مشكلة رعشة في العربية كلها

[l@ncer]

السلام عليكم ورحمة الله وبركاتة

شباب انا معايا عربية chevrolet venture موديل 2002 6 سلندر 3400 سي سي

بترعش جامد لما ادوس بنزين علي سرعه بدءاً من 60 ومخنوقة وبتفتف ومابتجريش زي الاول ومع الرعشة دي لمبة ال check engine بتفضل تنور وتطفي ... الرعشة جامده تحس ان العربية فيها زلزال .... حبيت اقرص عليها شوية اشوف ايه هايحصل ..... لاقيت ريحه جاية من الماتور زي ريحه الكاوتش المحروق .... تفتكروا العطل ممكن يكون ايه قبل ماروح لميكانيكية ويبدأ فيلم الاشتغالات ... لان الدنيا هنا في السعودية حوارات مع الصنايعية

ملحوظات ..

العربية مابتبطلش مني اطلاقا
العربية وهي واقفة علي الي N او ال P مافيش رجة بتاتا حتي لو دوست بنزين
العربية بتبقي افضل حالا وهي بارده اول مادورها واطلع الاقيها كويسة الي حد ما

وشكرا مقدما

[amr_naser]

ألعربية دى معاك فى مصر ولا السعودية وانت قاعد فى ااى مدينة

[l@ncer]

ألعربية دى معاك فى مصر ولا السعودية وانت قاعد فى ااى مدينة

في السعودية ياباشا ... في حفر الباطن ... والميكانيكيا هنا في المدينة دي تعبانين علي الاخر

[amr_naser]

للاسف يا باشا المكاين الكبيرة دى معقدة ومقرفة وشيفى والامريكى معروف انه من اسوأ ما يكون وما يتركب الا وهو جديد عشان كدة بتلاقية رخيص جدا مستعمل
عموما حتروح تعمل حاجة اسمها تصفية ماكينة وتغير بواجى وفلتر هوا وكدة واعتقد ان تصليح عربيتك دى ممكن يدخل فى الف ريال ولا حاجة ربنا يعينك وانصحك تشوف ميكانيكى تركي او فلبينى وابعد ان ابو يمن والسوريين والمصريين

[Abo_Mazen]

هي العربيه لو مانيوال كنت قلتلك ديسك وإسطوانه ..بس متهيألي في الأتو فيه حاجه إسمها كلاتشات ..دي تعتبر هي الديسك والإسطوانه بتوع الأتو ..وخصوصا ريحة الشياط اللي بتقول عليها دي ..خلي بالك من إختلاف الألفاظ والمسميات هنا في مصر عن السعوديه ..ديسك وإسطوانه هنا في مصر ..في السعوديه إسمهم إيه ؟؟؟....كلاتشات هنا في مصر ...في السعوديه إسمهم إيه؟؟؟

[l@ncer]

للاسف يا باشا المكاين الكبيرة دى معقدة ومقرفة وشيفى والامريكى معروف انه من اسوأ ما يكون وما يتركب الا وهو جديد عشان كدة بتلاقية رخيص جدا مستعمل
عموما حتروح تعمل حاجة اسمها تصفية ماكينة وتغير بواجى وفلتر هوا وكدة واعتقد ان تصليح عربيتك دى ممكن يدخل فى الف ريال ولا حاجة ربنا يعينك وانصحك تشوف ميكانيكى تركي او فلبينى وابعد ان ابو يمن والسوريين والمصريين

كلامك مظبوط ياباشا الامريكي معقد ومقرف ... هو ركوبة وجري اه بس دي الضريبة ... وفعلا انا هاغير فلاتر وبواجي كده كده لاني مغيرتهومش بقالي كتير

[l@ncer]

هي العربيه لو مانيوال كنت قلتلك ديسك وإسطوانه ..بس متهيألي في الأتو فيه حاجه إسمها كلاتشات ..دي تعتبر هي الديسك والإسطوانه بتوع الأتو ..وخصوصا ريحة الشياط اللي بتقول عليها دي ..خلي بالك من إختلاف الألفاظ والمسميات هنا في مصر عن السعوديه ..ديسك وإسطوانه هنا في مصر ..في السعوديه إسمهم إيه ؟؟؟....كلاتشات هنا في مصر ...في السعوديه إسمهم إيه؟؟؟

الله ينور عليك ... انا تفكيري راح في حاجتين دي واحده منهم

والحاجه التانيه مش عارف هي ايه بالظبط بس تبع الفتيس ... الحاجه اللي رابطه بين الفتيس والماتور

لاني لو شلت رجلي من علي البنزين العربية بتبقي مشي ولا احلي

[Abo_Mazen]

الله ينور عليك ... انا تفكيري راح في حاجتين دي واحده منهم

والحاجه التانيه مش عارف هي ايه بالظبط بس تبع الفتيس ... الحاجه اللي رابطه بين الفتيس والماتور

لاني لو شلت رجلي من علي البنزين العربية بتبقي مشي ولا احلي

ما هي الحاجه اللي بين الفتيس والموتور في العربيات المانيوال ..الديسك والإسطوانه ..وفي العربيات الأتوماتيك ..الكلاتشات ..

[l@ncer]

ما هي الحاجه اللي بين الفتيس والموتور في العربيات المانيوال ..الديسك والإسطوانه ..وفي العربيات الأتوماتيك ..الكلاتشات ..

تسلم ياباشا .... ربنا يقويني بقي علي الهم

[amr_naser]

ما هي الحاجه اللي بين الفتيس والموتور في العربيات المانيوال ..الديسك والإسطوانه ..وفي العربيات الأتوماتيك ..الكلاتشات ..

لا اعتقد ان العيب يكون من دا
لكن ممكن تكشف على زيت الجير ولو وحش غيرة هو والفلتر
لكن الحوار اللى بتتكلموا فية توضيب جير قليل لما يحصل ومكلف جدا تصليحة بس عموما انت متعملش حاجة من دماغك روح لمكانيكى واتنين واسمع تشخيصهم وبعد كدة اتخذ قرارك وربنا معاك وبالنسبة للقوة يا معلم هى الكابرس وبس حاجة كدة 6400 سى سى ماشيين على الاررض وفى النهاية كلها عربية تيت وزبالة بسبب اعطالها

[Mecha]

شيك ع الفتيس مبدئيا

[l@ncer]

لا اعتقد ان العيب يكون من دا
لكن ممكن تكشف على زيت الجير ولو وحش غيرة هو والفلتر
لكن الحوار اللى بتتكلموا فية توضيب جير قليل لما يحصل ومكلف جدا تصليحة بس عموما انت متعملش حاجة من دماغك روح لمكانيكى واتنين واسمع تشخيصهم وبعد كدة اتخذ قرارك وربنا معاك وبالنسبة للقوة يا معلم هى الكابرس وبس حاجة كدة 6400 سى سى ماشيين على الاررض وفى النهاية كلها عربية تيت وزبالة بسبب اعطالها

الزيوت باخد بالي منها علي طول

وربنا ييسر مع الميكانيكيه

[Abo_Mazen]

المشكلة إن فيه ريحة شياط مع ا لحرق على العربيه والمشكلة دي ظاهره ..هو الزيت ممكن يعمل ريحة شياط لو حرق على العربيه أثناء الرجرجه دي ؟؟؟؟؟؟؟

[l@ncer]

المشكلة إن فيه ريحة شياط مع ا لحرق على العربيه والمشكلة دي ظاهره ..هو الزيت ممكن يعمل ريحة شياط لو حرق على العربيه أثناء الرجرجه دي ؟؟؟؟؟؟؟

انا مش شاكك في الزيوت لاني مهتم بالتشييك عليها ... وزيت الموتور باغيره كل 3000 كم

[Abo_Mazen]

انا مش شاكك في الزيوت لاني مهتم بالتشييك عليها ... وزيت الموتور باغيره كل 3000 كم

يا سيدي ما أنا عارف إن إنت معندكش مشكلة في الزيوت ..أنا برد على اللي بيقولوا شيك على الزيت ..أنا خلاص ..شكوكي كلها بقت حوالين الكلاتشات