عكس سلوك البوجيهات

[szrateb]

سؤال لذوي الخبرة :
ما هي الفكرة في عكس سلوك البوجيهات لتنظيف كربراتير السيارة وما هي الطريقة الصحيحة لعمل ذلك وهل هذا فعلاً ينظف الكبراتير وهل له عيوب أو يؤثر على الموتور

[hazem_khidr]

الحركه دي اسمها بتعطس العربيه و دي بتغير سلوك البوجيهات التاني و التالت و معني كده انك بتخلف التقسيمه و بتغير توقيت الاشتعال بتاع البوجيهات وف بينتج من دا هو جامد شويه بيرجع للكرابيراتير من خلال البيكات ف لو في بيك مسدود ممكن يتسلك.
بس الحركه دي خطر علشان ممكن تكسر الصبابات . و اخطر اكتر لو كانت الكامه علويه و سير الكاتينه كاوتش .
لما تعملها تدوس للعربيه مرتين تلاه علي خفيف بحيث تسمع صوت الهوا بس لازم تكون حذر جدا.انا مش عارف اشرح تتعمل ازاي و نصيحه ما تحاولش احسن

[sab3aawy]

بلاش منها لأنها خطرة جدا، فكرتها هى تغيير توقيت الإشعال بحيث يحدث الإشعال والصباب مفتوح فيندفع المخلوط المنفجر من مدخل البنزين طاردا اى شوائب، لكنها خطرة جدا لانها ممكن تسبب اصابات بجسم المحرك او حروق لمن يتعامل مع المحرك

افضل طريقة لتنظيف الكاربراتير هى إما منظفات الكاربراتير او الفك والغسيل

[nabilaly]

هل لو متخصص عملها تبقى مفيدة يعنى بصراحه كل الكهربائية بيعملوها من باب انه بيعمل شغل انا مش فاهمه فهل حضراتكم تنصحوا بان نامر الصنايعى الا يقوم بهذا الفعل ام لا
شكرا لكم جميعا

[أبو_حمزة]

نصيحة خالصة بلاش
لو منظف الكاربراتير اللى بتحط على البنزين مش مجدى (يعنى الكربرتير وسخ قوى)
خلى الميكانيكى يفكهو يغسله بالتنر
ده أحسن حل والله أعلم

[hazem_khidr]

مافيش ميكانيكي او كهربائي بيعمل الحركه دي بيبقي اسهل له انه يفك البيك المسدود و ينضفه احسن و علشان تريح بالك و بيكاتك ما تنسدش فك التانك و اغسله في المشحمه و سيبه لحد ما ينشف و في نفس الوقت فك الكرابيراتير و خلي الميكانيكي ينضفه و غير فلتر البنزين و ان شاء الله مش حتعمل معاك كده و نصيحه ابقي حط بنزين قبل ما المؤشر ينزل لتحت علشان بيبدأ الموتور يسحب البنزين و الرواسب اللي في قاع التانك