كاربراتير ----لانسر كريستالة

[black eagle86]

السلام عليكم يا رجالة

بجد ربنا يكرمكم على كم المعلومات اللي الواحد بيستفيد منكم بيه

انا عربيتهاتي لانسر 99 مانوال - كاربراتير

جت من فترة بقت تقطع وتبطل اثناء المشاوير
فكيت البوجيهات لقيتها متفحمة جاااامد
قمت جبت سبراي الكاربراتير ونظفته وغيرت البوجيهات
مشيت معايا 60 كيلو وقطعت بردو
رحت لميكانيكي قاللي دي مشكلة كاربراتير
فكيته ووديتو عند ورشة ابراهيم كاربراتيراللي في شارع الترعة
اخد مني 180 جنية وقاللي كدة تماااام وتم غمل اللازم

مشيت معايا حوالي 50 كيلو
وبدأت كل ما ادورها كل يوم الصبح ( او لما تكون باردة ) تقطع جاااامد وتعمل مدافع ودخنة سودا من الشكمان وال rpm بيكون عند 0.6
اعد اسخن فيها كتير ومش بتتظبط الا لما امشي بيها تقريبا 4 او 5 كيلو
بعد كدة ال rpm يطلع ل 1 او 1.2 ومفيش دخان اسود ولا تقطيع
بتاكل بنزين جامد يعني ال صفيحة بتعمل معايا حوالي 150 كيلو

المهم رحت ورشة همام في صقر قريش
كشف وقاللي لازم كاربراتير يتغير لان التشوك بايظ ومالوش حل والكاربراتير رجع يهبب البوجيهات تاني

وهو عامل 1000 جنيه استيراد من عنده في الورشة

ياترى ايه رايكم اغيرو ولا في حد يصلح الكلام ده مع العلم انه قاللي ان ورشة ابراهيم دي ممتازة وهو طالما باظ كدة بعد ما خرج من عند عم ابراهيم يبقى كدة لازم يتغير

طيب وبردو هو السعر كده كتير ولا هو غالي كده؟؟

ساعدوني يا رجالة الله يخليكم

[black eagle86]

محدش عندو حل يا رجالة؟

[ahmed_eng2001]

متابع معاك

[black eagle86]

متابع معاك

يا مسهل

[lada2010]

بص همام كويس هو جانبى فى صقر زفت اللى الورش خانقنا فيها تسمع راى روح لابراهيم وقول لة كالاتى البوجيهات مهبابة على طول واستهلاك البنزين عالى وانت لسة 180 ج وهو يشوف فية اية ويعملوا حرام تدفع الف جنية فى كاربريتر لاتكسل نفسك وروح لابراهيم بدام واخد فلوس تاخد خدمة

[black eagle86]

تمام ربنا يسهل
طيب وبصفة عامة هو سعر الكربرتير اصلا بيبقى في حدود كام؟

[Ahmed Tarek 00]

متابع

[black eagle86]

السلام عليكم

استاذ lada2010
احييك بصراحة تحية كبيرة جدا

انا عملت فكرتك والحمد لله
رحت لابراهيم وظبطلي الكاربراتير فعلا وكان انا عندي كذا مشكلة

1- دورة المياه مسدودة (دخول وخروج خراطيم مياه في الكاربراتير) ودة اللي كان فاصل السخان وفي نفس الوقت كان مسمار السخان مفتوح وده السبب اللي بيخليها تتبرجل الصبح

2- مسامير الهوا والبنزين طبعا كانوا مفتوحين علشان كدة كان بياكل بنزين ويهبب البوجيهات

هو قاللي كده والله اعلم :D
انا لسة اهو بجرب العربية والحمد لله صوتها هدي جدا بس لسه معرفش بقى استهلاك البنزين

انا بقى بصراحة مش عارف اللي اسمو همام ده قاللي الكاربراتير بايظ ليه!!!!!!

ما علينا انا بردو عندس شوية استفسارات:

1- الشكمان عندي بقى زي الطييييييين من كتر الهباب, هل فيه امل ينضف لوحدو ولا ليه طريقة؟ لان واحد جاري قاللي هتعد تطلع بواقي دخنة سودا فترة
2- اغير البوجيهات المهببة ولا طالما مقطعتش اسيبها ولا هي هتنضف لوحدها؟؟

شكرا

[lada2010]

السلام عليكم

استاذ lada2010
احييك بصراحة تحية كبيرة جدا

انا عملت فكرتك والحمد لله
رحت لابراهيم وظبطلي الكاربراتير فعلا وكان انا عندي كذا مشكلة

1- دورة المياه مسدودة (دخول وخروج خراطيم مياه في الكاربراتير) ودة اللي كان فاصل السخان وفي نفس الوقت كان مسمار السخان مفتوح وده السبب اللي بيخليها تتبرجل الصبح

2- مسامير الهوا والبنزين طبعا كانوا مفتوحين علشان كدة كان بياكل بنزين ويهبب البوجيهات

هو قاللي كده والله اعلم :d
انا لسة اهو بجرب العربية والحمد لله صوتها هدي جدا بس لسه معرفش بقى استهلاك البنزين

انا بقى بصراحة مش عارف اللي اسمو همام ده قاللي الكاربراتير بايظ ليه!!!!!!

ما علينا انا بردو عندس شوية استفسارات:

1- الشكمان عندي بقى زي الطييييييين من كتر الهباب, هل فيه امل ينضف لوحدو ولا ليه طريقة؟ لان واحد جاري قاللي هتعد تطلع بواقي دخنة سودا فترة
2- اغير البوجيهات المهببة ولا طالما مقطعتش اسيبها ولا هي هتنضف لوحدها؟؟

شكرا

اى خدمة وبلاش تمشوا وراء الميكانيكى فى كل شى بدام دافع فلوس تاخد بها خدمة

[black eagle86]

طيب بالنسبة للسخان

انا بدور العربية الصبح وهي باردة ال rpm بيكون عند 0.8
المفروض يبقى على كام؟

وهل لو ظبطت مسمار السخان لازم اظبط معاه مسامير تانية ولا هو بيتظبط لوحدو؟

[lada2010]

بص يا باشا الكرباريتر عندك بيكون فية بيكات كهرباء البيكات دى لو مش شغالة هيفضل rpm ينزل ويطلع اكشف على البيكات شغالة ولا لا

[black eagle86]

بص يا باشا الكرباريتر عندك بيكون فية بيكات كهرباء البيكات دى لو مش شغالة هيفضل rpm ينزل ويطلع اكشف على البيكات شغالة ولا لا

تمام يا باشا الله ينور معلومة جامدة بس ده مش بيحصل معايا الحمد لله،

تعالى اقوللك تاني كده المشاكل الحالية

انا الكربراتير الحمد لله يعتبر اتظبط بعد ما مشيت من عند ابراهيم
السخان اتظبط وبقى يرفع ال rpm لغاية 1.4 ولما العربية تسخن ينزل ل 0.8

في مشكلتين دلوقتي

1- دخنة سودا الصبح اثناء التسخين فقط وريحة بنزين ني وبتروح لما امشي بالعربية
2- كنت مشغل الكشافات العالية والمروحة اشتغلت وكنت مشغل الانتظار, ال rpm نزل بقى 0.6
طفيت الكشافات العالية والانتظار ال rpm اتعدل

هل ده طبيعي ولا اية اللي ممكن اعملو ؟

[lada2010]

تمام يا باشا الله ينور معلومة جامدة بس ده مش بيحصل معايا الحمد لله،

تعالى اقوللك تاني كده المشاكل الحالية

انا الكربراتير الحمد لله يعتبر اتظبط بعد ما مشيت من عند ابراهيم
السخان اتظبط وبقى يرفع ال rpm لغاية 1.4 ولما العربية تسخن ينزل ل 0.8

في مشكلتين دلوقتي

1- دخنة سودا الصبح اثناء التسخين فقط وريحة بنزين ني وبتروح لما امشي بالعربية
2- كنت مشغل الكشافات العالية والمروحة اشتغلت وكنت مشغل الانتظار, ال rpm نزل بقى 0.6
طفيت الكشافات العالية والانتظار ال rpm اتعدل

هل ده طبيعي ولا اية اللي ممكن اعملو ؟

ما تكشف على الشحن بتاع الدينامو لان لو عندك الشحن مش مضبوط يعمل الحاجات دى والدخنة السوداء سببها عدم ضبط الهواء