اصوات مزعجة مش عارف سببها - كريستالة

[محمد الطويل]

بسم الله الرحمن الرحيم

عربيتي لانسر متعدلة ميراج , اوتوماتيك و موتور 1500 injection , دي اول عربية اشتريها و خبرتي ضعيفة جدا في صيانة العربيات و ما يتعلق بيها

المشكلة

في صوت زن كده اول مشغل الكونتاكت (لسه مشغلتش الموتور) , الصوت ده بيستمر بعد مشغل الموتور كمان و بيعمل زي ون او فووو ( مش قادر اوصف الصوت ) و مع دوس البنزين الصوت موجود برضو ( فووو و بعده الزنة مستمرة ) !!!

ملحوظة: الصوت ده مكنش موجود قبل كده (مش حاجة طبيعية يعني بالنسبة لي )
ملحوظة: غيرت زيت للعربية و حطيت 5000 , الزيت زايد شوية عن الشرطة التانية ( المفروض يتحطلها 3 لتر و ربع بس اتحطلها 3 لتر و نص و سألت الميكانيكي قال لي الزيادة دي مفيش منها مشاكل )

خدت العربية و رحت للعفشجي يتمم على العفشة و غير كذا حاجة كدا (الصوت مراحش)

رحت للميكانيكي و معايا طقم سيور اصلي و فلتر بنزين و بوجيهات (مكنتش اعرف ان المفروض اغير الحاجات دي لما اشتري عربية مستعملة) و قلتله على الصوت ده و قالي دي زنة طبيعية !!!
و انا متأكد انها مش طبيعية و مكانتش موجودة قبل كده

واحد قال لي ممكن من السماعات بس معتقدش

الاصوات دي موتراني و انا سايق العربية و مضايقاني جدا

الصوت موجود سواءا قافل الازاز او فاتحه !!!


رجاءا تفيدوني في الموضوع ده و جزاكم الله كل خير

[M.Elgergawy]

تعالى هنا

https://www.facebook.com/groups/lancer.egypt.1996.2000/

[محمد الطويل]

تعالى هنا
https://www.facebook.com/groups/lancer.egypt.1996.2000/

شكرا جزيلا على الرد , انا دخلت الجروب و هانزل المشكلة عليه ان شاء الله