مشكلة فى فتيس الكروز موديل 2010

[ibrahim.amagee]

السلام عليكم

انا معايا عربية كروز موديل 2010 و سمعت من ناس كتير ان هى بتجيب فتيس بسرعة و لما سألت فى التوكيل قالى هى فعلا فى عربيات كتير حصل معاها كده بس انت عملت 50000 كم يبقى كده تمام و مش هتحصل معاك ..... النهاردة العربية خرجت بره الضمان لمرور ثلاث سنوات على شراءها و هى عاملة 100000 كم و للاسف حصلت مشكلة و العربية دايرة و بدوس بنزين الار بى ام بيعلى بس العربية مش بتتحرك ... و لما ببطل العربية و ادورها تمشى شوية و تحصل نفس المشكلة لحد ما العربية بطلت خالص و فى نفس الوقت صوت الكلاكس ضعف و دايرة الكهربا بتاعت الابواب تعطل بالكامل جبت ونش و رفعتها و اخدتها على مركز منصور اللى على الصحراوى قالولى العربية فيها مشكلة فتيس و بطارية (غريبة ان الاتنين فى وقت واحد) قلتلهم ممكن يكون السبب بطارية بس مثلا او لوحة الكنترول ... قالولى فتيس و هيتكلف 16000 جنيه

دلوقتى انا قدمت شكوى ان ده عيوب تصنيع و مش الطبيعى ان عربية عاملة الصيانات بتاعتها و زيت الفتيس متغير فى ميعاده تجيب فتيس بعد 100000 كم و مستنى منهم رد

ارجو الافادة اعمل ايه مع منصور شيفروليه و هل فى حد حصل معاه نفس المشكلة و عمل ايه شكرا

[abo_salah]

السلام عليكم
نفس الموضوع حصل مع واحد قريبي كروز 2010
حصل معاه 3 مرات في الضمان وغيروا له الفتيس من غير مشاكل .. وكان ردهم طبعا ان ده عيب في العربيه للموديل ده .. وكان في العالم كله والتوكيلات المحترمه سحبت العربيات من السوق .. بس طبعا احنا في مصر ...
حصل معاه نفس الموضوع للمره الرابعه اما خرج من الضمان وكانوا عايزين منه 28 الف جنيه !!
طبعا عمل لهم مشكله كبيره جدا وخناقات كتيييييير جدا وفي الاخر قسموا البلد نصين ودفع 14 الف وصلحها بالرغم من العيب اللي فيها
وباعها بعد التصليحه الاخيره ...