سخونة مفاجئة للشاهين عن ســرعة 160كم/ساعة !!

[eldeplomasy]

النهرده يا شباب وانا ماشي بالعربية حصلت فجأة لقيت دخان طالع من الموتور وانا ماشي على سرعة 160 بالشاهين ال1600 الانجكشن فبصيت على امبير الحرارة لقيتها قرب ال130 فوقفت على جنب على طول لقيت الميه بتغلي جوه فطفيت الموتور وفتحت الردياتير فتقريبا كل الميه اللى جوه طلعت في لحظة او اقل المهم استنيت شوية لحد ما بردت وبعدين شغلت وزودت ميه لحد الاخر وبعدين الحرارة نزلت لحد 70 ومشيت ووصلت تاني في لحظات ل160 تاني ودخنت تاني فبعد ما وقفت بفترة من النظر اكتشفت ان مروة الردياتير مشتغلتش ومش بتشتغل المهم روحت والصبح ودتها لكهربائي لقى الثرموستات الخارجي اللى راكب في الردياتير بايظ فغيرته وبقت تمام

السؤال بقى هل السخونة العالية دي مع السرعه العاليه دي مع سرعه ارتفاع الحرارة هل ممكن يكون أثر على كفاءة الموتور مع العلم اني بصيت على الزيت تمام والموتور سحبه تمام وصوته تمام ومش حاسس باي حاجه حصلت فيها؟؟؟

[dr.hany]

طالما ان كل حاجه طبيعيه والزيت ماتحولش الى اللون الطحينى ,يبقى الحمد لله

[د-احمد عبد اللطيف]

متقلقش حتغير جوان وش السلندر قريب
وابقى راقب المياه كويس يعني اسبوعيا على اكثر تقدير

[eldeplomasy]

الله يطمنك

طيب اروح بقى اجهز الجيوان واتفق مع الميكانيكي على التكاليف واضبط وقتي بقى

الميه لحد النهرده تمام ومش بتنقص وكل حاجه تمام وسحبها تمام وصوتها برده تمام الحمد لله وبتجري حلو جدا

[THETOP]

ها تغير وش سلندر فعلا

بالتوفيق

[tutankhamoun]

متقلقش حتغير جوان وش السلندر قريب
وابقى راقب المياه كويس يعني اسبوعيا على اكثر تقدير

+100000000

أدام العربية ماشية كويس
يبقى هاتمشية كدا كويس لفترة
إنما هاتحتاج جوان وش السلندر بنسبة كبيرة
أقصد هاتحتاج تغيره .......... و أبقى خُد بالك علشان الحرارة لما بتعلى ممكن تتطيرلك وش السلندر نفسه و الحمد لله أن معندكش المشكلة دي
و الجوان بس هو اللي عايز يتغير
و تقريبا موضوع الجوان مش هايبان إلا في وسط زحمة جامدة تخلي العربية تسخن

و دايما و أنت في زحمة .......... عينك على طول على مؤشر الحرارة و دايما تخلي معاك جركن مياة خضراء من دلوقتي لغاية ما تكتشف الموضوع ده
و أول ما تظهر المشكلة تاني
تأخدها على ميكانيكي طوالي يغيرلك الجوان
و متمشيش بيها كدا علشان متجبش وش السلندر نفسه

وهازود على كلام الدكتور أحمد عبد اللطيف
أفحص المية كل يوم قبل ما تخرج بيها ....... لأن أحتمال كبير يكون عندك مشكلة في الجوان و لو لاحظت نقص في المياة
لازم تعمل الجوان على طول
ربنا يوفقك إن شاء الله و ربنا يستر بإذن الله تعالى

[Nour_Peugeot]

لسه مشكله المياه دي حصلا معايا بس انا عندي كوعه المياه اتكسرت و رخت اغير الكوعه و جبت الجيوان ليقبت

الجيوان سايح و ماسك في الحديد بتاع الموتور

و العربيه انا ماشي عليها حوالي 60 كم و الجيوان بيز و معملتش طحينه ولا حاجة الحمد لله

بس مكنش في حل اقف ازود مياه عشان كانت الساعه 3 الصبح و في حتي عمري مهلاقي فيها مياه

[sab3aawy]

عادة لما مشكلة السخونة بتحصل وتعدى بدوون مشاكل الأمر لا يحتاج لجوان ولا يحزنون، لو محصلش فى لحظة السخونة ان الجوان ضرب فعادة مبيحصلش بعديها، انا ياما عربيات 128 و 127 وريجاتا (وخصوصا الريجاتا عملتها معايا كتير جدا لحد ما غيرت الثرموستات بآخر واطى) سخنت منى لحد الأحمر و بعد ما بردت زودتها مية واكتر من مرن ومشيت والجوان محصللوش اى حاجة لحد ما بعتها، الجوان لو مضربش فى لحظة السخونة نفسها يبقى كأن محصللوش حاجة

[dr.hany]

تمااااااااااااام

عادة لما مشكلة السخونة بتحصل وتعدى بدوون مشاكل الأمر لا يحتاج لجوان ولا يحزنون، لو محصلش فى لحظة السخونة ان الجوان ضرب فعادة مبيحصلش بعديها، انا ياما عربيات 128 و 127 وريجاتا (وخصوصا الريجاتا عملتها معايا كتير جدا لحد ما غيرت الثرموستات بآخر واطى) سخنت منى لحد الأحمر و بعد ما بردت زودتها مية واكتر من مرن ومشيت والجوان محصللوش اى حاجة لحد ما بعتها، الجوان لو مضربش فى لحظة السخونة نفسها يبقى كأن محصللوش حاجة

[zizophone]

ماهو انت الي غلطان 160 اية بس ياباشا بس
دي عربية اخرها تقرفك جوة البلد انما تجيب بيها 160 احمد ربنا انها ماطرتش منك وانت جايبهم .وربنا يسهلهالك وتبعد عن وش سلندر وتغير جوان بس

[eldeplomasy]

أنا كده احترت بعض الاعضاء بيقولولي هتغير وبعضهم لأ

بس انا قلتلكوا للي ملاحظه وهو ان صوت الموتور كويس جدا وسحبه تمام الحمد لله والزيت زي ما هو والميه الحمد لله مش بتنقص والسخونة في الزحمه على ال90 مش بتعديها يعنى زي الاول تمام

كده ممكن يكون الموتور حصل فيه حاجه وانا مش واخد بالي ولا ايه؟؟؟

[samirayad]

أنا كده احترت بعض الاعضاء بيقولولي هتغير وبعضهم لأ

بس انا قلتلكوا للي ملاحظه وهو ان صوت الموتور كويس جدا وسحبه تمام الحمد لله والزيت زي ما هو والميه الحمد لله مش بتنقص والسخونة في الزحمه على ال90 مش بتعديها يعنى زي الاول تمام

كده ممكن يكون الموتور حصل فيه حاجه وانا مش واخد بالي ولا ايه؟؟؟

فليبقى الوضع على ماهو علية.........لاتفعل أى شى حاليا.......ولاكن عليك باستمرار مراقبة دائرة الحرارة.............لأن العمر الافتراضى للجوان قل نتيجة تعرضة للحرارة العالية.......

[shoudy2005]

على فكرة انا مرة كنت مسافر و كان فى مشكلة ان الترموستات اللى كان راكب مكنش ينفع لجو مصر و كان دايمآ بيوصل للخط الأحمر و بعد مغيرته العربية جابت جوان بعديها ب 3 شهور لدرجة انى كل ما اروح مشوار الميه بتنقص كلها

[eldeplomasy]

ربنا يبشركوا بالخير بس عموما هي لحد دلوقتي تمام ولكن بسال سؤال تاني هل في اضرار تانيه بسبب الحرارة ممكن تحصل للموتور نفسه كقوة الشد او صوته او اعوجاج في جسم الموتور او ضرر في الرشاشات او مثلا لازم اغير الزيت اللى فيها علشان بسبب السخونة دي فقد لزوجته؟؟؟

[samirayad]

عموما شوف أنت عامل كام كيلو بالزيت لحد دلوقتى .................واذا كان قرب من نصف المدة المقررة................فيفضل تغييرة.....علشان الزيت تعرض لحرارة عالية .....وقد يحدث تكسير حرارى لمكوناتة....وبالطبع لايفضل ذلك.......خلاف ذلك لاتوجد مشكلة باذن الله............ربنا يوفق