عملت حادثه و عاوز ميكانيكى رينو

[eng_mmm2004]

السلام عليكم
انا عملت حادثه من يومين ب الكليو و بدور على ميكانيكى رينو كويس و امين علشان انا روحت لواحد قاللى حتتكلف اكتر من 20 الف و انا حاسس ان الموضوع اقل من كده بكتير خصوصا ان شكل العربيه من بره ميقولش كده خالص لان حتى مفيش ولا فانوس مكسور بس هى الخبطه من وسط العربيه بظبط من تحت
ارجو الافاده بسرعه

[shoudy2005]

ديه مش شغلة ميكانيكى روح اى بنزينة اعمل كشف على الشاسيه ساعات كتير الشاسيه بيتضرر لكن مبيبنش على شكل العربية و متخفش الأضرار بسيطه طالامها العربية متكبستش لجوه

[Samir Elshahawy]

أولا الف حمد لله علي سلامتك

1- تقدر تروح فرنش موتورز اللي في أحمد عصمت بجوار نادي الشمس و هناك هايرفعوا العربية و يكشفوا عليها و يقولوا لك اللي فيها و هايتكلف كام

2- ممكن تروح اي محطة بنزين و ترفع العربية و تكشف عليها و تحدد اذا كان في اضرار من تحت و لا لا

3- لو احتجت ورش سمكرة ممكن تروح الحرفيين أو صقر قريش في الحي العاشر