تنظيف دورة البنزين لعربيتي عامله ٢٠٠٠ كيلو

[dr.oun]

السلام عليكم
انا عندي مشكله
من ٤ ايام تقريبا حطيت بنزين من توتال و تقريبا البنزين زي الزفت
العربيه بقي فيها صوت نحره كده مع دواسة البنزين
روحت التوكيل نضفلي الرشاشات باسبراي كده
الصوت اختفي بس مجرد ما مشيت ١٠ كيلو تقريبا علي باقي التانك الصوت بدأ يرجع
حطيت ١٠ لتر ٩٥ بس الصوت لسه موجود بس اقل و العربيه حاسسها مخنوقه
العربيه شارك ٢٠١٥

[Abo_Mazen]

إعمل تفويلة 95 وإطلع بيها على طريق مفتوح وإحرق شوية في الغيارات ..معلش هي مكلفه قويييي ..بس انا شايف إن ده هيبقى علاج ..يعني كأنه دوا وسعره غالي شويه

[dr.oun]

ده هيحل الموضوع تماما
و لا هلبس في ٣٠٠ جنيه بنزين و في الاخر الاقي الصوت موجود :)
هتحسر ساعتها

[Abo_Mazen]

ده هيحل الموضوع تماما
و لا هلبس في ٣٠٠ جنيه بنزين و في الاخر الاقي الصوت موجود :)
هتحسر ساعتها

مش حضرتك قولت حطيت 10 لتر بنزين 95 ضبط الموضوع معاك شويه ..؟؟؟

فأنا قلت بناء على تجربة حضرتك في وضع 10 لتر حط تانك كامل ..وبعدين هات منظف رشاشات يكون نوع نضيف ..زي إبرو مثلا ..وتحطه على التفويله وتطلع على طريق مفتوح وتحرق شويه ..وبإذن الله هتلاقي الموضوع ده إتحسن وراح لوحده

[dr.oun]

تمام يا باشا
معلش العربيه زيرو فانا قلقت بس الله يسامحهم بقي بنزين زباله
سؤال اخير هل الموضوع ده ليه تأثير علي العربيه يبوظ حاجه مثلا ؟!

[Abo_Mazen]

تمام يا باشا
معلش العربيه زيرو فانا قلقت بس الله يسامحهم بقي بنزين زباله
سؤال اخير هل الموضوع ده ليه تأثير علي العربيه يبوظ حاجه مثلا ؟!

بإذن الله ما يعملش حاجه

[SHERBINII]

حضرتك أدامك حل من اتنين يا تجيب منظف stp للدورة بحوالي 80 جنيه وتعمل مشوار كويس يا اما حضرتك تروح التوكيل يسحب البنزين وينضفلك التنك والرشاشات تاني

[م أحمد]

ما تعملش حاجة خالص

تمشى بالبنزين اللى انت ماشى بيه و ما تمونش من البنزينة دى تانى و فىى اقرب وقت تزود 92 من اى بنزينة محترمة

وواضح ان العربية ما فيهاش حساس طرق بيضبط الاشعال فى الحالات اللى زى دى

[dr.oun]

هي العربيه مش بتكركر و لا فيها صوت غريب
انا اللي وداني بتسمع اقل حاجه في العربيه
فلما بدوس علي البنزين بسمع زي صوت خروشه كده خفيف عشان اسمعه وقفت التكييف و الكاسيت
بس انا من النوع المحسوك في العربيه

[tasaka]

نسبه الاوكتان فى البنزين ليس لها اى علاقه بجوده البنزين ..

نسبه الاوكتان علشان تأخير لاشتعال الذاتى للوقود نتيجه الانضغاط فى البستم ( يعنى اشتعال بدون حدوث شراره البوجيه ) ..

الاوكتان 95 هو للموتور الذى انضغاط البستم فيه 1:11 .. و ال 92 هو للموتور الذى انضغاط البستم فيه 1:10

[dr.oun]

طيب يعني اعمل ايه في المشكله اللي عندي دي :)

[Abo_Mazen]

طيب يعني اعمل ايه في المشكله اللي عندي دي :)

ياباشا منظف دورة وقود مش هيخسرك حاجه

[م أحمد]

نسبه الاوكتان فى البنزين ليس لها اى علاقه بجوده البنزين ..

نسبه الاوكتان علشان تأخير لاشتعال الذاتى للوقود نتيجه الانضغاط فى البستم ( يعنى اشتعال بدون حدوث شراره البوجيه ) ..

الاوكتان 95 هو للموتور الذى انضغاط البستم فيه 1:11 .. و ال 92 هو للموتور الذى انضغاط البستم فيه 1:10

إزاى ؟

بنزين 80 لو اتحط فى مكنة 92 يبقى حطيت بنزين غير جيد

و هى نسبة الاوكتان ايه اساسا غير نسب شوائب فى سلسلة التقطير؟ يعنى مؤشر جودة اساسا

دا بخلاف لو غشيت البنزين باى مواد و دا مفيش خلاف عليه

[tasaka]

إزاى ؟

بنزين 80 لو اتحط فى مكنة 92 يبقى حطيت بنزين غير جيد

و هى نسبة الاوكتان ايه اساسا غير نسب شوائب فى سلسلة التقطير؟ يعنى مؤشر جودة اساسا

دا بخلاف لو غشيت البنزين باى مواد و دا مفيش خلاف عليه

الانضغاط يولد حراره .. اذا وصلت الحراره لدرجه اشعال الوقود يشتعل ذاتيا .. و بذلك لن تستطيع تنظيم توقيت الاشعال

و لهذا السبب يوضع الاوكتان لعدم حدوث هذا .. و بالتالى الوقود لن يشتعل ذاتيا .. بل سيشتعل فقط عند انطلاق الشراره

و هذا هو سبب ان لكل سياره توصيه باوكتان معين .. و هو يتناسب مع نسبه انضغاط البستم

[tasaka]

طيب يعني اعمل ايه في المشكله اللي عندي دي :)

ممكن تجرب الحل ده .. بشرط انك تكون متأكد ان البنزين موش مغشوش ببنزين 80

ما تعملش حاجة خالص

تمشى بالبنزين اللى انت ماشى بيه و ما تمونش من البنزينة دى تانى و فىى اقرب وقت تزود 92 من اى بنزينة محترمة

وواضح ان العربية ما فيهاش حساس طرق بيضبط الاشعال فى الحالات اللى زى دى

البنزين 80 بيبوظ علبه البيئه .. و ممكن كمان احتمال يؤثر على حساس الاكسجين

البنزين 80 به رصاص .. هذا الرصاص لا يتم معالجته فى علبه البيئه .. و ايضا لا يمكن تنظيف علبه البيئه بمشوار طويل مع حرق مثلا ( مثلما نفعل مع الزيت فى الشكمان ) .. السبب ان الرصاص درجه ذوبانه عاليه و بالتالى سيترسب على علبه البيئه و سيظل هنال مما يمنع علبه البيئه من تأديه وظيفتها و ممكن كمان يكتمها

اذا كنت متأكد انه بنزين 80 مخلوط على 92 .. يبقى الحل .. هو زى ما بيقول كتالوج اى عربيه .. اذهب للتوكيل فورا بدون مشى على العربيه .. و طبعا ها يشتغلوا عليك جامد

او انك تفضى البنزين ده من العربيه بطريقه ما ( اذا كان هذا ممكن ) .. ليس لدى اى علم كيف ممكن ان يتم ذلك .. و هل هو ممكن ام لا