبة دبليو دى 40
رحت فاتح الكبوت
وعند اخر السلك-الدبرياج-فوق صندوق التروس
هتلاقى السلك متوصل فى دراع وتحته كاوتشة علشان التراب ما يدخلش للجير بوكس
ارفعها بالراحة وما تشيلهاش
واديها الدبليو دى 40 بشكل دائرى على الحاجات اللى جوة
وبكدة تشيل الصدا و الزيت التجمد و تلاقى دواسة الدبريج بقت زى الفل
ودى اخر اختراعاتى فى الرينو الرينبو بتاعتى

[redcar]

اعتقد ان هناك خلل فى دورة زيت الهيدورليك الخاصة بالدبرياش لان ثقل الدرياش معناه ان الهيدروليك مش شغال والله اعلم