الفلاتر

[eldeplomasy]

كان عندي استفسار بخصوص فلتر الهواء هل لازم اغيره كل 20000 كيلو ولا كفايه تنظيفه بالهواء وشكرا؟؟؟

[magdi mina]

فلتر الهواء .. لايزيد استعمالة عن 10000 كم مع تنظيفة مرتين اثناء التشحيم قبل تغييرة !! لانة رئة السيارة .. و بلدنا التراب فيها كتييييييييير !!!!!!

[eldeplomasy]

طيب يعنى الفلتر عندي ايدله سنتين من ساعة شراء العربية ومشيت بيه 45000 كيلو بس كنت بنظفه عند الميكانيكي من حين لاخر فهل اغيره ولا التنظيف كفايه؟؟؟

[Ahmad Allawy]

خلوا بالكم من حاجة مهمة.. كان احد الاخوة الافاضل اثاؤها هنا قبل كده علي المنتدي
الا وهي ان تنضيف الفلتؤ بالهوا بتاع الكومبريسور ولا المنفاخ ده غلط جدا.. عشان التراب ده بيبقي ناعم جدا.. و مع اي رطوبة.. مع الهوا ده بيلزق ف الفلتر و مش بيطلع.. و ده غلط..
التنضيف ميكونش غير بطريقة واحدة بس..
انك تمسك الفلتر ده و تنفضه كده تخبطه علي حاجة بحيث التراب اللي فيه ينزل بقدر الامكان.ز و تركبه تاني.. لكن الهوا ده بلاش منه خالص..

[eldeplomasy]

ألف شكر جدا على الملحوظة المهمة دي

يعنى افهم من كلام حضرتك انه لازم يتغير

[Ahmad Allawy]

هو يفضل انه يتغير فعلا.. و علي حسب انت قطعت ال20 الف كم دول في قد ايه وقت..
يعني انا مثلا.. في سنة باعمل 10 الا ف كم..يبقي هاغيره كل 10 عشان اكتر من كده هيبدأ يتوسخ..
و بعدين في حاجة.. اللي بيغيره بيبقي شايف.. لو مطين قوي.. هيغيره.. ولو شكله نضيف ممكن يسيبه لل20 او اقل شوية.. عادي يعني..

[eldeplomasy]

انا سايبه من سنتين ونص ومشيت بيه 45000 كيلو

يعنى مفيش امل لازم يتغير والتنظيف مش كفايه؟؟؟

[Ahmad Allawy]

لأ غيره افضل.. هيفرق معاك خالص ف العربية علي فكرة..
ان شاء الله..

[eldeplomasy]

هيفرق ازاي؟؟؟

[HAJHANY]

على فكره مره شيلت الفلتر خالص وقلت اجرب حيفرق ايه مالقيتش اى نتيجه نضفته ورجعته تانى

[Ahmad Allawy]

هيفرق ازاي.. هاقول لسعاتك..
انمت لما تكون بتجري و في مكان فيه تراب.. و التراب ده داخل في نفسك و انت بتنهج.. هتقدر تجري..؟؟لأ.. هتتخنق.. و مش هتبقي عارف تاخد نفسك.. او بمعني تاني هتبقي بتاخد نفس بس مش بترتوي من الهوا و الاكسجين.. صح..؟؟
نفس الوضع.. الهوا اللي داخل ده رايح فين..؟؟ داخل علي عملية الاحتراق..
لو الفلتر مسدود و مكتوم الهوا هيقل و الاحتراق مش هيبقي مظبوط عشان خليط الهوا و البنزين مش هيبقي ف الوضع المثالي ليه.. ولو مفيش فلتر اصلا. الهوا ده اللي داخل هيبقي فيه تراب و شوائب.. برضه هتأثر علي الاحتراق و مش هيبقي في افضل حالاته..
ممكن متحسش لو العربية واقفة او مشيت بيها مشوار صغير..لكن مع الوقت هتحس..

[eldeplomasy]

فعلا كلام مقنع جدا بس انا اقصد هل التنظيف يكفي ولا لازم انزل التوكيل اجيب واحد جديد؟؟؟

[Ahmad Allawy]

لأ يفضل تجيب واحد جديد..