وش السلندر فى فيرنا 1600 سى سى

[dipole_moment]

السلام عليكم و رحمة الله و بركاته

انا لسه مغير جوان وش السلندر فى فيرنتى المحبوبة 1600 سى سى موديل 2008
الميكانيكى خرط وش السلندر و قاللى انه زود فيه المونيا
و قاللى ان دى اخر مره هينفع انه يتخرط
و ان لو الجوان ضرب تانى يبقى هنجيب وش سلندر جديد او هنغير الماكينه كلها لانه بيقوللى ان وش السلندر مش موجود فى السوق
هل فعلا وش السلندر مش موجود فى السوق و لو موجود سعره يعمل كام ؟
و نصايحكم لو الجوان ضرب تانى اغير وش السلندر لوحده و لا اغير الماكينه كلها؟
و سعر ماكينة الفيرنا 1600 سى سى يعمل كام و اجيبه منين ؟
معلش انا طولت عليكم فى الاسئلة بس اخوكم مش عارف يعمل ايه بصراحة

[Fadi Ezzat]

هتغير حاجة اسمها الشورت بلوك للماتور ودة بيبقى عبارة عن الماتور كامل بس بدون التغذيات والكلام دة البلوكة بس بتاعت الماتور
ودى هتلاقيها للفيرنا فى حدود 2500/3000

[dipole_moment]

هتغير حاجة اسمها الشورت بلوك للماتور ودة بيبقى عبارة عن الماتور كامل بس بدون التغذيات والكلام دة البلوكة بس بتاعت الماتور
ودى هتلاقيها للفيرنا فى حدود 2500/3000

هل الشورت بلوك ده بيحتاج تغيير رقم الموتور فى المرور و لا بيفضل زى ما هو ؟؟؟
و ايه افضل مكان اشتريه منه ؟؟؟

[noureldenadel4]

متابع

[Fadi Ezzat]

اة هتحتاج تغير رقم الماتور فى المرور وممكن لو بلوكة الماتور سليمة
بتجيب شورت بلوك بردةو بتاخد كل حاجة حواة عمود كرنك بالبساتم بوش السلندر والصبابات وكل حاجة

[dipole_moment]

اة هتحتاج تغير رقم الماتور فى المرور وممكن لو بلوكة الماتور سليمة
بتجيب شورت بلوك بردةو بتاخد كل حاجة حواة عمود كرنك بالبساتم بوش السلندر والصبابات وكل حاجة

طيب موضوع ان الميكانيكى زود الوش المونيا عند الخراط ده ممكن يعيش معايا و لا ابدأ ادور على شورت بلوك من دلوقتى و ايه المكان اللى ممكن الاقيه فيه بسعر كويس ؟

[dipole_moment]

اخي انا عندي وش السلندر بتاع الفيرنا موجود
وكمان عندي الماكينة كاملة
بس انصحك طالما الماكينة سليمة ممكن تغير وش السلندر بس
وانا تحت امرك في اي وقت ورقمي معاك 01091801808
اخوك شريف صاحب مركز صيانة زيرو للسيارات بالمنصورة

شكرا يا استاذ شريف
الرقم سجلته معايا

[Fadi Ezzat]

طيب موضوع ان الميكانيكى زود الوش المونيا عند الخراط ده ممكن يعيش معايا و لا ابدأ ادور على شورت بلوك من دلوقتى و ايه المكان اللى ممكن الاقيه فيه بسعر كويس ؟

دور على وش احسن من دلوقتى مش هيكمل

[Abo_Mazen]

طيب موضوع ان الميكانيكى زود الوش المونيا عند الخراط ده ممكن يعيش معايا و لا ابدأ ادور على شورت بلوك من دلوقتى و ايه المكان اللى ممكن الاقيه فيه بسعر كويس ؟

واضح إن حضرتك بستخدم مياه حنفيه ..لغاية وش السلندر ما ملح وبقي عامل زي المخلل ..عشان كده الميكانيكي زود الوش ..وخصوصا إن هي لسه موديل 2008 ..

وبعدين أنا فعلا لاحظت إن وش السلندر بتاع الفيرنا مش موجود ..ودي غريبه بصراحه ..مش عارف إزاي عربيه زي دي منتشره إنتشار اللادا في إسكندرية ميبقاش وش السلندر بتاعها موجود إستيراد..عموما حاول تدور على وش إستيراد يكون للمكنه ال 1600 ..هتلاقيه إن شاء الله ..وإعمل حسابك عليه ..على فكره ..تزويد الوش ما يعيبوش ..بس حافظ عليه ..حاول تستخدم مياه ملونه كويسه عشان تحافظ عليه قدر الإمكان

[dipole_moment]

واضح إن حضرتك بستخدم مياه حنفيه ..لغاية وش السلندر ما ملح وبقي عامل زي المخلل ..عشان كده الميكانيكي زود الوش ..وخصوصا إن هي لسه موديل 2008 ..

وبعدين أنا فعلا لاحظت إن وش السلندر بتاع الفيرنا مش موجود ..ودي غريبه بصراحه ..مش عارف إزاي عربيه زي دي منتشره إنتشار اللادا في إسكندرية ميبقاش وش السلندر بتاعها موجود إستيراد..عموما حاول تدور على وش إستيراد يكون للمكنه ال 1600 ..هتلاقيه إن شاء الله ..وإعمل حسابك عليه ..على فكره ..تزويد الوش ما يعيبوش ..بس حافظ عليه ..حاول تستخدم مياه ملونه كويسه عشان تحافظ عليه قدر الإمكان

بصراحة انا شارى العربية بقالها سنة و 3 شهور معايا بس لاقيت فيها عجائب و غرائب الدنيا
مش عاوز اقول لحضرتك ان كل حاجة فى العربية كانت تقريبا ملزوقة بلزق أمير
و فكت منى أول ما سجلت العربية بإسمى فى الشهر العقارى
لقيت كل حاجة فى العربية لوحدها
فصرفت عليها كتير لحد ما بقت الى حد ما تنفع تتركب
تقريبا اللى كان راكبها قبلى كان بيمونها برسيم مش بنزين
فمش مستغرب انه يكون اصلا بيحط فى الرادياتير ميه من البحر لان العربية كانت مرخصة اسكندرية

[Abo_Mazen]

بصراحة انا شارى العربية بقالها سنة و 3 شهور معايا بس لاقيت فيها عجائب و غرائب الدنيا
مش عاوز اقول لحضرتك ان كل حاجة فى العربية كانت تقريبا ملزوقة بلزق أمير
و فكت منى أول ما سجلت العربية بإسمى فى الشهر العقارى
لقيت كل حاجة فى العربية لوحدها
فصرفت عليها كتير لحد ما بقت الى حد ما تنفع تتركب
تقريبا اللى كان راكبها قبلى كان بيمونها برسيم مش بنزين :_alshmokh11:
فمش مستغرب انه يكون اصلا بيحط فى الرادياتير ميه من البحر لان العربية كانت مرخصة اسكندرية

ههههههههههههههه..حصلت معايا برضه ..بس الحمدلله مش للدرجه اللي حضرتك بتقول عليها