مشكله عويصه لم يتسطيع مراكز الخدمه حلها

[m.aligamal]

السلام عليكم ورحمه الله
ساذكر مشكلتى بالتفصيل بعدما زهقت من اللف على الميكانيكيه والكهربائيه ومراكز الصيانه المعتمده
اولا سيارتى بروتون واجا 2006 وموتورها هو ذاته موتور لانسر بومه 1600 سى سى
المشكله باختصار يا ساده
الار بى ام بيهرتل وانت ماشى بطىء تلاقى العربيه بترجرج وببتبطل كتير جدا وتشم رائحه غير طبيعه بشعه مش رائحه بنزين نى لا رائحه صعبه مقرفه مع العلم ان البنزين 92 وتلاقى الشكمان ورا بيرجرج والعادم خارج متقطع -بيتفتف-
كثر من الزملاء قالوا مشكله ايدل وفعلا غيرت الايدل مرتين ونفس المشكله تلاقيها وبتظهر اكتر مع اى حمل للسياره يعنى لو مشغل التكيف تبطل على طول او النور العالى وتلاقى وش الموتور بيرجرج
طبعا فى مشكله عويصه فى الدواره الصيح العربيه بتدور من اول مره انما لازم اسندها بدزسه بنزين مستمره وطبعا معرفش احركها الا لما الحراره توصل للنصف تقريبا ومع ذلك بتبطل
العربيه سحبها مش بطال على السرعات يعنى 130 عادى لكن بحس انها تقيله فى الاستجابه فى الاول
امبارح غيرت البطاريه ببطاريه جديده ونفس المشكله حصلت برضه بس الى بدلت معاه البطاريه بيشتكى ان العربيه بتاعته برضه كانها هتبطل يعنى حاسس ان عربيته مش مظبوطه من البطاريه بتاعتى
حساس التى بى اس لما بشيله والعربيه شغاله ودايره بحس انها بتهدى شويه والاقى لمبه الكمبيوتر نورت فى التابلوه اوصل فيشه الحساس الاقى الكمبيوتر طفى
طبعا العربيه صيبنتها فى الغد توكيل بروتون فى المنصوره وعصام وصفا فى النزهه الجديده ومحدش وصل لحاجه مازالت الرجرجه وتبطيل السياره على السرعات المنحضفه والدواره الصيح لابد من تسخين العربيه الى النصف تقريبا ورائحه عادم سيئه مغير طبعا البوجيهات 10 مرات ومنضف البوابه ومغير الفلتر الهوا و البنزين
مش عارف ايه المشكله ومن ايه وايه الحل
ارجوكم زهقت وتعبت

[m.aligamal]

??????

[ali ashraf]

مجارى البنزين

الموضوع شكله مش كهربا و احتمال فى وساخة فى تنك البنزيز او المواسير الخاصة بتنك البنزين ؟؟؟

[m.aligamal]

معلش ياباشا التنك نضيف مش عارف اعمل ايه تانى

[ali ashraf]

الرائحة القبيحة

لازم تفسير للرائحة القبيحة اللى حضرتك بتقول عليها و علشان تحصل يبقى لازم حاجة بتختلط بوقود البنزين علشان يعمل الرائحة دى....ده مجرد اجتهاد بس ممكن تفكر من الناحية دى يمكن تصل لحل ....فى حاجة تانية بتحترق مع البنزين علشان يطلع رائحة غير معتادة....و ربنا يوفقك لحل المشكلة دى و ابقى قلنا علشان تعم الفائدة

[monamize4]

كشفت عليها بالكمبيوتر ?

[m.aligamal]

الكمبيوتر مش مسجل اخطاء والتوكيل قالى غير الايدل وغيرته بالفعل ومازالت نفس المشكله

[m.aligamal]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[فتح الباب]

اما ان الحريق يتم فى غير موعده والمسئول عن دورة الحريق موزع الشرز اى الكهرباء فهذا سبب كافى للعطل هذه مشكله مشتركه بين الميكانيكى والكهربائى من حيث ضبط تقسيمة الكهرباء ولو فتحت كتالوك العربيه هتعرف لوحدك اصلا كيفية التقسيمه الصحيحه كما قال مصنع السياره عندك بقى حاجات فرعيه تانيه كتير مثلا بوجيه فاصل يعنى البستك بتاعه ما بحرقش وده يسبب الرائحه التى ذكرتها بنزين نى لكن مش معنى ان البستم ما بيحرقش يبقى مش بياخد مشواره هو بياخد مشواره عادى خالص بحكم الميكانيكا المتصله لكن بما انه لا يحرق فهو طالع نازل على الفاضى وبكده نكون فقدنا جزء من عزم المحرك عندك البوابه ممكن تنظفها كويس مش تنفخها بالهوا تجيب التراب الخارجى بالداخل لكن اتبع اسلوب مختلف ادق بعض الشئ وربنا يحل مشكلتك ان شاء الله

[m.aligamal]

يعنى ايه تقسيمه الكهرباء ياباشا
انا كنت غيرت طرمبه البنزين بعد م قطعت هل تغير موتور الطرمبه ممكن يؤثر على الار بى ام

[m.aligamal]

اخيرا حليت مشكلتى
ببساطه التكيهات محتاجه ضبط الميكانيكى كشف عليها وقالى محمله زياده جدا وظبطها والحمد لله ظبطت
بس كل الى مش فاهمه ازاى التكيهات تعمل ده كله

[ali ashraf]

مبروك

اخيرا حليت مشكلتى
ببساطه التكيهات محتاجه ضبط الميكانيكى كشف عليها وقالى محمله زياده جدا وظبطها والحمد لله ظبطت
بس كل الى مش فاهمه ازاى التكيهات تعمل ده كله

مبروك, كل مشكلة و لها حلال , بس موضوع ضبط التكيهات ضيع الرائحة الغريبة اللى حضرتك قلت عليها؟ و الميكانيكى دور شوية على عيب و لا عالطول عرف ان دى التكيهات ؟

[m.aligamal]

على طول والله العربيه مخدتش نص ساعه ضيط