مشكله الميه في القربه

[mohamedmh]

معايا فيرنا 2003 بلاحظ كل يومين الميه بتنقص في القربه بحوالي 6 سم تقريبا ياريت الافاده

[haithamhasan38]

عموما اية اخبار الحراره معاك
راجع على خرطرم القربة و الراجع
حاول تعمل دورة ريداتير كاملة .

[mohamedbook]

شيك على الريديتير تتلاقى تسريب

[Mecha]

لو المتور داير واقف كتير يبا طبيعي
يا اما غير غطا الردتير وخراطيم القربه , وفي الاخر توصل لوش

[Abo Yasmin]

معايا فيرنا 2003 بلاحظ كل يومين الميه بتنقص في القربه بحوالي 6 سم تقريبا ياريت الافاده

بص يا صاحبى النقص ده له أسباب كتيرة :

1- ممكن يكون فيه تسريب ميه من عند أى كاوتشة للميه وخصوصاً من ناحية الكوليه اللى ماسك فى الألمونيوم لأن الحتـة دى بالذات بتصدى أو تترسب فيها أملاح وعايزة إنه يتخلع الكاوتشة ويتنضف مكانها فى الألومنيا بفرشة سلك وبعدين يتحط شوية سليكون فلتو وتجيب كوليه كمان وتربط عليها جامد ويا حبـذا لو تعمل كـده فى كل الكاوتشات !

2- ممكن يكون النقص من طرمبة الميـه لأنها بتبوظ من الأملاح وبتصـدى من جـوة فالعربية وهى مبطلة تسرب ميه منها وأما تدور مفيش تسريب منها ! ودى حلها تغيير طرمبة الميـه

3- ممكن يكون من الرادياتير يا إمّـا عايز تسليك يا إمـّا فيه خرم صغير عايز يتلحم

4- ممكن يبقى غطـا الرادياتير هـو السبب لأنه مش محكوم كويس فبيطلع ميه منه أما العربية تكون دايرة وسخنة

5- ممكن يبقى العيب من جوان وش السلندر وده ليه أعراض معروفة تلاقى العربية بتنفـخ من الرادياتير ولو بصيت على زيت الموتور بتلاقى فيه ميـه ( عامل زى الطحينة بالضبط ) وده لازم يتعمل فوراً

6- لو كانت كهربة العربية عالية شوية ( الأر بى إم أكتر من 1 ) فالعربية بتسخن وتضغط على غطا الرادياتير وتطلع ميـه منه ! ودى حلها بسيط إن الحساسات تتنضف باسبراى أو تتغير لو التنضيف معملش حاجة معاها

** وفى كـل الأحـوال لازم حضرتك تحط ميـه خضرا أو ميـه تكييف وبلاش الميـه العادية عشان الأملاح بتاعتها بتعمل مشاكل على المدى المتوسط

تحيــــاتى لك

[mohamedmh]

جزاكم الله الف خيييييييييير احبابي
بس الفكره اني كنت مغير طرمبه ميه قريب وغيرت بعديها رشاشات لن كان واحد زميلي راكب العربيه وبيقولي ان الميه وقعت من العربيه كلها مره واحده والعربيه سخنت وبعدها غير طرمبه ميه ولقيت العربيه سحبها وحش روحت للميكانيكي قالي دي رشاشات غيرتها وبعدها لاحظت ان الميه بتنقص بس بمعدل بسيط وده اللى قلقني

[مصطفى-حسن]

كخطوة صحيحة وعشان الاجتهادات ممكن توصلنا لنتائج غير ايجايبة

اكبس دورة المية عشان تعرف التسريب منين بكل دقة