إعـــــــلان

Collapse

.

,
See more
See less

العربية لسة زيرو

Collapse
X
 
  • Filter
  • الوقت
  • Show
Clear All
new posts

  • العربية لسة زيرو

    سلام عليكم
    انا مصري مغترب في الامارات (ابو ظبي) ولسة شاري عربية كيا سبورتاج موديل 2009 الحمدلله ربنا كرمني وطلعت الرخصة واشتريتها المهم العربية عاملة 600 كيلو بس بقالي يومين مركز اني ابص تحت العربية بلاقي نقط تحتيها بصراحة مستغرب جدا المهم تابعت الموضوع ده والنهاردة والعربية واقفة تحت الشغل لقيت برده النقط دي هي صحيح مش كتير لكن برده نقط
    المهم قلت اروح البنزينة اشوف ايه الحكاية الراجل نزل تحت العربية وانا نزلت معاه ما لقيتش اي حاجة مرشحة وهو كمان قالي كده
    طلعنا قسنا زيت الفتيس لقيناه مظبوط
    بصينا على زيت الموتور لقيناه على علامة L المهم زودناه والعربية اخدت كيلو ونص
    الراجل قالي ان العربية طبيعي انها تكون كده علشان لسة ما عملتش اول صيانة
    المهم مشيت من عنده وقصدت ما افتحش التكييف علشان اقدر احكم رحت عند البيت وركنت برده لقيت نقط بسيطة نازلة الموضوع ده محيرني جدا ومش لاقيله تفسير خصوصا اني نزلت تحت العربية وفعلا العربية من تحت نظيفة جدا من عند مكان الزيت سواء زيت الموتور اوزيت الفتيس
    صيانة الالف لسة فاضلها شوية 400 كيلو يعني تنصحوني بايه ويا ريت لو حد عنده تفسير يا جماعة واسف على الازعاج

  • #2
    - طبعا انت اتأكدت انها مش مياه سببها تشغيل التكييف
    - هل انت زودت لها مياه الردياتير عن علامة الحد الاقصى لانها ممكن بترمى الفائض من هذه المياه برة القربة
    إذا فاتك شيء فقد يذهب إلى غيرك ويحمل له السعادة
    فلتفرح لفرحه ولا تحزن على مافاتك
    فهل يعيد الحزن مافقدت؟

    Comment


    • #3
      روح للتوكيل طبعا ومش لازم تستنى لصيانة الالف كيلو ابدا لان ممكن العواقب تكون وخيمه وان شاء الله يطلع حاجه بسيطة جدا وابقى طمنا كان فيها ايه؟؟؟

      Comment


      • #4
        شكرا على اهتمام حضراتكم
        لا طبعا ما زودتش الردياتير خالص العربية لسة بقالها اسبوعين بس
        انا بصراحة الي محيرني ان العربية من تحت نضيفة اوي وما فيش اي رشح
        عموما هروح التوكيل ان شاء الله يوم السبت
        بس بصراحة قلقتوني هي العواقب ممكن تكون وخيمة ازاي يعني

        Comment


        • #5
          المشاركة الأصلية كتبت بواسطة noureymo مشاهدة المشاركة
          سلام عليكم
          انا مصري مغترب في الامارات (ابو ظبي) ولسة شاري عربية كيا سبورتاج موديل 2009 الحمدلله ربنا كرمني وطلعت الرخصة واشتريتها المهم العربية عاملة 600 كيلو بس بقالي يومين مركز اني ابص تحت العربية بلاقي نقط تحتيها بصراحة مستغرب جدا المهم تابعت الموضوع ده والنهاردة والعربية واقفة تحت الشغل لقيت برده النقط دي هي صحيح مش كتير لكن برده نقط
          المهم قلت اروح البنزينة اشوف ايه الحكاية الراجل نزل تحت العربية وانا نزلت معاه ما لقيتش اي حاجة مرشحة وهو كمان قالي كده
          طلعنا قسنا زيت الفتيس لقيناه مظبوط
          بصينا على زيت الموتور لقيناه على علامة L المهم زودناه والعربية اخدت كيلو ونص
          الراجل قالي ان العربية طبيعي انها تكون كده علشان لسة ما عملتش اول صيانة
          المهم مشيت من عنده وقصدت ما افتحش التكييف علشان اقدر احكم رحت عند البيت وركنت برده لقيت نقط بسيطة نازلة الموضوع ده محيرني جدا ومش لاقيله تفسير خصوصا اني نزلت تحت العربية وفعلا العربية من تحت نظيفة جدا من عند مكان الزيت سواء زيت الموتور اوزيت الفتيس
          صيانة الالف لسة فاضلها شوية 400 كيلو يعني تنصحوني بايه ويا ريت لو حد عنده تفسير يا جماعة واسف على الازعاج
          سلام عليكم
          النهاردة الصبح وانا نازل ببص تحت العربية ما لقيتش حاجة خالص
          المهم رحت الشغل وفي نص النهار كده تقريبا الساعة واحدة كنت تحت ورحت بصيت على العربية لقيت في نقط برده لسة بتنزل المهم زقيت العربي قدام شوية ووقفت حوالي 5 دقائق لقيت النقط القديمة نشفت ومالهاش اثر انا فكرت انه لو زيت هيسيب على الارض بقعة وبرده العربية بتنقط في المكان الجديد
          ركزت شوية يا شباب لقيت التنقيط مش تحت الموتور لقيته باين من عند نص العربية بالظبط وبعد الموتور على طول
          المهم طلعت كملت شغلي ونزلت تاني اخدتها البنزينة بتاعة امبارح ووقفتها عند مكان تغيير الزيت ونزلت تحتيها انا بنفسي وطبعا مش زي امبارح ببص تحت الموتور
          ببص في المكان الي قلتلكم عليه فوق (نص العربية)
          لقيت حتة خرطوم صغيرة اوي بتنزل مياه طبعا دي بتاعة التكييف
          بس السؤال دلوقتي العربية واقفة والتكييف مطفي المياه جاية منين
          لقيت اني عامل التكييف على الon على طول وبقفله من زرار المروحة المهم فكرت اني اقفله واجرب وابقى اشوف بكرة ان شاء الله
          ايه رايكم انا بصراحة مش عارف التفكير ده صح ولا غلط بس الاكيد اني شفت المياه نازلة بعيني من الخرطوم الصغير ده
          شكرا جزيلا واسف على الازعاج يا جماعة وجزاكم الله خيرا ان شاء الله

          Comment


          • #6
            وجرب واحنا في الانتظار ..

            Comment


            • #7
              تفكير سليم جدا بس غالبا دي ميه بعد ما تطفي المكيف بتبقى في ميه متكثفه غالبا هي بتنزل بقى وانت طافي

              وعموما لما تروح التوكيل اسألهم ومتطنش

              Comment

              Working...
              X