لمبة فرامل اليد منورة و فيه ترشيح زيت على الكاوتش الخلفى

[فارس الواحة]

السلام عليكم :
سيارتى هوندا 92 لمبة فرامل اليد منورة بقالها كام يوم وفيه ناس قالتلى ممكن زيت الباكم نقص عن مستواه و بصيت لقيته ناقص شوية و فيه ترشيح زيت على الكاوتش الخلفى لما ركنت العربية يومين لاحظته بوضوع نازل من وار الكاوتش من النص على تحت ، ايه الموقف كدا ؟؟؟
حاجه كمان ، لما اجى اجيب الغيارات و خاصتا الرجوع للخلف بلاقى الفتيس مش راضى يخد الغيار بسهولة و كمان بحس ان فيه صعوبه فى تحديد مجرى الفتيس بمعنى اجى اخد الاول مثلا افضل ادور على المجرى و ساعات يرجع برضو بصعوبة رغم انى واخد الفتيس عليا خالص و مرجع لورا يعنى عامل الوضع الصح للغيار و لما اخد الغيار الاول بلاقى الفتيس بيروح يمين وشمال فيه ناس قالتلى ده بوش بس ده عندى بضمير ، هل ده مشكلة فى نقص زيت الفتيس ، و ازاى اضبط مجرى الفتيس و سبب صعوبة تعشيق الغيار ايه ؟؟
ارجوكم افيدونى فى مشاكلى .

[فتح الباب]

زيت الفرامل لما بينقص لمبة اليد بتنور وده امر عادى انها تنور ونقص الزيت عندك اما من جلد البستم فى العجله اما ماسوره تالفه او مكسوره هتشوف الزيت منين وتمنع ترشيح الزيت ودى كده تتحل ان شاء الله . اما عن بوش عصا الفتيس هتروح ليكانيكى وتشرح له الوضع وهتلاقى عندك اكتر من احتمال الاول ممكن يعمل جلب للعصا بعد فكها من مكانها والتانى ممكن يستبدل سوسته خاصه بالعصا على حسب حالتك

[Mecha]

غير مسطر العجله اللي بيهرب وممكن تغير تيل لو شارب زيت
واملا زيت وخد هوا
الغيار صعب غشان زيت الباكم ناقص واخيانا
الدبرياش والفرامل علي خزنه واحده
ظبط الفرامل الاول

[فارس الواحة]

هوا زيت الفتيس برضو هوا نفس زيت الفرامل اللى اسمه زيت باكم ولا نوع تانى ، و ايه افضل زيت فتيس موجود وبكام ؟

[svneleven]

لا زيت الفتيس غير زيت الفرامل. العضو المحترم يقصد زيت الفرامل هو زيت الدبرياج لو الدبرياج عندك مش سلك و ليه ماستر زي بتاع الفرامل و أحيان كتير بيكون الاتنين ليهم خزنة زيت واحده.