ممكن تفيدوني في تنظف الراديتير

[besho_sadhom]

يا جماعه عاوز اروح انضف الرادتير بتاع العربيه انا لسه جديد في العربيات
ممكن حد يفديني ايه وانا عند الراجل اساله عملته وايه اخبار الجزء المعين دة
وايه اهم حاجه تتنضف وبتبقي في حدود كام
العربيه ١٢٧

[besho_sadhom]

يا جماعه يغني ٣٠ شخص دخلوا ومحدش فدني بحاجه واحدة شكرا ليكوا

[اسامه نور الدي]

بص اول حاجه هيقولك الصنايعي الردياتير دا عايز يتغير ديه استمبه واحده م الاخر و يقولك لو اتفك هيبوظ لان مصلحته ف رداياتير جديد كبيره فشوف واحد امين وقوله يسلكوهالك مش غسيل خرطوم ميه وخلاص ولو قالك مينفعش فيه غسيل اطلع علي اي بنزينه فيها جهاز غسيل ردياتير موبيل او شل ودا بيجيب نتيجه كويسه برضه اهم حاجه خد بالك من اشتغالات الصنايعيه

[salama_ahmad]

بص يا باشا انا غسلتها رادياتير مرتين قبل كدة وكنت جايب سائل التبريد معايا من كارفور ب 20 جنيه الجركن اول ما بتروح تسئل الصنايعى هيقولك الغسيل ب 20 أو 30 جنيه على حسب المكان

[besho_sadhom]

شكرا ليكوا بس 20 او 30 دة رخيص اوى
انا سالت قالولى 50
و 60

[م أحمد]

أختلف مع الاخوة الاعضاء اللى قالو ما تغيروش

لو صنايعى امين قالك تغيره غيره و بيبان من الحالة الخارجية عليه بدون صنايعى حتى

المبرد (الراديراتير) الجديد تماما مع وصلات مياه (الكاوتشات) جديدة تماما ايضا بتقضى على نسبة كبيرة جدا من أعطال المحرك فى العربية القديمة و تمشى بمشيئة الله مطمئن البال اكتر من صاحب عربية موديل الفينات مهمل فى صيانتها

المبرد الجديد مع استبدال قديم يعمل حوالى 400 جنيه مع الكاوتشات كلها قول 500 جنيه و اشترى راحة بالك و مش كل شوية 50 ..60 جنيه تنظيف و كدا كدا هترجع تغيره بعد فترة

نيجى للاهم من المبرد و هو غطاء المبرد

جرب اكتر من غطا لغاية لما تلاقى نوع هيمنع البخر بصورة كبيرة جدا و تلاقى المياه بتنقص من القربة و ليس المبرد !!!!

[besho_sadhom]

انا روحت لواحد قالي هنضفهولك وهو راكب حط
جواة ميه نار وشغل العربيه وزود جامد شويه والميه فارت وطلعت التراب والميه الي مش نضيه ودخل الخرطوم الميه في الردادتير وفضل مشغل الميه شويه
وفي الاخر ربط الخرطوم الي فوق في الراديتير وقالي مش محتلج يتفك
بس حاسس انه مش فاهم خد ٢٠ ج بس
وبيقولي حط ميه خضرا كل فترة حط حبه وزود ميه عاديه عادي
حد يقولي دة اضحك عليا ولا ايه

[besho_sadhom]

اة هو قالي غير الغطا مصدى والسوسته بايظه

[م أحمد]

بس حاسس انه مش فاهم خد ٢٠ ج بس
ه

هو لازم ياخد 200 جنيه علشان يبقى فاهم !!!

[besho_sadhom]

يغني كدة عمل خاجه ونضفه انا لسه بتعلم جديد وبفهم بس مش اكتر

[l@ncer]

بص ياباشا انا هاقولك علي حاجة جربتها هنا في السعودية ومعرفش بيعملوها في مصر ولا لا .... حاجة هنا بيسموها تسييخ .... الراجل بيفك الردياتير ويفك اللزق اللي علي جوانب الردياتير ويجيب سيخ طويل سمكة صغير بحيث يخش في كل مواسير الردياتير وينضف ويصنفر الردياتير من جوه .... وبعد كده بيغسل الردياتير غسله حلوة بالمياه والصابون وبعدها يشطفه وبعدين بيلزق الجوانب تاني بمادة حرارية وخلاص الردياتير بقي زي الفل ..... نصيحتي بقي ليك بص علي الردياتير من برة كمان قبل ماتصلحه عموما وشوف الريش الرفيعه لو سليمه بس معوجة شوية زي بتاعة التكيف المنزلي كده اعدلها الاول قبل الغسيل بمفك صغير .... لو متاكله غير الردياتير فورا .... لان الريش دي مسؤلة عن طرد الحرارة من الردياتير