ماذا تفعل لو كنت مكاني ..؟؟؟بس ما البسش المبلغ ده

[Abo_Mazen]

بداية كده ..العربية سوزوكي التو 2008 ..تلاتة سلندر ..800 سي سي
محتار حيرة السنين ..وقلت أدردش معاكو هنا شوية ..لإن أكيد ..في حد هيكون عنده الرأي السليم ..أو على أقل تقدير ..هاخد برأي الأغلبية

بدون الدخول في تفاصيل ..أنا العربية عندي بتدخل زيت على المياه ..يعني بلاقي في الريداتير طحينة ..أنا شاريها كده وربنا ما يسامح اللي باعها لي وهي كده ..وغيرتلها جوان وش سلندر ومسحت الوش ..ورجعت عملت طحينه تاني ..وغيرتلها جوان تاني وعملت طحينه برضه ..وبعدين حطيت ليها جوانين ونفس القصه السخيفه ..طحينه في الريداتير ..فخلاص ...أنا وصلت لمرحلة إن في مشكلة في وش السلندر نفسه ..أو ..و (أو) دي مهمة قوي لإن أنا عامل الموضوع ده بسبب (أو) دي ..(أو) ..في مشكلة في البلوك ..

دلوقتي وش السلندر إستعمال عامل في حدود 2800 جنيه كامل ..ينزل شويه في السعر ..وسعر المكنه كامله بالضفيره بالكنترول وأربعه سلندر مش تلاتة و 1100 سي سي مش 800 سي سي عامله 7000 جنيه

أنا بقول لو جبت وش سلندر إستعمال وركبته ولميت الموضوع في 2800 جنيه ..وخصوصا إن أنا يدوب هغير وش السلندر وهبيعها لإن هي كده خلاص جابت آخرها معايا ..هكون كده لميت الموضوع في مبلغ قريب ..وخصوصا إن الحاله المادية ما يعلم بيها إلا ربنا ..مش عايز أفصل فيها ...وربنا يغنينا بالحلال

بس المشكلة بقى لو طلع المشكلة من البلوك مش من الوش بس ..يبقى أنا ساعتها بقى لبست كده في 2800 جنيه ..وما أستفدش حاجه

الموتور اللي عندي ده مفيش ليه شورت بلوك إستعمال ..اللي موجود إستعمال الموتور كامل ..أو الوش كامل ..وكل حاجه ليها سعرها زي ما قلت ..

السؤال بقى بالله عليكم ..أي حد مكاني هيعمل إيه ؟؟

هيركب وش ويشوف كده الموضوع هيمشي إزاي ويلم الموضوع في 2800 جنيه ..وخصوصا إني كل ما أسال حد يقولي ..صعب قوي إن يكون المشكلة في البلوك ..بس اللي بيقول صعب قوي تبقى المشكلة في البلوك ما بيقولش ليه صعب

ولا أجيب مكنه كامله من أولها لأخرها ..مع إني مش حابب أصلا حوارات تسقيط المكن وبعدين تضبيط المكنه على العربية وبعدين تتابع بقى المكنه عشان تشوف كويسه ولا وحشه ..ده غير الجري في المرور عشان تثبتها ..يختيييييييي...موال ...


بصراحه مش عارف ..أنا عن نفسي عايز ألمها في فلوس قليلة ..وربنا عالم إني هستلف الفلوس دي أصلا ..بس في نفس الوقت (أو) اللي أنا قلتها فوق دي مخوفاني قوي ..إن يعني تطلع المشكلة في البلوك مش في الهيد بس ..

حد يقدر يفيدني ويدلي بدلوه في أمري ..لعل وعسى يهديني الله إلى الحل السليم

[Adnfalcon]

موضوع محير فعلا .. بس الصراحه انك تغير موتور كامل دا حوار متعب و صعب جداااا غير انه هيكلفك أكتر
غير وش سلندر وبيع العربيه مباشره احتمال كبير يكون العيب فيه

[micromoud]

انت سألت عند مين من التجار الاستيراد؟

[rotanamasoud]

اولا هل بعد كل جوان فكيت الرداتير ودوره التبريد بالكامل ونضفتها لان ممكن الطحينه دى بواقى
ثانيا اخبار السخونيه ايه بتسخن طبيعى ولا جامد لان ممكن ده اللى بيخليها تضرب جوان
ثالث افضل حسبه لو حتبيع اخصم 3000-4000 جنيه من المبلغ المحدد وبيع على كده واللى يشترى يقرر يعمل ايه يغير وش او يسقط مكنه براحته

[graffittiii]

باشا مستحيل يكون وش السلندر بالسعر ده ..
دا غالي جدا إزاي كده ؟ ... ده سعر موتور أصلا .. لازم تسأل عند ناس تانيه .

بس موضوع تكرار المشكلة كذا مره ده هو اللي مش مفهوم.
عادة مشكلة الطحينة بتنتهي بـ تغير الجوان ومسح الوش .. وأحيانا مش بتحتاج غير تغير الجوان بس.
مش عارف أقولك إيه بصراحه .

[Abo_Mazen]

موضوع محير فعلا .. بس الصراحه انك تغير موتور كامل دا حوار متعب و صعب جداااا غير انه هيكلفك أكتر
غير وش سلندر وبيع العربيه مباشره احتمال كبير يكون العيب فيه

معلش حضرتك كده قلقتني اكتر

ليه حوار متعب وصعب؟؟

التاجر اللي انا هشتري منه هو اللي هيسقط المكنه..والسعر اللي قالي عليه ده يشمل مصنعية التسقيط وهياخد كمان المكنه القديمه بتاعتي

وبعدين حضرتك بتقولي غير الوش احتمال يكون العيب منه هو بس مش من البلوك ..طيب لو الاحتمال اللي بتقول عليه ده ما اتحققش ..يبقى انا كده دفعت بتاع ٢٨٠٠ جنيه ولسه المشكله ما اتحلتش ومش عغرف ابيع برضه

[Abo_Mazen]

انت سألت عند مين من التجار الاستيراد؟

سألت مبدأيا كده عند محمد يوسف ..عندنا في اسكندريه ..بما اني من اسكندريه

وسألت عند ميدو الكنج في احمد حلمي في القاهره

وسألت عند هاني هاشم في التوفيقيه

معدل السعر الوش كامل استعمال من ٢٥٠٠ الى ٢٨٠٠

[Abo_Mazen]

باشا مستحيل يكون وش السلندر بالسعر ده ..
دا غالي جدا إزاي كده ؟ ... ده سعر موتور أصلا .. لازم تسأل عند ناس تانيه .

بس موضوع تكرار المشكلة كذا مره ده هو اللي مش مفهوم.
عادة مشكلة الطحينة بتنتهي بـ تغير الجوان ومسح الوش .. وأحيانا مش بتحتاج غير تغير الجوان بس.
مش عارف أقولك إيه بصراحه .

يا باش ما انا عارف بيني وبين نفسي ان في مشكله اما في الوش او في البلوك ..وانا سالت عند كذا تاجر مش تاجر واحد بس

[mazen56]

بداية كده ..العربية سوزوكي التو 2008 ..تلاتة سلندر ..800 سي سي
محتار حيرة السنين ..وقلت أدردش معاكو هنا شوية ..لإن أكيد ..في حد هيكون عنده الرأي السليم ..أو على أقل تقدير ..هاخد برأي الأغلبية

بدون الدخول في تفاصيل ..أنا العربية عندي بتدخل زيت على المياه ..يعني بلاقي في الريداتير طحينة ..أنا شاريها كده وربنا ما يسامح اللي باعها لي وهي كده ..وغيرتلها جوان وش سلندر ومسحت الوش ..ورجعت عملت طحينه تاني ..وغيرتلها جوان تاني وعملت طحينه برضه ..وبعدين حطيت ليها جوانين ونفس القصه السخيفه ..طحينه في الريداتير ..فخلاص ...أنا وصلت لمرحلة إن في مشكلة في وش السلندر نفسه ..أو ..و (أو) دي مهمة قوي لإن أنا عامل الموضوع ده بسبب (أو) دي ..(أو) ..في مشكلة في البلوك ..

دلوقتي وش السلندر إستعمال عامل في حدود 2800 جنيه كامل ..ينزل شويه في السعر ..وسعر المكنه كامله بالضفيره بالكنترول وأربعه سلندر مش تلاتة و 1100 سي سي مش 800 سي سي عامله 7000 جنيه

أنا بقول لو جبت وش سلندر إستعمال وركبته ولميت الموضوع في 2800 جنيه ..وخصوصا إن أنا يدوب هغير وش السلندر وهبيعها لإن هي كده خلاص جابت آخرها معايا ..هكون كده لميت الموضوع في مبلغ قريب ..وخصوصا إن الحاله المادية ما يعلم بيها إلا ربنا ..مش عايز أفصل فيها ...وربنا يغنينا بالحلال

بس المشكلة بقى لو طلع المشكلة من البلوك مش من الوش بس ..يبقى أنا ساعتها بقى لبست كده في 2800 جنيه ..وما أستفدش حاجه

الموتور اللي عندي ده مفيش ليه شورت بلوك إستعمال ..اللي موجود إستعمال الموتور كامل ..أو الوش كامل ..وكل حاجه ليها سعرها زي ما قلت ..

السؤال بقى بالله عليكم ..أي حد مكاني هيعمل إيه ؟؟

هيركب وش ويشوف كده الموضوع هيمشي إزاي ويلم الموضوع في 2800 جنيه ..وخصوصا إني كل ما أسال حد يقولي ..صعب قوي إن يكون المشكلة في البلوك ..بس اللي بيقول صعب قوي تبقى المشكلة في البلوك ما بيقولش ليه صعب

ولا أجيب مكنه كامله من أولها لأخرها ..مع إني مش حابب أصلا حوارات تسقيط المكن وبعدين تضبيط المكنه على العربية وبعدين تتابع بقى المكنه عشان تشوف كويسه ولا وحشه ..ده غير الجري في المرور عشان تثبتها ..يختيييييييي...موال ...


بصراحه مش عارف ..أنا عن نفسي عايز ألمها في فلوس قليلة ..وربنا عالم إني هستلف الفلوس دي أصلا ..بس في نفس الوقت (أو) اللي أنا قلتها فوق دي مخوفاني قوي ..إن يعني تطلع المشكلة في البلوك مش في الهيد بس ..

حد يقدر يفيدني ويدلي بدلوه في أمري ..لعل وعسى يهديني الله إلى الحل السليم

طيب في حل تاني وده رآيي الشخصي كدة في الغالب العيب في البلوك علشان حضرتك بتقول إنك خرط الوش طيب الحل إنك تخرط البلوك وده هيكون أوفر من كل الحلول اللمقترحة
بمعنى تاني أن التكلفة هتكون جوانات و طقم شنبر علشان هتفك البلوك والمصنعية وشوية مصاريف مثل زيت وفلتر زيت ممكن تلاقي أولسيل عايز يتغير و في الغالب كل المصاريف مش هتجيب 700- 800 جنيها
بذلك أنت عملت السيارة بأقل التكاليف

[M.Gomaa]

انا مع الرآي إنك تبيع علي كده و اللي ياخدها يتصرف زي ما هو عايز، وتريح انت دماغك و توفر مجهودك، في بعض المشاكل بتبدي بحلها علي انها هتتكلف مبلغ بسيط او اي كان المبلغ بعد كده بتلاقي لاقدر الله لسه في توابع و مابتكنش عامل حسابك عليها، فانت توكل علي الله وبعها علي عيبها وربنا ان شاء الله يعوضك بعربية احسن منها.

[micromoud]

بيع

[Abo_Mazen]

يا جماعه خيار البيع على الحال اللي هي فيه ده معناه اني بخسر فيها كتيييير جدا ...لإن مفيش ركيب هيرضى ياخد عربيه فيها شغل بالشكل ده غير لو تاجر ..وتاجر يعني هيخسف بسعرها تحت الارض اساسا

[Abo_Mazen]

طيب في حل تاني وده رآيي الشخصي كدة في الغالب العيب في البلوك علشان حضرتك بتقول إنك خرط الوش طيب الحل إنك تخرط البلوك وده هيكون أوفر من كل الحلول اللمقترحة
بمعنى تاني أن التكلفة هتكون جوانات و طقم شنبر علشان هتفك البلوك والمصنعية وشوية مصاريف مثل زيت وفلتر زيت ممكن تلاقي أولسيل عايز يتغير و في الغالب كل المصاريف مش هتجيب 700- 800 جنيها
بذلك أنت عملت السيارة بأقل التكاليف

ياباشا حضرتك لما قلت العيب عندك في البلوك كنت متوقع انك هتقول في شرخ في البلوك مش في الوش ..متهيألي البلوك ميقفعش ..صعب قوي حكاية ان البلوك إقفع ..لكن الخوف ان يكون البلوك فيه شرخ وهو ده اللي بيخلي الزيت يخلط مع المياه

[rotanamasoud]

يا جماعه خيار البيع على الحال اللي هي فيه ده معناه اني بخسر فيها كتيييير جدا ...لإن مفيش ركيب هيرضى ياخد عربيه فيها شغل بالشكل ده غير لو تاجر ..وتاجر يعني هيخسف بسعرها تحت الارض اساسا

مش كل الناس يعنى انا لما بدور على عربيه بحب اوى الاقى عربيه متور رايح واخصم تمنه واجيب واحد لمزاجى

[Abo_Mazen]

مش كل الناس يعنى انا لما بدور على عربيه بحب اوى الاقى عربيه متور رايح واخصم تمنه واجيب واحد لمزاجى

طيب وانا الاقي واحد زي حضرتك كده فاهم منين؟


طيب انا بصراحه كان عندي رأي وعايز اعرضه عليكم


انا ممكن اسقط مكنه واثبتها على الرخصه واعرضها للبيع بسعر كويس ...رزقها جه واتباعت ..كان بها ..رزقها مجاش ومتباعتش ..يبقى خليها ..وفي النهايه انا استفدت في كلا الحالتين ..بعت ..يبقى بعت بسعر حلو ..قعدتلي ومتباعتش ..يبقى استفدت بمكنه سعه لتريه اكبر من اللي فيها ..

مع ان ربنا عالم انا هزنق نفسي ازاي عشان احقق خيار تسقيط المكنه ده

وبكده برضه يبقى بعدت عن احتمال اني اغير الوش بالشئ الفلاني ويطلع العيب في الاخر من البلوك .

ايه رايكو؟؟