السيارة غير ثابتة على الطريق

[Hany Mohammad]

السلام عليكم
اولا ارحب بالاخوه الكرام فى هذا المنتدي الرائع
انا عندي مشكلة فى عربيتى اكسنت rb موديل 2014 العداد 10500 كم
المشكلة ابتدت من شهرين تقريبا لما حسيت ان العربية مش ثابته على الطريق وبتحدف شمال واحيانا يمين وفى تقل واضح جهه الشمال بيخلينى لازم اعدل الطارة كل شويه يمين علشان امشى عدل .. بعد 4 زيارات لغبور وكل مره يقولي ظبطنا زوايا اطلع من عندهم بنفس المشكلة ...بدأ الدريكسيون يبقى خفيف جدا وخصوصا لما اكسره شمال مع طبعا زياده عدم ثبات على الطريق رحت التوكيل قالى عملنا برمجه لقطمه الدركسيون وخرجت والعربية اسوأ .... جه وقت صيانه 10000 رحت وقولت لازم المشكلة تتحل قاللى هنشوفها مع الصيانه بعد 4 ساعات انتظار قاللى ظبطنا كل حاجه اخدت العربية والمشكلة زى ماهى فى تقل واضح جدا ناحيه الشمال وعدم اتزان تماما مع السرعات وتعويم وطارة خفيفه ومن ااقل عربية تعدى من جانبى بسرعه تحدفنى .. رحت التوكيل تانى وقاللى معندناش حل غير ندخلها دعم فنى ودخلوها ... بعدها بساعتين لاقيتهم بيتصلو احنا هنغير المساعدين اللى ورا وقطمه الدريكسون وعلبة الدريكسون !!!!! طبعا كنت مذهول من كميه التغيرات دى فى عربية جديده وكمان ازاى مكتشفوش كل ده بعد اكتر من 6 زيارات وكمان بعد صيانه 10000 كيلو اللى المفروض يكونو عملو تشك على العربية كلها ... المهم اضطريت ااقبل بالوضع ولكن للاسف العربية لسه بتحدف وبرضه مش ثابيته والدريكسون بقى تقيل .. رحت لواحد بره بتاع زوايا قاللى مقاساتك مظبوطه وواحد تانى قاللى عندك عجلة مأخره وهتحتاج زرجينه طبعا مستحيل اعمل الكلام ده فى عربية جديده ...
انا فعلا مش عارف اعمل ايه والمشكله ممكن تكون فين ؟؟؟

ارجو من اصحاب الخبرة افادتى
ولكم جزيل الشكر

[Abulkheir1986]

الخوف انها ممكن لا قدر الله تكون محتاجة زرجينة ، وعمرهم ماحيقولو كدة فى التوكيل علشان دى مصيبة، روح لكذا واحد ظبط زوايا ، فى مركز بريدجستون فى ١٢ عمارات العبور صلاح سالم ، الأخوة هنا بيشكروا فية آوى ،. وخير انشاء الله

[Hany Mohammad]

الخوف انها ممكن لا قدر الله تكون محتاجة زرجينة ، وعمرهم ماحيقولو كدة فى التوكيل علشان دى مصيبة، روح لكذا واحد ظبط زوايا ، فى مركز بريدجستون فى ١٢ عمارات العبور صلاح سالم ، الأخوة هنا بيشكروا فية آوى ،. وخير إن شاء الله

طيب ليه معلش عمرهم ماهيقولو انها محتاجه زرجينه؟ وليه مصيبة ؟
ولكم جزيل الشكر

[Hany Mohammad]

الرجاء من اصحاب الخبرات فى مثل هذا النوع من المشاكل افادتى

[Sameh samy]

روح عند واحد بتاع زوايا نضيف وخلية يديك تقرير مطبوع من الجهاز بحالة العربية
اتاكد ان الباور بيفصل لان باور الكهربا خفيف جدا بطبعو والمشكلة كانت في الالنترا الشكل القديم انو مابيفصلش
اتاكد عند بتاع الزوايا من بيض الدركسيون والميزان وجلب المقصات
لو كلو تمام ومافيش مشاكل اكشف علي الكاوتش
للاسف العربية ال rb عموما موش راسية وانا موش قادر اعرف اللي عندك طبيعي ولا اكتر بس انا لاحظت فرق في الثبات خصوصا لو الشباك مفتوح

[hesham fawzy h]

متابع

[Hany Mohammad]

روح عند واحد بتاع زوايا نضيف وخلية يديك تقرير مطبوع من الجهاز بحالة العربية
اتاكد ان الباور بيفصل لان باور الكهربا خفيف جدا بطبعو والمشكلة كانت في الالنترا الشكل القديم انو مابيفصلش
اتاكد عند بتاع الزوايا من بيض الدركسيون والميزان وجلب المقصات
لو كلو تمام ومافيش مشاكل اكشف علي الكاوتش
للاسف العربية ال rb عموما موش راسية وانا موش قادر اعرف اللي عندك طبيعي ولا اكتر بس انا لاحظت فرق في الثبات خصوصا لو الشباك مفتوح

متشكر جدا على ردك بس انا بالفعل رحت مركز ممدوح غطاطي بتاع الزوايا وقاللى مقساتك تمام والكاوتش لسه بحالتو وكشف على كل اللى انت اتفضلت وقولتو وقاللى مفيش مشكلة ... يبقى عدم الاتزان والحدفه دب بتيجى منين

[Hany Mohammad]

محدش عنده خبرة فى الموضوع ده ولا ايه ؟؟

[Hany Mohammad]

ياجماعة مفيش حد بيرد ليه ؟؟؟

[Sameh samy]

متشكر جدا على ردك بس انا بالفعل رحت مركز ممدوح غطاطي بتاع الزوايا وقاللى مقساتك تمام والكاوتش لسه بحالتو وكشف على كل اللى انت اتفضلت وقولتو وقاللى مفيش مشكلة ... يبقى عدم الاتزان والحدفه دب بتيجى منين

يا تسوق عربية rb تانية يا حد ساق rb يسوق عربيتك
انا سقت الrb لحد 160 وثباتها وحش وبعد 120 لازم تقفل الازاز لو هاتزود
العربية بتتنطط من ورا واللي سقتها كانت زيرو

[borio1704]

هو الحدفة دي دايما في كل الأحوال ولا أحيانا تروح وتيجي؟؟ وهل كنت حضرتك سايق العربية كويسة وبعدين بدأت المشكلة تظهر؟؟؟

ممكن ببساطة تكون حضرتك عديت على مطب أو حفرة بسرعة عالية.. وبالتالي ممكن قوي يكون عندك مقص معووج بشكل بسيط..

بردو.. أحيانا بيكون ميل الطريق سبب في حدفة العربية لأحد الاتجاهات.. وما تنساش الهوا الجانبي اللي على الطريق

في الأول والآخر.. الأكسنت سيارة للمدينة .. مش للسرعات العالية .. حتى لو بتجيب الـ160 أو أكتر...

لازم نعرف قدرات العربية كويس.



...

[miam0502788391]

ممكن يكون العيب فى بيض المقصات الجلب او بيض تيش بارات الدكسيون يكون فيهم خلوص
والله أعلم