بعد مشوار طويل العربيه مش بتدور

[SHNORY]

السلام عليكم ورحمه الله وبركاته
العربيه عندي (لادا سمارا 1990) لما بعمل بيها مشاوير كتير وابطلها واجي ادور مش بتدور ولا حتي المارش بيلقط بس لمبات التابلوه شغاله
اسيبها نص ساعه او ساعه تدور عادي ولا كان فيه اي مشاكل
ولما بتعمل كده لازم تتزق وارميلها علشان تمشي بس حتي بعد ما تتزق وتمشي كويس لو بطلت مش بتدور يعني لازم اسيبها مده علشان تدور تاني
يا تري العيب من ايه وايه الحل من فضلكم
ولكم جزيل الشكر

[ahmedsrs]

اكشف على الكونتاك الأول لو سليم ممكن يكون الأتوماتك بتاع المارش واتاكد ان الأرضى بتاع المارش واصل كويس

[aif]

ده ممكن يكون عيب موبينة ....
الموبينه لما بتكون بايظة مش بتشتغل وهي سخنة
واول ما تبرد تشتغل
جرب لما تعمل معاك كدة انك تحط فوطة مبلولة علي الموبينة عشان تبرد .... لو بعد 10 دقايق اشتغلت يبقي العيب منها .... انا حصل معايا كدة في الشاهين
والميكانيكي بيعرف من لون الشرارة بتاعتها اذا كانت سليمة ولا لأ

[أبومعاذ]

لما تعطل منك خد وصلة من البطارية للمارش و دور لو دارت يبقى اوتوماتيك المارش بعافية شوية

[mero78]

ده ممكن يكون عيب موبينة ....
الموبينه لما بتكون بايظة مش بتشتغل وهي سخنة
واول ما تبرد تشتغل
جرب لما تعمل معاك كدة انك تحط فوطة مبلولة علي الموبينة عشان تبرد .... لو بعد 10 دقايق اشتغلت يبقي العيب منها .... انا حصل معايا كدة في الشاهين
والميكانيكي بيعرف من لون الشرارة بتاعتها اذا كانت سليمة ولا لأ

ربنا يجازيك عنا كل خير انا فعلا كانت بتقابلنى المشكله دى كتير فى الأسكودا فيلشيا وما كنتش عارف السبب ايه وكنت باستنى لحد العربيه ما تهدى علشان تدور

[HeMa1981]

;كان عندى العيب ده فى الفيرنا والمرتين طلع من البطارية ؟؟؟

[ziours]

ركب كتاوت للمارش و انسى وعن تجربة

[AHMEDCAR]

دى بطاريه وش

[SHNORY]

بعد فحص وتمحيص وفتاوي مدخلتش دماغي من الميكانيكي روحت للكهربائي وطلع العيب من ميه البطاريه
اه والله بعد القرف ده كله شويه ميه حلوا المشكله لان انا بنسي اكشف علي ميه البطاريه
الراجل زودها ومن ساعتها العربيه ماشيه تمام