دواسه الدبرياج بتفوت لما استعملهاكتير فى الزحمه؟

[samihanwar]

العربيه النترا 2007
المشكله لما بستعمل الدبرياج كتير فى الزحمه ألاقى الدبرياج بيخف وبالتالى ألاقى الغيارات مش عاوزه تيجى
وكمان بلاحظ وأنا دايس على دواسه الفرامل بلاقى الدواسه بتنزل ببطئ سواء العربيه دايره ولا مطفيه
وروحت لأتنين ميكانيكيه كلامهم عكس بعض يعنى:
واحد يقولى عاوزه ماستر سفلى
والتانى يقولى ده من الماستر العلوى لأن لو الماستر السفلى بايظ هتلاقيه بيجيب زيت وهو عندك ومبيجبش زيت
فكده انه الأصح ولكم جزيل الشكر

[فتح الباب]

بصرف النظر عن السفلى بايظ ولا شغال انت كده محتاج تغير طقم جلد كامل للفرامل والدبرياج حيث انه من الواضح تم استهلاكه تقريبا بالكامل عندك فى الدبرياج خزنتين واحده فوق وواحده تحت ودول بيشتغلو على جلد واكيد زيت الدبرياج اسمر من الجلد المهرى وشوف بقالهم كام سنه شغالين افتكر كفايه عليهم كده ومش لازم العربيه تعطل منك علشان تغيرهم لا غيرهم دلوقتى لانك مش عارف هتعطل منك فين ممكن على كوبرى مزدحم اما وانت طالع او وانت نازل ومين عارف ممكن تعطل منك امام اى جهه حكوميه ولا سفاره ولا ما شابه وساعتها هتكون جاى تحط قنبله كل ده علشان جلده ب ٥٠ جنيه مثلا ٠٠٠ اما الفرامل عندك الماستر العمومى يتم تغييره كمان وخصوصا ان الكفه بتنزل منك لتحت وعندك كمان الاربع عجلات كل عجله فيها جلدتيت تقريبا حسب نوع عربيتك مش عارف وكل ده لو غيرته هتلاقيه بمبلغ لا يذكر اصلا امام عطل بسيط فى اى شارع وعلى فكره جميع الجلود يشترط اصلى او على الاقل نوع نظيف وغالبا بيكون يابانى وهو افضل معلهش اسف انا طولت بس انا كده فى كل حياتى وموسوس قهريا٠ ارجو اان اكون افدتك ٠ تقبل مرورى

[samihanwar]

حبيبى
بس انا عندى خزنه واحده للدبرياج والفرامل والزيت زى الفل نضييييف
وفى الاول والاخر انا متشكر ليك جزيل استاذ فتح الباب

[فتح الباب]

خزنه واحده عادى ده مش معناها ان فيها جلد واحد انما هى بستمين وكل بستم مختص بنفسه عادى والا هتيجى تدوس دبرياج هتفرمل العربيه معاك وفى الحالتين لابد من وجود خزنه اخرى صغيره للدبرياج على الفتيس اللى بتاخد اوامرها من الخزنه اللى فوق اما الزيت طالما نظيف يبقى ممكن الجلد يكون حلو ولكن فى تهريب من اى مكان تانى ولو الخزنه مش بتنقص يبقى تهريب بردو بس تهريب من جوه لجوه يعنى الزيت بييجى من امام الجلده الى خلفها رغم ان الدوره سليمه ٠٠٠٠٠٠٠٠ اقولك على حاجه افضل الجلد والماستر بصفه عامه هى قطع غيار مستهلكه ضع هذا فى الاعتبار وسامحنى لانى فاضى