ضبط الأسبراتير و الكاربراتير للماروتي

[poula]

أرجو المساعدة للأهمية
أنا شاري ماروتي 2010 من حوالي سنة و فيها مشكلة من ساعه ماجبتها عملالي صداع
لما أجي أبطل العربية و النور شغال أو مروحة الماتور شغالة العربية تفضل تخبط و ترزع
رحت بيها للميكانيكي 100 مرة و برده لسه في نفس المشكلة
واحد قلي ممكن تقلل البنزين في الكاربراتير هتروح معاك قللت البنزين من مسمار البنزين في الكاربراتير بقت العربية و هية لسه بردة تترج جامد و الماتور بقي بيرقص رحت رافع البنزين تاني
واحد تاني قلي المشكلة في الأسبراتير حركة من السامورة الي ماسكاه سنة سنة أكتشفت أنه جي علي الأخر و لو حركتة في الأتجاه العكسي الماتور بيفضل يخبط جامد
أخر حاجة عرفتها من المنتدا هنا أن لازم الأسبراتير و الكاربراتير يتظبطو مع بعض رحت لميكانيكي قلتلة علي الكلام ده أعد يلعب في الكاربراتير و برده فضلت نفس المشكلة
أرجو الأفادة بالتفصيل كيفية ضبط الاسبراتير و الكاربراتير بالتفصيل و ياريت لو في صور أو فيديو
و شكراً جزيلاً

[poula]

أنا لسه جي من عند الميكانيكي فضلنا ساعتين بيحاول بيظبط في الكاربراتير و الأسبراتير و غيرنا البلاتين و برده لسه لما أجي أبطل و المروحة شغالة بتفضل تخبط
أخر لما غلب بيقلي السبب أن جوانات وش السيلندر عايزة تتغير علشان لما فتح طبة الردياتور لقي المية بتعمل فقاقيع فقلي هو دة السبب

[Mecha]

ماشي , بس فيه حاجه عندك غلط ان الاسبيراتير رجلاشه جايب الاخر
المفروض المسمار يبقي تقريبا في نص الفتحه اللي زي الكلوه
فكده المكنه مقدمه اوي عاوزه تدور بعد ماتطفي وترزع
راجع عليها

[poula]

متشكر جدا يا باشا
ياريت بقي لو في طريقة سهلة اظبط بيها الكاربراتير علشان بعد ما ظبطت الاسبراتير بقت بترجرج جامد و هية بردة و الرجرجة بتقل لما العربية بتسخن

[Mecha]

شوف الاتشوك
كهربا ولا كابل

[poula]

مش فاهم حضرتك؟؟؟؟؟