العربية ما بتدورش !!!

[حسام فتحي]

الأخوة الأفاضل،

نيسان اكس تريل ، غيرت زيت اليوم قبل الفطار وكله تمام، الآن بأدور ما بتدورش. الصوت في آخره زي الماس و الكاسيت عمل reset و طلب الكود بتاعه. البطارية شكلها مش السبب. اي نصائح علشان أعرف أدور او حتي اعرف العيب فين؟ طبعا احنا قبل العيد بيوم يعني كله زحمة و مشغول و ما حدش عايز يسيب ورشته. انا اسكن بالرحال لوحدك يعرف ورشة ممكن تساعد. شكراً لكم.

[mohamed-ahlawy]

انا حصلت معايا نفس المشكلة النهاردة
بس العربية مكانتش بتعمل اي اصوات خالص
و مكانتش بتفتح ولا تكة حتي
و في الآخر طلع عيب بطارية
فشوف حكاية البطارية لو مش كدة شوف بقي الناس هتقولك اية لاني مليش في الحاجات دية
انا بس كنت بحكيلك عن تجربتي

[Mecha]

اكيد عكوا حاجه وقت تغيير الزيت ,عربيه حلوه حلوه ,ايا كان راجع الزيت والميه والقواطيش بمفتاح اربطهم وجرب .ان مدارتش اديها لقطه من عربيه تانيه.دارت حلو خدها مشوار ع السريع لشحن البطاريه .ممكن سبت انوار او كاسيت قايد. طل طله علي سير الدينامو بردك.

[حسام فتحي]

غيرت بطارية

غيرت البطارية و العربية دارت و كله تمام، للاسف موضوع البطارية ده لازم يكون "إذ فجأةً" ما فيش مقدمات خالص .. شكراً للاهتمام والرد.

[Mecha]

مظنيش بطاريه فجاة ,ممكن سبت انوار ,انما جبت بطاريه منين

[حسام فتحي]

من محل في الرحاب و لا اظن ان كان في اي انوار لاني كنت ماشي بالنهار. مش اول مرة تحصل معايا لكن في عربيّات تانية، أدور ما تقومش و تكون البطارية ليها سنتين ونصف و زيادة

[Abo_Mazen]

غيرت البطارية و العربية دارت و كله تمام، للاسف موضوع البطارية ده لازم يكون "إذ فجأةً" ما فيش مقدمات خالص .. شكراً للاهتمام والرد.

البطاريه الجافة بتلعب الدنيئة فجأة وبدون أي مفاجأت ..حصلت معايا مرتين في عربيتين مختلفتين ...وفي الحالتين البطاريه كانت جافه