محتاج شيخ يطلع عفريت من الافيو (ارجو المساعدة)

[big_tatoo3000]

انا اسف هى المشكلة طويلة شوية بس ارجوكم ساعدونى
انا عربيتى افيو 2013 اتوماتيك ( تفيل مصرى او بمعنى ادق "خراب مستعجل مصرى ")
المهم بعيد عن عيوب العربية الكتيييييييييييييييييييير جدا الى مش بتنتهى الا ان كل مشكلة والحمد لله بلاقى ليها حل انما من اربع شهور بالضبط العربية ركبها عفريت وصدقونى لما اقول عفريت
المشكلة بأختصار ( صوت طقطقة فى العربية من قدام شبة صوت الجلب بتاعت المقصات لما تكون بايظة ) العربية لما بدور وامشى العربية زى الفل و مفيهاش اى صوت انما لما امشى بيها شوية حوالى 20 كيلو تبدأ الطقطقة تظهر مع اى نقر او حفر او طريق مش متسفلت كويس ( وده نادر الحدوث فى مصر طبعا) وكل ما امشى اكتر الصوت يزيد اكتر لغاية اما يوصل الامر انى بحس فى بالطقطقة دى تحت رجلى والى قاعد جنبى كمان بيحس بيها وبيسمعها بس بتبان اكتر لما امشى على السلانسية ولغاية دلوقتى روحت لـ 5 عفشجى و3 ميكانيكى و6 مركز خدمة شيفرولة و2 بنزينة وبعد ما الفنى يطلع معايا ويجرب العربية ويسمع الصوت ويرجع يكشف على العربية اسمع كلمة واحدة : والله العربية زى الفل ومفيهاش حاجة - طيب ايه الصوت ده - يقولى معرفش وكشفت على جميع اجزاء العربية من الالف إلى الياء سليمة وحالتها ممتازة
اخر لما زهقت روحت التوكيل قالولى هنغير العفشة قدام بالكامل + علبة الدركسيون + مواسير الصرف بتاعت التكييف ( مش عارف ليه) والعيب ياما يختفى او لأ - طيب بكام - 17 الف جنيه !!!!!!!!!!!!!!!!!!!!!!!!!!!!
طيب اعمل ايه

[Adnfalcon]

بيع العربيه
اخويا بردو طلع عينه بسببها موديل 2014

[أسامه الحسيني]

ما تروح لحد بتاع كبالن يبصلك على الكبالن يمكن لما الكوبلن بيسخن ويتمدد يبداء يعملك المشكله دى

[Mahmoudyoussif]

كان عندي عيب شبيه زي ده و طلع عين اهلي

اكتشفت من الاخر انه من البطاحات محتاجة تتربط بس

[macdiv]

ركب كاسيت كويس و شغل مزيكه و استمتع بالعربيه و متأرفشي نفسك .... بس لو مزهآكاك عالآخر و مش عارف تعييش بيها بيعها و عرف اللي هيشتريها على عيب الصوت ده .. عشان متبقاش غشيته ..

[mohamedbook]

اعتد كه ان المشكلة في الشاسية نفسة فية بنطة لحام مش ملحومة كويس وبيحصل احتكاك وده احتمال 90%

[Mecha]

ممكن حصو الطريق