مشكلة محيرة جداً في الشاهين

[حسني منصور]

تحياتي لكل الأعضاء.
المشكلةفيه رجة في العربية من فوق سرعة 60 كيلو ومش لاقي ليها حل
انا عملا الآتي
1- غيرت صلايب الكردان الأمامية والخلفية
2- غيرت كرسي النص
3- غبرت فلانشة الكردان
4- فكيت الاسكاترة ونضفتها وحطيت شحم جديد وطقم جلدة التراب
5- رصصت العجل وظبط زوايا
كل دة ومش عارف ايه سبب الرجة
سؤالي لحضراتكم
ايه ممكن يكون السبب علشان انا تعبت ومش عارف اعمل ايه
وفيه حاجة كمان من يومين كنت ماشي بالعربية وجريت بيها شوية لقيت عند سرعة 110 فيه صوت عالي جداً مش ونة ولا حاجة بتاكل في حاجة انا احترت ومش عارف اعمل ايه وقررت ما اتحركش بالعربية غير لما المشكلة تتحل
أرجوا الافادة العربية شاهين 1997 موتور 1400cc

[amr011111]

ممكن لو فرده كاوتش ملوحه تعمل كده

[حسني منصور]

شكرا للرد لكن طقم الكاوتش زيرو ومترصص

[boomboomzoro]

السلام عليكم
ممكن لو مطب أو بلاعه طالت عمود الكردان يرف في السرعات العاليه
أعتقد فيه ناس بتعدله و بتوزنه و قد يكون هو سبب المشكله....و الله أعلم
جزاكم الله خيرا

[Mecha]

شيكت علي بليه خرج الفتيس وبلي الكرونه
بلي الاكوسه عامل ايه

[حسني منصور]

شكرا علي الرد بالنسبة لعمود الكردان وديته المخرطة يرفه طلع سليم 100%

[hugan]

اكيد في اكس من اكسات الكارونه معوج

[حسني منصور]

والله الردود كلها مودياني علي الكرونة بس انا خايف الكرونة ما اتفكتش قبل كدة خالص لو حد يفيدني الكرونة اي ميكانيكي يفكها ويشتغل فيها ولا فيه حد متخصص كرونة بس

[hugan]

والله الردود كلها مودياني علي الكرونة بس انا خايف الكرونة ما اتفكتش قبل كدة خالص لو حد يفيدني الكرونة اي ميكانيكي يفكها ويشتغل فيها ولا فيه حد متخصص كرونة بس

الاكسات مالهاش علاقه بالكارونه
اي نعم هي راكبه فيها لكنها قطع غيار استهلاكيه
زيها زي الكبالن

[حسني منصور]

الحمد لله شكرا ليك طمنتي بالرد ده لاني خايف اخش في دوامة اسمها كارونة الشاهين واكيد اللي مر ب بلاتجربة دي يفهم انا قصدي ايه.

[حسني منصور]

الحمد لله النهاردة المشكلة اتحلت بعد تغيير صلايب وكرسي النص لان اللي كانوا راكبين هما جداد لكن مش أصلي
شكراً لكل اللي ساهم بالرد