جوان وش سلندر - فورد فوكاس

[eng.mtalaat]

يوم الاربع اللى فات كنت ماشى على الدائرى .. مروحه العربيه باظت العربيه سخنت وقفت وخدتها على ونش ع الحرفيين جبتلها مروحه وشغلتها وكانت لسه بتسخن ف قالى ده جوان وش سلندر .. غيرته وقفل وكله تمام والحراه زبطت وكل حاجه .. بس لاحظت كام حاجه فى خلال الاسبوع اللى فات
1- ميه القربه بتقل بسيط ومش عارف ليه
2- استهلاك البنزين أعلى من الاول
3- بتأخر لما اجى ادورها ولازم ادوس بنزين

حد عنده فكره ده من ايه او علاجه يكون ايه ..
فورد فوكاس 2008

[م أحمد]

كان لازم تغير بوجيهات مع تغيير جوان وش السلندر

لو غيرتها شوف البوجيهات الجديدة

لو فى آثار صدأ على راس بوجيهين متتاليين يبقى الجوان تركيبه اونطة و محتاجة جوان تانى و مسح للوش نفسه عند خراط

[eng.mtalaat]

البوجيهات كانت جديده نسبيا لسه مغيرها من شهرين كده ..

[م أحمد]

لازم تتغير لان جوان وش السلندر لما بيضرب مياه بييكون صدأ على سن البوجيهات و يضعفها....نتيجة بخار المياه الداخل لغرفة الحريق

[eng.mtalaat]

فكتيتها وشفتها مفيش عليها لا ميه ولا زيت

[م أحمد]

البوجيه رأسه مصدى ....مش آثار ميه

[eng.mtalaat]

لأ مفيش صدا خالص عليه ابيض خفيف اوى لكن مفيش صدا