العربية مش بتسحب كويس لما اركب ناس معايا

[dr_abooody]

ال 128 دة كل يوم بمشكلة شكل

النهاردة كنت في الجامعة و جي لوحدي و العربية كانت بتسحب جامد
و انا راجع ركبت 3 صاحبي معايا يعني بقينا 4 و هم مش من اصحاب الوزن الثقيل
يعني كلنا كنا عاملين300 او 350 كيلو
اجي ادوس بنزين الاقي العربية مش بتسحب حلو و التسارع بتاعها قل جداا
و اليومين دول عندي العربية بتسحب بنزين كتير اوي الضعف تقريبا
هل دة بسبب طقم الكهربا و لا عادي عشان العربية 1100 بس السنة اللي فاتت كانت احسن من كدا بكتير و كنت بركب ناس كتير بنركب 5 و تمام و بنشد

[dental_mn]

اهلا بيك يا دكتور معنا

انا برده عندي نفس المشكلة دي بالظبط بس لما سالت الناس ذو الخبرة و الميكانيكي اللي انا بروحله .. قالي دا الديسك و الاسطوانة عاوزين يتغيروا لان تلفهم بيؤدي الى زيادة استهلاك البنزين و قلة عزم الموتوز

بس شوف كده لو الدبرياش معاك ثقل ولا زي ما هو ..؟؟

و لله اعلم و ياريت لو حد عنده معرفة بالموضوع ده يقولنا

[Abdo_Eldesokey]

متهيألي يا باشا إن موضوع العزم ده مش مشكلة لأن الـ 128 ماتورها ضعيف أساسا ً فمع الوزن أكيد بيبقى ماشي بالعافية

أنا معايا نوفا مو 97 ومن يوم ما جت لو حملت العربية تحس إن العربية ماشية بالعافية

بالنسبة لموضوع البنزين فيه أسباب كتيييييييييير ، أحسن حاجة تشوف ميكانيكي كويس يبصلك على كل حاجة

[bolvegari]

شوف ياباشا العيب ده من حجات كتير جدا هقولك عليهم عشان تعرفهم

1- الموتور بقى ضعيف على العربيه
2- الديسك والاسطوانه بقوا ناعمين وبيلفوا على بعض عشان كده العربيه تقيله جدا
3- الكربيريتور بيحرق بنزين قليل والباقى بيطلع نيئ من الشكمان مع العادم
4- فلتر البنزين مكتوم بيخلى البنزين الى بيوصل للكربريتور قليل فبتخلى العربيه مش حاضره معاك لما تدوس بنزين مره واحده

نصيحتى ليك روح اعمل قياس لكبس الموتور بالكمبيوتر عشان تعرف عمر الموتور

وإن شاء الله المشكله دى بسيطه

[dr_abooody]

شوف ياباشا العيب ده من حجات كتير جدا هقولك عليهم عشان تعرفهم

1- الموتور بقى ضعيف على العربيه
2- الديسك والاسطوانه بقوا ناعمين وبيلفوا على بعض عشان كده العربيه تقيله جدا
3- الكربيريتور بيحرق بنزين قليل والباقى بيطلع نيئ من الشكمان مع العادم
4- فلتر البنزين مكتوم بيخلى البنزين الى بيوصل للكربريتور قليل فبتخلى العربيه مش حاضره معاك لما تدوس بنزين مره واحده

نصيحتى ليك روح اعمل قياس لكبس الموتور بالكمبيوتر عشان تعرف عمر الموتور

وإن شاء الله المشكله دى بسيطه

الفلتر لسة جديد

لكن بشم ريحة بنزين جامدة من الشكمان تقريبا البنزين مش بيتحرق كويس
و الحيطة اللي ورايا في الجراج لونها اسود

هل دة طقم كهربا و لا مشكلة في الكاربراتير

[ahmedfouad]

ده ضبط مخلوط الكربيراتير عايز يتراجع علية