واحد بتاع عفشة كويس

[wasim]

انا عندى شيروكى 2001 و العربية بتعوم جامد على السرعات القليلة 60-80
كشفت على الشاسيه سليم
غيرت عفشة كاملة و علبة دركسيون من 6 شهور و مافيش فايدة
مش عارف اعمل ايه و اروح لمين بيفهم

أ ممدوح لو تعرف ممكن تدلنى
يا جماعة لو حد يعرف حاجة يقول

شكرا

[amirsayed]

نصيحه منى
فى مركز فى عين شمس فى شارع الحريه متفرع من جسر السويس
مركز مصطفى عفشه هو مركز كبير و مضمون عن تجربه و مبياخدش اكتر من حقه
روحله خليه يبص على العربيه بتاعتك و هيقوللك على الصح

[wasim]

شكرا امير
هل من الممكن تركيب عفشة رياضية للشيروكى ؟ عند مين ؟ و التكلفة تقريبا كام ؟

[عزيز محمد]

نصيحه منى
فى مركز فى عين شمس فى شارع الحريه متفرع من جسر السويس
مركز مصطفى عفشه هو مركز كبير و مضمون عن تجربه و مبياخدش اكتر من حقه
روحله خليه يبص على العربيه بتاعتك و هيقوللك على الصح

قين المركز ده بالتحديد يا أستاذ أمير
وجزاك الله خيرا

[Ahmed Selim]

شكرا امير
هل من الممكن تركيب عفشة رياضية للشيروكى ؟ عند مين ؟ و التكلفة تقريبا كام ؟

أستاذ وسيم......أعتقد ينفع

ممكن حضرتك تروح لمركز تانى برضه أسمه Car Boys فى شارع السندباد بالقرب من حمدى لادا.......أصحابه مهندسين وبيفهموا كويس جداً
وبرضه بيستوردو عفشات رياضية كونى Koni

[wasim]

شكرا يا أحمد ها اررح لهم الأسبوع ده دول جنبى خالص

[Ahmed Selim]

العفو يا باشا.....أنت تأمر بس :)

[jaw_83]

فى ورشه جامده اوى فى فيصل فى الطوابق فى الطابق الاول انا مش فاكر اسم الورشه ايه بس هما معروفين باسم سمارا وهما جامدين جدا روحلهم يبصولك على العفشه

[kh_fawzy]

ياريت العنوان بالظبط بتاع ورشه فيصل

[wasim]

شكرا يا حضرات على المساعدة

[Ahmed Selim]

أخبارك أيه يا وسيم باشا......طمنا.....رحت لحد ولا لسة ؟ والعيب كان أيه؟