العربيه غرقت احاول ادورها ولا لأ ؟؟؟؟

[mohamed 123]

السلام عليكم ورحمه الله

نزلت اليوم من بيتى لقيت مياه المطر مغرقه كل الشوارع
وببص للعربيه لقيت المياه مغرقه الشكمان وواصله لحد الاكصدامات
لعربيه ومش عار ف اعمل ايه ادور العربيه ولا لأ
انا خايف ادورها ابوظ المتور
ومش عارف هى هدور اساسا ولا لأ
** ملحوظه عربيتى شاهين
ارجو المساعده منكم
وجزاكم الله خير

[mhkorayem]

متابع

[ahmed.teawater]

لاء يا باشا متدورهاش
وان شاء الله الصبح المياه تهدى شويه وتتابع الدنيا عامله ايه ونشفت ولا لاء وبعدها تدورها ويا اما حضرتك تركنها ف جراج او اى مكان مغلق او الحل بقى انك تدور على مطلع تركن عربيتك فيه عشان المياه متوصلش لاى جزء من العربيه وتجرى لتحت واسكندريه فيها مطالع كتير
الله يعينك

[hesham fawzy h]

متابع

[أحمد جودة]

السلام عليكم ورحمه الله

نزلت اليوم من بيتى لقيت مياه المطر مغرقه كل الشوارع
وببص للعربيه لقيت المياه مغرقه الشكمان وواصله لحد الاكصدامات
لعربيه ومش عار ف اعمل ايه ادور العربيه ولا لأ
انا خايف ادورها ابوظ المتور
ومش عارف هى هدور اساسا ولا لأ
** ملحوظه عربيتى شاهين
ارجو المساعده منكم
وجزاكم الله خير

لو عربيتك فيها مشط الكتروني بلاش لانه بمجرد ماتيجي عليه ماية العربية هتخرف وتبطل اسحبها على وضعها فى مكان ناشف وافتح الكبود وبالبلاور نشف الاجزاء الكهربية

[Fadi Ezzat]

لو الشكمان بس الى عندة مية دور ومتقلقش مش هيحصل حاجة الهواء هيطير المية

[J A G U A R]

بسيطه
وحاول تركنها فى مكان شمس

[Abo_Mazen]

والله أنا شايف إن صاحب المشاركه كبر الموضوع على الفاضي .ما العربيات بتدخل تتغسل وفي مراكز الهاي كير بيبقى باقي شويه ويغطسوا العربيه في المياه

رأي العبد الله المتواضع ..إفتح الكبوت ..لو العربيه كاربتراتير ..يبقى شوف المياه وصلت للإسبراتير والبطاريه وعلب الفيوزات ودخلت في الصالون وحصلت التابلوه من تحت عند الضفيره واللعبكه دي ولا لأ ..لو العربيه إنجيكشن ..إتأكد إن الكنترول بتاع العربيه محصلتوش مياه ..وبرضه بص على المشط أو الإسبراتير والبطاريه ..وبرضه شوف المياه دخلت الصالون ووصلت للتابلوه من تحت عن الضفيره والكركبه بتاعة الكهرباء اللي تحت دي ولا لأ ..دخول مياه من الشكمان بسسس..معتقدش تعمل حاجه ..لكن أهم حاجه النقط اللي قلت لحضرتك عليها ..تتأكد منها بالنظر بقى كده وبالراحه مع نفسك ..عادي يعني ..

[Magoda]

والله أنا شايف إن صاحب المشاركه كبر الموضوع على الفاضي .ما العربيات بتدخل تتغسل وفي مراكز الهاي كير بيبقى باقي شويه ويغطسوا العربيه في المياه

رأي العبد الله المتواضع ..إفتح الكبوت ..لو العربيه كاربتراتير ..يبقى شوف المياه وصلت للإسبراتير والبطاريه وعلب الفيوزات ودخلت في الصالون وحصلت التابلوه من تحت عند الضفيره واللعبكه دي ولا لأ ..لو العربيه إنجيكشن ..إتأكد إن الكنترول بتاع العربيه محصلتوش مياه ..وبرضه بص على المشط أو الإسبراتير والبطاريه ..وبرضه شوف المياه دخلت الصالون ووصلت للتابلوه من تحت عن الضفيره والكركبه بتاعة الكهرباء اللي تحت دي ولا لأ ..دخول مياه من الشكمان بسسس..معتقدش تعمل حاجه ..لكن أهم حاجه النقط اللي قلت لحضرتك عليها ..تتأكد منها بالنظر بقى كده وبالراحه مع نفسك ..عادي يعني ..

والله انا شايف انه مكبرش الموضوع ولا حاجه

احنا هنا بنسأل بعض على اى حاجه والراجل بياخد رأى الاعضاء بدل مايسأل بره ويتسوح وساعتها ده هيبقى رد فعله

وكل سنة وانتوا طيبين عيد سعيد عليكما

[S O P H O S]

شايف تسيب العربية شوية يكون مفيش ميه عالماتور واجزاءه
وتدور عادي

[ahmed_moeaz]

سيب المية تنشف واسحبها عند اى حد مغسلة ميكانيكى عنده مسدس هوا ونضف المية من الاجزاء الالكترونية واتوكل على الله ودور