(ارجو المساعدة!)افضل سوفت وير و وصلة obd2

[overtheocean]

السلام عليكم

لو سمحت اريد ان اعرف ما هو افضل سوفت وير و adapter وصلة obd2 تعمل علي معظم انواع العربيات في مصر

انا بحثت في جوجل وجدت سوفت وير اسمه "obdautodoctor" بيشتغل علي ويندوز واندرويد بس بيحتاج انك تشتريله adapter من نوع elm327 ولما بحثت عنه لاقيت فيه منه انواع كتير!!

رابط موقع Obdautodoctor هو http://www.obdautodoctor.com

فأنا عايز نصيحة بخصوص الحوار ده هل البرامج اللي زي دي كويسة ولا فيه حاجات تانية احسن؟
انا عايز حاجة سعرها قليل وتشتغل علي الويندوز ووصلة obd2 مش هتفرق معايا سواء كانت usb او bluetooth لاني بستخدم لابتوب في الفحص

ياريت محدش يحطلي الاجهزة الغالية زي لانش واوتل لاني مش ناوي اشتري حاجة منهم.

شكرااااااا

[م/أحمد عبد الفتاح]

Elm 327 بلوتوث بتتباع على سوق بحوالى من ٢٠٠ الى ٣٠٠ جنيه وبينزل سوفت وير اندرويد بيشتغل على التليفون اسمه torque pro بحوالى ٣٠ جنيه وده يعتبر من احسن السوفت وير الخاص بال obd2 وفيه منه نسخة مجانية مش بنفس امكانيات النسخة اللى بفلوس وبينزل تحديث ببلاش كل فترة لتزويد الامكانيات

[overtheocean]

الف شكر,, بس برنامج torque pro في نسخة منه للويندوز؟ انا مش عايز اعتمادي يبقي علي الاندرويد بس!

[م/أحمد عبد الفتاح]

برنامج torque pro اعتقد انه نازل اندرويد بس لانه حتى مش بينفع مع الايفون بتاع ابل - وده ابليكشن للموبايل الاندرويد وبيديلك فرصة للتشغيل وانت ماشى بالعربية ومعلق الموبايل قدامك لان فيه ساعات حاجات بتتطلب انك تمشى بالعربية زى مثلاً اختبارات السرعة من صفر الى ١٠٠كم / ساعة وممكن تسيب الموبايل والبرنامج شغال يعمل مراقبة للعربية من حيث مثلاً درجات حرارة المية والزيت وبتختار العدادات اللى انت عاوز تشوفها وانت ماشى - اعتقد انه بيدى مرونة اكتر فى الاستخدام عن اللابتوب

[overtheocean]

اولا شكرا يا بشمهندس أحمد علي المساعدة :)
ثانيا انا عايز اعرف رأيك في استخدام البرامج اللي زي دي في فحص الاعطال هل البرامج دي تغني عن الاجهزة اللي في السوق زي لانش و اوتل؟ اقصد هل اقدر اشتغل بيها شغل احترافي ولا دي بس للهواة؟ علما انني مهندس ميكانيكا سيارات بس شغلي كله كان في الالماني بالتحديد الvag عن طريق سوفت وير اسمه vcds بس انا عايز اتوسع في نظام كشف الاعطال واغطي عربيات اكثر فأنا عايز رأيك في المسألة دي؟

[م/أحمد عبد الفتاح]

البرنامج ده من احسن البرامج اللى بتعمل scan او diagnose للاعطال اللى بتتسجل على كمبيوتر العربية وبالتالى يقدر يديلك الhistory بتاع اى عطل متسجل وهو فى بدايته كان بعمل موضوع ال scan العادى للاعطال اللى بتتسجل على الكمبيوتر وبعدين اتطور بقى بيقدر يعمل clear ويطفى اللمبة بتاعة ال check engine وبقى بينزل ليه plug in تكمل شغله وتوسع وظايفه بدرجه مرعبة لدرجة انه بيقدر فى بعض العربيات يدخل يجيب الحاجات ال pids زى مثلاً حساب الهورس باور والعزم وزمن التسارع من صفر ل ١٠٠ كم/ ساعة مثلاً - انا باستعمله على عربيتى من حوالى سنة بس اتعرضت لعطل معرفش يجيبه زى لمبة الايرباج كانت بتنور وتطفى ومش بتنور لمبة ال check engine بس ده عطل مش بييجى بسكان عادى فيه جهاز مخصوص تانى بس مش فاكر اسمه بيقدر يجيب الاعطال اللى مش بتنور لمبة ال check engine بس مع ال updates اللى عملتها له وال plug in's معرفش اذا كان بقى بيقدر يجيب الاعطال دى لانى الحمدلله معنديش حاجه بتنور :)
بس هو بيتطور بسرعة جداً فى الخباسة :) واعتقد قريب حيبقى احترافى لدرجه كبيرة .
بالنسبة للبرامج اللى بتخل على سوفت وير الكمبيوتر بتاع العربية وتعمل سوفت وير جديد بنفس جودة السوفت وير الاصلى بتاع العربية واللى بيبقى سر حربى مش موجود غير فى الشركة الام او مراكز الصيانة - فيه دلوقتى كمبيوتر وبرنامج اسمه hi- tech بيقدر يدخل على كمبيوتر العربية وينزل برنامج جديد متطور وده طبعاً بيبقى فى الdata base بتاعة البرنامج حسب موديل وماركة العربية - فيه ناس كتير برة مصر بقت بتلعب اللعبة دى وبتقدر تحسن اداء العربية زى مثلاً عندك مشكلة بتاعة تكبير مقاس العجل بتاع العربية طبعاً لو كبرت مقاس العجل السرعة والمسافة بتوع العربية مش بيبقوا مظبوطين وطبعاً مافيش مركز صيانة حيرضى يدخل يلعب فى السوفت وير الاصلى بتاع العربية علشان يعاير العجل الجديد ويخلى المسافة والسرعة يتقروا صح - البرنامج ده قدر يعمل كده دلوقتى فى بعض العربيات وهو كمان بيتطور بدرجه كبيرة - فلو حضرتك غاوى لعبة السوفت وير يبقى تدور على حاجه زى كده ولو غاوى موضوع ال scan بس لعربيتك وعربيات اصدقائك وبرضه حتتعلم حاجات كتير فال torque هايل للاستخدام الشخصى والتعليمى - ولاغنى عن ال scan العادى بتاع العربيات زى ال vag على المستوى الاحترافى - بس لو فضل برنامج torque يتطور بنفس المعدل والوظايف اعتقد مافيش اى scan حيقف قصاده خصوصاً لو الشركات بتاعة انتاج ال scan فضلت نايمة من حيث التطور والاسعار .
ده رأيى المتواضع واتمنى اكون جاوبت على سؤالك وتحت امرك فى اى استفسار