اصلاح البطاريات التالفة عن تجربة

[kantoosh]

السلام عليكم ورحمة الله وبركاته
بدأ موسم تلف البطاريات وقررت اعرض عليكم تجربتى فى اعادة البطارية للحياة
اولا بالنسبه للبطارية السائلة
لو فيها ربع او اتنين او تعبت لاى سبب نعمل التالى قبل ما نقرر نغيرها وسيبك من اى حد يقولك مش هينفع مش هنخسر حاجه من التجربة
اول حاجه نفضى الميه من البطاريه وبعدين نجيب مياه مغليه ونفضيها فى كل العيون لحد الاخر وتسيبها لحد ما تبرد ونفضيها تانى ونكرر الموضوع ده 3 مرات والغرض اننا ندوب الاملاح المتكونة على الواح البطارية واللى بتكون السبب فى ضعف البطاريه فى اغلب الاحيان وبعد كده نفضيها تماما وبعدها نروح لبتاع بطاريات نملاها مياه بتاعة بطاريه من عنده ونشحن على التونجر شحن بطئ ونسيبها 4 ساعات وان شاء الله هتتفاجئ بالنتيجه
بالنسبة للجافه
الكل اجمع على انها ليس لها صيانه لكن اليك الطريقه
اغلب البطاريات الجافة يحدث فيها فرق بين الفولت والامبير وده يخليها تنور النور عادى ولكن تعتل مع المارش
والطريقه اننا نسيب الانوار شغاله لحد ما البطاريه تفضى تماما حتى ما تشغلش نور التابلوه وبعدها نشحنها شحن بطئ لمدة 4 ساعات على الاقل ونكررها مرتين حسب النتيجه وان شاء الله هتدعولى
ملحوظه : الطرق دى مجربه والحمد لله نجحت ولكن ممكن تنجح مع حد وما تنجحش مع التانى
الموضوع بس تكلفتة بسيطه جدا وممكن تغنينا عن شراء بطاريه ويا رب تنجح مع كل الناس وان شاء الله الكل هيدعيلى
وشكرا

[amr011111]

طيب بتعيش اد ايه بعد عمل الموضوع ده

[kantoosh]

هو فى العربيه القديمة عاشت اكتر من سنه وبعتها بيها ودى كانت سايلة والل معايا دلوقتى جافه ولسه عامل الموضوع قريب ومش عارف هتعيش قد ايه بس البطاريه اشتغلت تان بعدما كنت هشترى وفيه واحد قاللى النهارده بس لسه ما جربتش لكن هو وزمايلة جربوها وهو انى اشيل المسطرة اللىى فيها لمبة البيان بتاعة البطاريه الجافة واغير الميه اللى جواها وبيقول بتنفع مع البطاريات الضايعه وبتعيش كام شهر

[samihanwar]

فى الأول والأخر مشكور لنقل التجربه