الدريكسيون تقيل جدا معنو باور

[Mohamed Reda1]

انا عندى مشكله فى الدريكسيون لفيت على كل الميكانيكيه وغيرت عفشه كامله واسكترا كامله وطلمبه باور جديده وبرضو نفس المشكله يريت حد يفدنى لانى زهقت والعربيه نوعها دايو لانوس موديل 2005 ياريت الناس تفدنى انا مفيش حاجه مش عملتها غيرت كل حاجه فى العربيه وبرضو نفس المشكله

[Land_Cruiser]

انا بصراحه ما اعرفش في عربيتك بالذات بس في عربيات تانيه الموضوع كان بيبقي ليه علاقه بزيت الباور يعني النوع و اللزوجه من ناحيه او احتمال يبقي ناقص و محتاج يتزود او انه بينقص بسبب مشكله في الاولسيه و ده سهل تكتشفه لانك هتلاقي تسريب زيت و الحل انك تغير الاولسيه البايظ . مبدأيا ممكن تكشف علي زيت الباور و تشوفه كويس و لا ناقص و اذا كان ناقص تزوده و تقيسه بعد كام يوم تاني علشان تعرف اذا كان هيتسرب و لا لأ

[Mohamed Reda1]

شكرا لردك بس انا شوفت زيت الباور ومش بينقص والطلمبه جديده كمان

[ahmedelrayan]

طيب ما تجرب تروح لاى حد بتاع باور وشوف هيقولك ايه

[Mohamed Reda1]

انا فعلا رحت لناس كتير وقلتلهم يمكن الطلمبه بايظه قلولى سليمه لانها لسه جديده وقلولى غير اسكترا وعفشه غيرت عفشه كامله من كلو وغير بطاحات

[Sameh samy]

بما انك كشفت علي الاسكترة وطلعت سليمة وعن خبرة ممكن تكون البطاحات لانها علي بلي وبتلف مع الدركسيون

[Mohamed Reda1]

انا غيرت البطاحات وغيرت الاسكتره مش صلحت حاجه انا بشيل واجيب جديد وبرضو نفس المشكله شكرا لردك

[akmm]

متابع ...................

[Fadi Ezzat]

غير العربية

[Mohamed Reda1]

ماهو دا ال انا هعملو وشكرا على اهتمامكو بالموضوع

[Sameh samy]

هاقترح عليك حاجة تانية جرب تبدل الكاوتش واتاكد من ان سير الباور مشدود واتاكد من نوع زيت الباور وصلاحيتة للاستخدام وهل حضرتك مجنط ولا لا وهل علبة الدركسيون محتاجة حشو وبيض الدركسيون وباراتو كويسة اتاكد ان مافيش خرطوم متني او مسدود في الباور وممكن يكون السير ناعم وبيلف علي الفاضي او الطنابير اللي بيلف عليها السير عليها زيت وعلي فكرة العادي لو مغير جلب مقصات ان الدركسيون يتقل شوية

[Sameh samy]

وشوف لانوس زيها برضو لان انا جربت الانوس وعارف ان الباور بتاعها تقيل موش زي النوبيرا عشان العربية وزنها اخف

[ahmed asker]

بص يا باشا انا كان عندى نفس المشكله ورحت لميكانيكي كويس

لقي في خرطوم صغير طوله يجي شبر كده لقاه مشفوط لجوة غيرلي الخرطوم ده

والعربيه بقت تمام هيا نوبيرا معرفش بئا زى اللانوس ولا لاء بس تقريبا لانهم زى بعض في حاجات كتيير

ويارب يفيدك

[Mohamed Reda1]

شكرا لاهتمامكو انا فعلا مجنط العربيه ومغير كل السيور بس هشوف الحجات الى حضرتك قولت عليها دى الجنوط الى فيها 17

[MoRko]

في الغالب الجنط هو السبب 14 انسب مقاس لللانوس