الموتور كده خفيف ولا ايه

[mido2016]

السلام عليكم ورحمه الله
اعضاء المنتدى الكرام
عندى مشكله فى الشاهين وياريت الى يعرف يشخصها يقولى
دلوقتى انا كنت من كام يوم عند الميكانيكى فالميكانيكى بيقولى المكنه خفيفه عشان خرطوم الفايظ بيطلع دخنه خفيفه جدا
انا كنت لسه مغير فلتر وزيت وحطيت الجركن كله بس لما تبص عالمقاس تلاقى الزيت فوق المكس بكتير
قولتله قالى طالما جركن يبقى المقاس بيهيس بصراحه مش عارف بيهيس ازاى
الحمد لله الزيت عندى مش بينقص
بس ساعات بحس العربيه متبرجله ودخنه جامده طالعه من الجكمان لونها ابيض وساعات مفيش حاجه خالص والسحب كويس ومفيش مشكله فى المطالع هل كده فعلا الموتور خفيف ولا ايه انا بصراحه شاكك فى البوجيهات لان لما بدور الصبح بحثس ان العربيه متلته لحدماتسخن وبعد كده زى ميكون فيه بوجيه كان فاصل واشتغل وهو بيقولى عايز تظبت تاكيهات ايه رايكم

[Abo_Mazen]

هي الشاهين معروف عنها ..ودي معلومة متوارثه عبر الأجيال ..إن هي بتاخد 4 كيلو زيت بالفلتر ..طبعا حضرتك بتقول إنك فضيت الجركن وكنت مغير فلتر ..يعني كده المفروض مفيش زيت زيادة ..يبقى كده في إحتمالين ..إما إن المقاس بيهيس ..ودي ممكن تعرفها إنك توقف العربية على أرض مستوية وتقيس الزيت بعد إغلاق المحرك بربع ساعة ..أو في إحتمال تاني ..إن اللي فضى الزيت اللي قبل ده مفضاش الزيت كله ..وده ممكن يكون بسبب إن العربيه وقت غيار الزيت مكانتش واقفه على أرض مستوية مثلا..وحط أربعه كيلو على نص كيلو مثلا كانوا في المكنه ما نزلوش .. ..يبقى هتلاقي عندك في زيت زيادة في المكنه ..طبعا لو فيه زيت زيادة في المكنه يبقى ربنا يستر على كاوتش الصباب عندك ..لإن ممكن يكون هو ده اللي عاملك الدخنه اللي طالعه من الشكمان ..طيب والحل ؟؟..الحل في الخسارة القريبه ولا المكسب البعيد ..الحل وده في حالة إنك إتأكدت إن فيه زيت زيادة ..وده هتتأكد منه لما تقيس الزيت بالطريقه اللي قلتلك عليها ...إنك توقف العربيه على أرض متساوية وتنزل الزيت كله وتحط تلاتة كيلو ونص زيت من أول وجديد..مع عدم تغيير الفلتر لإن الفلتر لسه جديد

[mido2016]

هي الشاهين معروف عنها ..ودي معلومة متوارثه عبر الأجيال ..إن هي بتاخد 4 كيلو زيت بالفلتر ..طبعا حضرتك بتقول إنك فضيت الجركن وكنت مغير فلتر ..يعني كده المفروض مفيش زيت زيادة ..يبقى كده في إحتمالين ..إما إن المقاس بيهيس ..ودي ممكن تعرفها إنك توقف العربية على أرض مستوية وتقيس الزيت بعد إغلاق المحرك بربع ساعة ..أو في إحتمال تاني ..إن اللي فضى الزيت اللي قبل ده مفضاش الزيت كله ..وده ممكن يكون بسبب إن العربيه وقت غيار الزيت مكانتش واقفه على أرض مستوية مثلا..وحط أربعه كيلو على نص كيلو مثلا كانوا في المكنه ما نزلوش .. ..يبقى هتلاقي عندك في زيت زيادة في المكنه ..طبعا لو فيه زيت زيادة في المكنه يبقى ربنا يستر على كاوتش الصباب عندك ..لإن ممكن يكون هو ده اللي عاملك الدخنه اللي طالعه من الشكمان ..طيب والحل ؟؟..الحل في الخسارة القريبه ولا المكسب البعيد ..الحل وده في حالة إنك إتأكدت إن فيه زيت زيادة ..وده هتتأكد منه لما تقيس الزيت بالطريقه اللي قلتلك عليها ...إنك توقف العربيه على أرض متساوية وتنزل الزيت كله وتحط تلاتة كيلو ونص زيت من أول وجديد..مع عدم تغيير الفلتر لإن الفلتر لسه جديد

شكرا عالرد يا باشا بس انا علطول بغير زيت عند نفس الشخص باستمرار وطبعا العربيه مش بتكون مايله وكذلك عند قياس الزيت باختار مكان ميكونش مايل
بس انا كده اغير المقاس واتاكد احسن

[م أحمد]

السحب فى المطالع متوقف على الديسك و الاسطوانة اولا و ضبط الكهرباء ثانيا بالاضافة لحالة الموتور
لو فى دخان خفيف جدا من الفايظ الحق الموتور و هو فى اوله و اعمل طقم شنبر قبل ما العملية تزيد و تخش فى كرنك و سباءك
مع العلم و على وصفك ان حالة الموتور معاك تمشيك اكتر من 5 سنين !!!!.....قبل العمرة الكاملة

[mido2016]

السحب فى المطالع متوقف على الديسك و الاسطوانة اولا و ضبط الكهرباء ثانيا بالاضافة لحالة الموتور
لو فى دخان خفيف جدا من الفايظ الحق الموتور و هو فى اوله و اعمل طقم شنبر قبل ما العملية تزيد و تخش فى كرنك و سباءك
مع العلم و على وصفك ان حالة الموتور معاك تمشيك اكتر من 5 سنين !!!!.....قبل العمرة الكاملة

حضرتك تقصد تمشينى 5 سنين لو عملتها طقم شنبر ولا على حالتها كده مع العلم هى اعربيه كنت شاريها من سنتين وصاحبها كان لسه عامل للموتور عمره وبعدين انا خايف احل الموتور الاقى نفسى دخلت فى عمره كامله والعمليه مش مستحمله خالص بصراحه ولا ده مش وارد ومعلش سؤال اخير الموضوع يكلف كام تقريبا ووقت اد ايه

وشكرا ليك مقدما

[Mecha]

كدا المكنه تمام ,شوف طقم الكهربا

[mido2016]

كدا المكنه تمام ,شوف طقم الكهربا

مشكور يا باشا حجرب اغير طقمالكهرباء لانى مغيرتهوش من زمان