العربيه بتفضل شغاله لعد ماايطها

[Sprint king]

السلام علبكم العربيه عندى ياجماعه بتمشى لوحدها وانا رافع رجلى من على البنزين واجى ابطلها الاقيها زى ماتكون مش عاوز تبطل والموتور يفضل يخبط ولو دوسنلها بنزين بتبقى عاوز تدور من الاول واحد صحبى قالى دى كهربا زياده روحت للكهربائى قالى ده شغل مكانيكى روحت للمكانيكى الخروف لعب فى المسمار بتاع البنزين وقالى تمام ولا اى حاجه حصلت روحت لوحد تانى عمل نفس الحكايه ولا اى حاجه برضو مشس عارف مستهفينى ولا ايه الحكابه مع انى بدفعلهم فلوس والله مش ببلاش يعنى ف ياريت حد يفدنى

[Land_Cruiser]

اللي اعرفه ان كده الموتور عالي يعني عدد لفات الموتور كبير و ده المفروض بيخللي صوت الموتور عالي عن الطبيعي و بتحرق بنزين زياده و بالتالي بتبقي محتاج تظبط الموضوع عن طريق مسمار فعلا بعد ما بتفكه شويه صوت الموتور بيهدي . المفروض الوضع بتاع دلوقتي ده عند حضرتك يبقي في الشتاء فلازم الموتور يبقي عالي علشان العربيه تقدر تدور الصبح في الجو البرد و ما تتعبكش في الدواره انما في الصيف ده يسخن العربيه و يخللي صوت الموتور عالي واستهلاك البنزين زياده. ببساطه كده لو روحت لميكانيكي و ضبط المسمار هتقدر تميز بسهوله ان صوت الموتور بقي اهدي و طبعا هو ليه ظبطه معينه لانه لو اتوطي قوي ممكن يخللي العربيه تبطل . نقطه واحده كمان محتاج تبص عليها هي حاله الكاربيراتير لانه لو فيه مشكله في البوابات او الاكس بتلاقي الميكانيكي بيعلي الموتور و قد يكون ذلك هو السبب في ان الميكانيكي بيعلي الموتور كده و لذلك ممكن توديها لميكانيكي شاطر يبص علي الكاربيراتير و اذا كان كويس يبقي يوطي الموتور وزي ما قلتلك التأثير بيكون ان صوت الموتور هيهدي و في نفس الوقت ميبقاش في رعشه في العربيه او رجه علي الغيارات البطيئه او ان العربيه تبطل لوحدها

[Sameh samy]

كهربا زيادة

[Mecha]

idle speed too high
is it carburettor or injection ??
carburettor : on the body there is cold idle adjustment screw , loosen a bit
injection : there is air screw in throttle body

moreover:

check timing from the distributor

[Sprint king]

مشكرين ياجماعه اوى هبقى اوديها لمكانيكى كويس وقولكم الدنيا

[Ahmed Saad]

بص ياباشا الموضوع عندك كهربا زياده ومسمار البنزين عالي من الاخر العربيه عايزه تتظبط اسبراتير ومسمار البنزين والهوا بس لازم التلاته يتظبطو صح يعني انت محتاج ميكانيكي قديم وفاهم مش عربجي وعامل نفسه ميكانيكي وخللي بالك لازم العربيه تتظبط وهيا باردة علشان الظبط يبقى تمام وبالمره اظبط تاكيهات لو مخنوقه معاك وان شاء الله بسيطه وتتظبط واللي قولتوهولك ده عن تجربه مع عربيتي الإكسيل زمان وربنا يسهل وأي استفسار انا تحت أمرك

[alameer81]

وش السلندر لو اتقشط قبل كده زيادة عن اللزوم غرفة الاحتراق بتقل والمحرك يقرب شوية لمحرك الديزل ( يحصل اشتعال بالانضغاط مش بالشرارة)
وفي سبب تاني اسهل
لو في رواسب كربونية علي البوجيه او داخل غرفة الاحتراق بتستمر متوهجة شوية بعد ما تطفي المحرك وهي الي بتسبب استمرار الاشعال ودوران المحرك
فك البوجيهات واتاكد انها نضيفة

[samykhafagy201]

واير الاكسراتير مفتل ومحشور فى الجراب
يعنى تدوس بنزين يزود
ولما تسيب الدواسه مش بيرجع براحته
فيفضل الموتور عالى
ويعمل الحركات اللى وصفتها
ده طبعا بعد مراجعة الكهربا وضبط مسمار السلانسيه من الكربراتير

[Sprint king]

ياجدعان نا متشكر جدا على المعلومات والنصايح دى كلها بس انا للاسف مسافر وسايب العربيه لما ارجع هبقى اوديها لمكانيكى كويس واطمنكم

[YSR55]

قبل متبطل زود بنزين وبعد كدى بطل