سؤال بحصوص الفرامل

[amro1965]

السلام عليكم ورحمه الله وبركاته
بالنسبه للفرامل فى حاله الضغط على الفرامل بحس ان الفرامل بتعمل للاطارات الامامية فقط عكس الخلفية لان ياتى مع الضغط زحف للاطارات الامامية فقط
هل هو الاطارات الخلقية لا يوصلها زيت فرامل بسبب ان بها هواء
ام لقم الفرامل الخلفيه تختاج تغيير
ولكم جزيل الشكر

[مصطفى-حسن]

لو الفرامل الخلفية عندك طبل او قباقيب يبقى محتاج تعمل رجلاش ليها بس

لكن لو سكاكين يبقى حاجة من تلاتة
1 - التيل خلص
2 - محتاجة يتاخد لها هوا
3 - سدد او مشكلة سواء فى المواسير او فى الماستر اللى عند العجل

[amro1965]

بالنسبه لاحذ الهواء هل هو للعجل الخلفى فقط ام لكل العجل
لانى ان شاء الله سوف اذهب للصيانه الفرامل
فبحب اكون فاهم امام الميكانيكى لانه الغالب من الميكانيكية ساعات بيقتوى
شكرا اخى العزيز
وجزاك الله خيرا

[مصطفى-حسن]

الاول اوصفلة المشكلة لانى مش عارف عربيتك قباقيب ولا سكاكين

ولما ييجى يشتغل قولة عاوز اخد هوا للاربع فرد

[amro1965]

للاسف معرفش معنى كلمه قباقيب وسكاكين
اللى اعرفه عربيتى ريجاتا نوفا جر امامى
برجاء التفسير من باب العلم به
وشكر لحسن تعاونك معى

[Mecha]

فرامل سكاكين



فرامل قباقيب وطنبور

[amro1965]

شكرا اخى العزيز على التوضيح