قربة الميه مليانة للاخر

[snowlandeg]

السلام عليكم و رحمة الله

العربية عندي عملت معايا حركة مش فاهمها لسه قريب كنت مغير جوان وش سلندر و مغير طبب الموتور لانها خلطت ميه علي زيت

الحركة انها لما تسخن القربة بتبقي مليانة علي اخرها ميه من الريداتير ولما ابطل العربية المية تخرج من فايز القربة.

يعني انزل اشتري حاجة الاقي كوباية ميه مدلوقة تحت العربية

ايه سبب المشكلة و ايه الحل؟؟؟؟

[Abo Yasso]

السلام عليكم و رحمة الله

العربية عندي عملت معايا حركة مش فاهمها لسه قريب كنت مغير جوان وش سلندر و مغير طبب الموتور لانها خلطت ميه علي زيت

الحركة انها لما تسخن القربة بتبقي مليانة علي اخرها ميه من الريداتير ولما ابطل العربية المية تخرج من فايز القربة.

يعني انزل اشتري حاجة الاقي كوباية ميه مدلوقة تحت العربية :copy of majd(4):

ايه سبب المشكلة و ايه الحل؟؟؟؟

لما بتبطل العربيه ده بيبقى اكبر وقت فى ضغط على دوره المياه
بس انها تطلع ميه بره ده اللى مش عارفه انا كانت بتعمل كده عندى من الغطاء بتاع القربه وغيرته وبقى تمام

[snowlandeg]

هشوف كده

[عبدالله برعى]

الطبيعى ان مستوى المياه يكون بين العلامتين f & m فى اقصى درجات البرودة واقصى درجات السخونة

بسبب موضوع فرق الضغط (مهم)

[almohaor]

غير غطاء الردياتير باخر بنفس الرقم

[borio1704]

ده نفس الرد على نفس موضوعك اللي في قسم "زيوت وسوائل أخرى":



المشكلة دي سببها بسيط جدا .. وغالبا هو ده اللي خلى العربية تجيب جوان وش السلندر

غطا الرادياتير عايز يتغير !!!



غطا الرادياتير المفروض إنه يحافظ على ضغط المية عند مستوى معين جوه الرادياتير علشان الضغط له تأثير على درجة غليان المية (الضغط العالي بيرفع درجة الغليان)

ولو زاد الضغط عن المستوى ده البخار بتاع المية بيخرج من الغطا ويروح القربة.

ولما حضرتك تطفي العربية المية بتبرد والضغط بيقل جامد (زي فكرة برطمانات المربى).... ولو المية اللي طلعت دي ما رجعتش.. ممكن لما تيجي تشغل العربية تاني تكون المية ناقصة زيادة عن اللزوم والعربية تسخن..

علشان كده بيبقى الغطا فيه فتحة صغيرة بتفتح بس لما الضغط يقل .. وتبدأ تشفط المية من القربة تاني







باختصار.. فتحة رجوع الفائض في غطا الرادياتير مسدودة.

هو حضرتك غيرت الغطا مع تغيير الجوان؟؟



...

[Abo Yasso]

ده نفس الرد على نفس موضوعك اللي في قسم "زيوت وسوائل أخرى":



المشكلة دي سببها بسيط جدا .. وغالبا هو ده اللي خلى العربية تجيب جوان وش السلندر

غطا الرادياتير عايز يتغير !!!



غطا الرادياتير المفروض إنه يحافظ على ضغط المية عند مستوى معين جوه الرادياتير علشان الضغط له تأثير على درجة غليان المية (الضغط العالي بيرفع درجة الغليان)

ولو زاد الضغط عن المستوى ده البخار بتاع المية بيخرج من الغطا ويروح القربة.

ولما حضرتك تطفي العربية المية بتبرد والضغط بيقل جامد (زي فكرة برطمانات المربى).... ولو المية اللي طلعت دي ما رجعتش.. ممكن لما تيجي تشغل العربية تاني تكون المية ناقصة زيادة عن اللزوم والعربية تسخن..

علشان كده بيبقى الغطا فيه فتحة صغيرة بتفتح بس لما الضغط يقل .. وتبدأ تشفط المية من القربة تاني







باختصار.. فتحة رجوع الفائض في غطا الرادياتير مسدودة.

هو حضرتك غيرت الغطا مع تغيير الجوان؟؟



...

معنديش غطا ريداتير (قربه بس) جوليت 99
وبيحصل فوران من القربه ولما غيرت الغطا مفيش فوران بره القربه لكن بيكون المياه فى القربه على اخرها ... هل ده طبيعى ..

[snowlandeg]

انا مركب ريداتير جديد و الغطا جديد و المشكلة دي ظهرت مع الريدياتير القديم برضه بس ما اتكررتش كتير.

في حاجة لاحظتها امبارح

المشكلة ما بتظهرش الا لو العربية سخنة خالص

وصلت البيت فتحت الكبوت و العربية دايرة كله تمام. الميه في القربة مظبوطة.

بطلت العربية سمعت زي صوت تنفيس بسيط عند الساعة جنب الخراطيم مش عارف منين بالظبط و لقيت الميه في القربة بتزيد لغاية لما تخرج منها.

ملحوظة: العربية مافيش اي تسريب في الخراطيم

[lokasherdy]

غير غطاء القربة وخلي حد ياحد الهواء من دورة الميه وقولي القربه عندك فيها كام فتحة ؟

[snowlandeg]

القربة غطا اخضر بفتحتين واحدة رايحة للريداتير بخرطوم و التانية فاضية مش واصلة بحاجة و لا فيها خرطوم

[lokasherdy]

الفتحه فين بالظبط ؟؟

القربة غطا اخضر بفتحتين واحدة رايحة للريداتير بخرطوم و التانية فاضية مش واصلة بحاجة و لا فيها خرطوم

يعني الفتحتين في الغطا ولا في القربه نفسها ولو في القربه نفسها يبقى المفروض يكون في خرطومين واصلين يا اما 3 خراطيم كمان.. يعني انا عندي في عربيتي القربه فيها 3 فتحات و3 خراطيم ومعنديش غطا ريداتير يعني دوره مياه مغلقه .اعتقد ان عندك حاجه ناقصه .
وكان بيحصل عندي نفس اللي بيحصلك بالظبط وكان في خرطوم مسدود سلكته ده كان بتاع الفايظ من المكنه للقربه وكمان غيرت الغطا والمشكله اتحلت .
متابع معاك ...

[Abo_Mazen]

بما إنك لسه عامل جوان وش سلندر..إتأكد إن مفيش كبس من المكنه في دورة التبريد بيهرب المياه من الريداتير للقربه..

[snowlandeg]

الحمد لله رحت لبتاع الريداتير و طلع غطا الريداتير الجلده بتاعته وقعت و لا طارت. المهم غيرته بواحد جديد مع اني كنت لسه مغيره.

[alking_2006]

غير غطاء الرادياتير بواحد اصلى و لو المشكلة استمرت يبقى وش السلندر للأسف مقفع و عايز يتخرط (الكلام دا عن تجربة فى عربيتى)