فكترا بي الموتور مبرجل طول ما العربية بارده

[hendawy]

السلام عليكم
انا معايا اوبل فكترا بي 1600 سي سي مو 2000 لما بدورها بيكون صوت الموتور مضبوط في اول الدواره لمدة ثانية او اتنين و بعد كده الموتور يتبرجل و اول لما امشي و اقف علشان مطب العربية مش بتستجيب لدوسة البنزين و بعد كده تبطل ومش بترضي تدور و لما فكيت خرطوم البنزين من الكربراتير علشان اشوف بيجيب بنزين ولا لا دارت بس برضه البرجله موجوده ولما بتسخن مع المشي بتظبط شوية لكن في دخان اسود و بتاكل بنزين بغباء
ارجو الافاده

[hazoom2006]

كولانت سينسور واعمل كشف كمبيوتر علشان تتاكد اكتر

[hendawy]

شكرا يا باشا علي الرد و فعلا انا عملت كشف كمبيوتر امبارح و مفيش اي اخطاء متسجلة

[M.A.EL-SATAR]

لو في بنزين بينزل نيَ من الشكمان على شكل نقط كدة يبقي البوابه عايزة تنضف

[hendawy]

للاسف دلوقتي العربية مش بتدور لانها بتشرق لاني لقيت رشاش البنزين بينزل نقط مع الرذاذ في الكربراتير و الشكمان مكانش بينقط لكن فيه ريحة البنزين الني

[M.A.EL-SATAR]

نضف البوابة المكانيكي بيفكها وينضفها وبيركبها تاني الدنيا بتظبت

[hendawy]

طلع اولسيه الرشاش غيرته الدنيا ظبطت لكن استهلاك البنزين مش عاجبني 140 الي 150 كيلو لكل 20 لتر بنزين

[mahmoud_fathy]

جرب تغير فلتر البنزين شكله مكتوم